“Naʻe hiki ʻe Mōsese ʻa e ngaahi foʻi folofola kotoa pē ʻa Sihová.”

ʻEkisoto 24:4

“Naʻe mamata ai ʻa Taniela ki ha misi mo ha ngaahi vīsone ʻi heʻene tokoto ʻi hono mohengá. Naʻá ne hiki leva ʻa e misí; naʻá ne hiki kakato ʻa e fakamatala ʻo fekauʻaki mo e ngaahi meʻá ni.”

Taniela 7:1

“ʻI he taimi naʻa mou maʻu ai ʻa e folofola ʻa e ʻOtuá, ʻa ia naʻa mou fanongo ai meiate kimautolú, naʻa mou tali ia ʻo ʻikai ko ha lea ʻa ha tangata, kae hangē tofu pē ko ia ko hono tuʻunga moʻoní, ko e folofola ia ʻa e ʻOtuá.”

1 Tesalonaika 2:13

“Ko e potu Folofola kotoa pē kuo fakamānavaʻi ia ʻe he ʻOtuá pea ʻoku ʻaonga ki he akonaki.”

2 Tīmote 3:16

“Naʻe teʻeki ʻi ai ha taimi ʻe ʻomi ai ha kikite ʻi he tuʻutuʻuni ʻa e tangatá, ka naʻe lea mei he ʻOtuá ha kau tangata ʻi hono ueʻi kinautolu ʻe he laumālie māʻoniʻoní.”

2 Pita 1:21