Saame 55:1-23
Ki he pule hivá; ke ngāueʻaki ʻa e ngaahi meʻalea filo. Masikili.* Saame ʻa Tēvita.
55 Fanongo mai muʻa ki heʻeku lotú, ʻe ʻOtua,+Pea ʻoua naʻá ke tukunoaʻi ʻa ʻeku kole ki ha mēsí.*+
2 Ke ke tokanga mai kiate au pea fai mai ha tali.+
Ko ʻeku hohaʻá ʻokú ne ʻai au ke u taʻemanonga,+Pea ʻoku ou puputuʻu
3 Koeʻuhi ko e meʻa ʻoku leaʻaki ʻe he filíPea mo e tenge mei he tokotaha fulikivanú.
He ʻoku nau nafuiʻaki au ʻa e faingataʻá,Pea ʻi heʻenau ʻitá ʻoku nau tukulotoa mai kiate au ʻa e tāufehiʻá.+
4 ʻOku mamahi ʻa hoku lotó,+Pea ʻoku lōmekina au ʻe he ilifia ki he maté.+
5 ʻOku hoko mai ʻa e manavahē mo e tetetete kiate au,Pea ko e tetekí ʻokú ne maʻunimā au.
6 ʻOku ou hanganaki pehē: “Taumaiā naʻá ku maʻu ha kapakau ʻo hangē ha lupé!
Te u puna ʻo nofo ʻi he malú.
7 Vakai! Te u hola ki he mamaʻó.+
Te u nofo ʻi he toafá.+ (Sila)
8 Te u fakavave ki ha feituʻu maluʻO mamaʻo mei he matangi mālohí, pea mamaʻo mei he afaá.”
9 ʻAi ke nau puputuʻu, ʻe Sihova, pea veuki ʻa ʻenau ngaahi palaní,*+He kuó u sio ki he fakamālohí mo e fekeʻikeʻí ʻi he koló.
10 ʻOkú na takatakai ʻi he ʻaho mo e pō ʻi hono ngaahi ʻaá;ʻOku ʻi loto ai ʻa e loto-kovi mo e faingataʻa.+
11 Ko e maumaú ʻoku ʻi hono lotolotongá;Ko e fakafeʻātungiá mo e kākaá ʻoku ʻikai ʻaupito mavahe mei hono malaʻe fakakoló.*+
12 He ʻoku ʻikai ko ha fili ʻokú ne lumaʻi aú;+Ka ne pehē, naʻe mei lava ke u kātakiʻi.
ʻOku ʻikai ko ha fili ʻokú ne tuʻu mai kiate aú;Ka ne pehē, naʻe mei lava ke u toitoi meiate ia.
13 Ka ko koe ia, ko ha tangata hangē ko aú,*+Ko hoku kaungāmeʻa ʻa ia ʻoku ou ʻiloʻi lelei.+
14 Naʻá ta faʻa fiefia fakataha ko ha kaungāmeʻa māfana;Naʻá ta faʻa luelue fakataha mo e fuʻu kakaí ki he fale ʻo e ʻOtuá.
15 ʻOfa ke maʻu kinautolu ʻe he ʻauhá!+
Tuku ke nau ʻalu hifo moʻui ki he Faʻitoká;*He ʻoku nofo ʻa e koví ʻi honau lotolotongá pea ʻiate kinautolu.
16 Ka kiate au, te u ui ki he ʻOtuá,Pea ʻe fakahaofi au ʻe Sihova.+
17 ʻI he efiafí mo e pongipongí mo e hoʻataá, ʻoku ou faingataʻaʻia mo toʻe,*+Pea ʻokú ne fanongo mai ki hoku leʻó.+
18 Te ne fakahaofi* au pea ʻomi kiate au ʻa e nonga mei he faʻahinga ʻoku nau faitau kiate aú,He ʻoku fakafepaki ʻa e fuʻu tokolahi kiate au.+
19 ʻE fanongo mai ʻa e ʻOtuá peá ne fai ha meʻa kiate kinautolu,+ʻA e tokotaha ʻokú ne ʻafio ʻi he taloní talu mei muʻá.+ (Sila)
Te nau fakafisi ke liliu,ʻA e faʻahinga kuo ʻikai te nau manavahē ki he ʻOtuá.+
20 Naʻá ne* ʻohofi ʻa e faʻahinga ʻoku nofo melino mo iá;+Naʻá ne maumauʻi ʻa ʻene fuakavá.+
21 Ko ʻene leá ʻoku molū ange ia ʻi he patá,+Ka ʻoku ʻi hono lotó ʻa e fekeʻikeʻi.
Ko ʻene leá ʻoku momole ange ia ʻi he loló,Ka ko e ngaahi heletā ia kuo unuhi.+
22 Lī hoʻo kavengá kia Sihova,+Pea te ne tokoniʻi koe.+
ʻE ʻikai ʻaupito te ne tuku ʻa e tokotaha māʻoniʻoní ke ne tō.*+
23 Ka ko koe, ʻe ʻOtua, te ke ʻohifo kinautolu ki he luo loloto tahá.+
Ko e kau tangata halaia ʻi he toto mo kākā ko iá ʻe ʻikai te nau moʻui ʻo aʻu ki he vaeua ʻo honau ngaahi ʻahó.+
Ka kiate au, te u falala kiate koe.
Fakamatala ‘i Lalo
^ Sio ki he Lea mo Hono ʻUhinga.
^ Pe “Pea ʻoua naʻá ke toitoi ʻi heʻeku lotu atu ki ha tokoní.”
^ Fakafoʻilea, “fakamavahevaheʻi ʻa honau ʻeleló.”
^ ʻA ia, ko ha feituʻu faiʻanga meʻa tefito ia ʻo e koló ki he kakaí.
^ Pe “ko ha tangata, ko hoku tatau.”
^ Pe “ki Seoli,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
^ Pe “taʻemanonga.”
^ Fakafoʻilea, “huhuʻi.”
^ ʻA ia, ko e kaungāmeʻa ki muʻa naʻe lave ki ai ʻi he veesi 13 mo e 14.
^ Pe “tāsipa; sēlue.”
