Nnwom 31:1-24
Wɔde ma dwom kyerɛfo. Dawid dwom.
31 O Yehowa, wo na mede wo ayɛ me guankɔbea.+
Mma m’anim nngu ase da.+
Wo trenee nti gye me.+
2 Yɛ aso ma* me.
Yɛ ntɛm begye me.+
Bɛyɛ sɛ abannennen a ɛwɔ botan mu ma me,Na yɛ sɛ guankɔbea a ɛhɔ yɛ den, na gye me.+
3 Wone me botan ne m’abannennen,+Na wo din nti,+ wubedi m’anim na woakyerɛ me kwan.+
4 Sɛ wosum me afiri a, wubegye me na anyi me,*+Efisɛ wone me guankɔbea.+
5 Wo nsam na mede me honhom hyɛ.+
O Yehowa, nokware Nyankopɔn,* woagye me.+
6 Wɔn a wodi abosonhuhuw a mfaso biara nni so akyi no, mikyi wɔn;Me de, Yehowa na mede me ho ato no so.
7 Wo dɔ a enni huammɔ nti, medi ahurusi kɛse,Efisɛ woahu m’amanehunu,+Na wunim m’ahohia* bebrebe no.
8 Woamfa me anhyɛ atamfo nsa.Mmom woama magyina baabi a bɔne biara renka me.*
9 O Yehowa, dom me, na me ho hiahia me.
Awerɛhow ama m’aniwa resɛe,+ na aka me nipadua nyinaa.*+
10 Awerɛhow ahyɛ m’asetena ma,+Na me nkwa nna nyinaa misi apini.+
Me mfomso nti m’ahoɔden so retew,Na me nnompe mu ayɛ mmerɛw.+
11 M’atamfo nyinaa di me ho fɛw,+Titiriw wɔn a wɔte bɛn me;
M’amannifo suro me.Wohu me wɔ abɔnten a, na wɔreguan.+
12 Wɔayi me adi wɔ wɔn koma mu te sɛ obi a wawu; wɔnkae me bio.Mayɛ sɛ ahina a abɔ.
13 Mate nsɛmmɔne pii a wɔkeka fa me ho no;Nneɛma a ɛyɛ hu atwa me ho ahyia.+
Sɛ wɔka wɔn ti bom na wɔfa me ho adwene a,Wɔbɔ pɔw sɛ wobeyi me afi hɔ.*+
14 Nanso me de, mede me ho ato wo so, O Yehowa.+
Meka sɛ: “Wone me Nyankopɔn.”+
15 Me nkwa nna hyɛ wo nsa.
Gye me fi m’atamfo ne wɔn a wɔtaa me no nsam.+
16 Tew w’anim ma w’akoa.+
Wo dɔ a enni huammɔ nti, gye me.
17 O Yehowa, sɛ misu frɛ wo a, mma m’anim nngu ase.+
Ma nnebɔneyɛfo ani nwu;+Ma wɔnka wɔn ano ntom wɔ Ɔdamoa* mu.+
18 Ma atorofo nka wɔn ano ntom;+Wɔn na wɔde ahantan ne ahomaso keka atreneefo ho nsɛm de gu wɔn anim ase.
19 Wo papayɛ dɔɔso sɛ!+
Wode asie ama wɔn a wosuro wo no,+Na wɔn a wɔde wo yɛ guankɔbea no, woda no adi kyerɛ wɔn wɔ nnipa nyinaa anim.+
20 Wobɛkora wɔn so w’anim wɔ wo hintabea+Na nnipa a wɔabɔ wɔn ho pɔw no annya wɔn.Wode wɔn besie wo ntamadan muAfi adapaatwa* ho.+
21 Ayeyi nka Yehowa,Efisɛ wada ɔdɔ a enni huammɔ adi akyerɛ me paa+ wɔ kurow a atamfo atwa ho ahyia mu.+
22 Me de, ehu kaa me na mekae sɛ:
“Mɛyera afi w’anim.”+
Nanso, misu frɛɛ wo, na wutiee me sufrɛ.+
23 Mo a mudi Yehowa nokware nyinaa, monnɔ no!+
Yehowa bɔ anokwafo ho ban,+Na ahantanfo de, otua wɔn ka ma ɛboro so.+
24 Mo a moretwɛn Yehowa nyinaa,+Munnya akokoduru na mo bo nyɛ duru.+
Ase Hɔ Nsɛm
^ Anaa “Bɔ wo mu ase na tie.”
^ Nt., “Asau a wɔde ahintaw me no, wubegye me afi mu.”
^ Anaa “Onyankopɔn nokwafo.”
^ Anaa “me kra ahohia.”
^ Anaa “baabi a ɛhɔ trɛw.”
^ Anaa “me kra ne me yafunu.”
^ Anaa “wobegye me kra afi me nsam.”
^ Anaa “Sheol,” kyerɛ sɛ, adasamma damoa. Hwɛ Nkyerɛkyerɛmu afã hɔ.
^ Nt., “tɛkrɛma a ɛreham.”
