Nnwom 115:1-18
115 Yɛn de, yɛmfata, O Yehowa, yɛmfata;*Wo din na hyɛ no anuonyam+Esiane wo dɔ a enni huammɔ ne wo nokwaredi nti.+
2 Adɛn nti na ɛsɛ sɛ amanaman no ka sɛ:
“Wɔn Nyankopɔn no wɔ he?”+
3 Yɛn Nyankopɔn no wɔ soro;Nea ɛsɔ n’ani biara ɔyɛ.
4 Wɔn ahoni yɛ dwetɛ ne sika kɔkɔɔ,Onipa nsa ano adwuma.+
5 Wɔwɔ ano, nanso wɔnkasa;+Wɔwɔ aniwa, nanso wonhu ade;
6 Wɔwɔ aso, nanso wɔnte asɛm;Wɔwɔ hwene, nanso wɔnte hua;
7 Wɔwɔ nsa, nanso wontumi nso ade mu.Wɔwɔ nan, nanso wontumi nnantew;+Nnyigyei biara mfi wɔn menewa mu mma.+
8 Obiara a ɔyɛ saa ahoni no, ɔbɛyɛ sɛ ahoni no ara,+Na obiara a ɔde ne ho to ahoni no so no, ɔno nso bɛyɛ sɛ ahoni no ara.+
9 O Israel, momfa mo ho nto Yehowa so;+Ɔno ne mo boafo ne mo kyɛm.+
10 O Aaron fi,+ momfa mo ho nto Yehowa so;Ɔno ne mo boafo ne mo kyɛm.
11 Mo a musuro Yehowa, momfa mo ho nto Yehowa so;+Ɔno ne mo boafo ne mo kyɛm.+
12 Yehowa kae yɛn, na obehyira yɛn;Obehyira Israel fi,+Na obehyira Aaron fi.
13 Yehowa behyira wɔn a wosuro no,Nketewa ne akɛse nyinaa.
14 Mo ne mo mma* nyinaa,Yehowa bɛma mo adɔɔso.+
15 Yehowa a ɔyɛɛ ɔsoro ne asaase noNhyira mo.+
16 Ɔsoro yɛ Yehowa dea,+Na asaase de, ɔde ama nnipa.+
17 Awufo ntumi nyi Yah ayɛ;+Wɔn a wɔwɔ ɔdamoa mu* nso saa ara.+
18 Nanso yɛn de, yebeyi Yah ayɛFi nnɛ kosi daa.
Munyi Yah ayɛ!*
Ase Hɔ Nsɛm
^ Anaa “Biribiara nyɛ yɛn dea, O Yehowa, biribiara nyɛ yɛn dea.”
^ Nt., “ne mo mma mmarima.”
^ Nt., “Wɔn a wɔakɔda dinn.”
^ Anaa “Haleluya!” “Yah” yɛ edin Yehowa a wɔatwa no tiaa.
