Saame 65:1-13
Ki he pule hivá. Saame ʻa Tēvita. Ko ha hiva.
65 ʻE ʻOtua, ʻoku fakatatali atu ʻa e fakahīkihikí kiate koe, ʻi Saione.+
Te mau fakahoko ʻemau ngaahi fuakavá kiate koe.+
2 ʻA koe ko e Tokotaha-Fanongo ki he lotú, ʻe ʻalu atu kiate koe ʻa e ngaahi faʻahinga kakai* kotoa.+
3 Kuo lōmekina au ʻe heʻeku ngaahi faihalá,+Ka ʻokú ke ʻufiʻufi ʻa ʻemau ngaahi laka halá.+
4 Fiefia ē ko e tokotaha ʻokú ke fili peá ke ʻomi ke ofiKe nofo ʻi ho ongo lotoʻaá.+
Te mau fiemālie ʻi he lelei ʻo ho falé,+ʻA ho temipale tapú.*+
5 Te ke fai mai ʻa e tali kiate kimautolu ʻaki ʻa e ngaahi ngāue fakaofo+ ʻo e māʻoniʻoní,ʻE ʻOtua ko homau fakamoʻuí;Ko koe ʻa e Falalaʻanga ʻo e ngaahi ngataʻanga kotoa ʻo e māmaní,+Pea mo e faʻahinga ʻoku mamaʻo ʻi he ngaahi feituʻu ʻo e tahí.
6 Naʻá ke* fokotuʻu maʻu ʻa e ngaahi moʻungá ʻaki ho iví;ʻOkú ke* teungaʻaki ʻa e mālohí.+
7 ʻOkú ke* fakanonga ʻa e ʻuʻulu ʻa e ngaahi tahí,+ʻA e haʻahaʻaki ʻa honau ngaahi peaú mo e hohaʻatuʻu ʻa e ngaahi puleʻangá.+
8 Ko e kakai ʻo e ngaahi feituʻu mamaʻó te nau manavahē ʻi hoʻo ngaahi fakaʻilongá;+Te ke ʻai ʻa e faʻahinga mei he hopoʻanga laʻaá ki he tōʻanga laʻaá ke nau kaikaila fiefia.
9 ʻOkú ke tokangaʻi ʻa e māmaní,ʻO ʻai ia ke fua lahi* pea mahu ʻaupito.+
Ko e vaitafe mei he ʻOtuá ʻoku fonu ʻi he vaí;ʻOkú ke tokonaki ʻa e uite maʻanautolu,+He ko e founga ia ʻo hoʻo teuteu ʻa e māmaní.
10 ʻOkú ke fakaviviku ʻa hono ngaahi ʻotú pea fakatokalelei ʻa hono kelekele kuo palaú;ʻOkú ke fakamolū ia ʻaki ʻa e ʻuhá; ʻokú ke tāpuakiʻi ʻa ʻene tupú.+
11 ʻOkú ke fakateunga ʻa e taʻú ʻaki hoʻo leleí;Ko ho ngaahi ʻalungá ʻoku mahutafea ʻi he meʻa lahi.*+
12 Ko e ngaahi kaikaiʻanga ʻo e toafá ʻe fonu mahuohua* ai pē,+Pea ko e ngaahi foʻi māʻolungá ʻoku fakakofuʻaki ʻa e fiefia.+
13 Ko e ngaahi kaikaiʻangá ʻoku ʻufiʻufi ʻe he ngaahi tākangá,Pea ko e ngaahi teleʻá* ʻoku falikiʻaki ʻa e uité.+
ʻOku nau kaila ʻi he ikuna, ʻio, ʻoku nau hiva.+
Fakamatala ‘i Lalo
^ Fakafoʻilea, “kakano.”
^ Pe “feituʻu toputapú.”
^ Fakafoʻilea, “ʻOkú ne.”
^ Fakafoʻilea, “Naʻá ne.”
^ Fakafoʻilea, “ʻOkú ne.”
^ Fakafoʻilea, “fonu mahuohua.”
^ Fakafoʻilea, “tafetafe ʻa e ngako.”
^ Fakafoʻilea, “tafetafe.”
^ Pe “ngaahi talaló.”
