FEHUʻI 10
Ko e Hā ʻOku Talaʻofa Mai ʻi he Tohi Tapú ki he Kahaʻú?
“Ko e kau māʻoniʻoní te nau maʻu ʻa e māmaní, pea te nau nofo ai ʻo taʻengata.”
“ʻOku kei tuʻu ai pē ʻa e foʻi māmaní ʻo taʻengata.”
“Te ne folofua ʻa mate ʻo taʻengata, pea ʻe holoholo ʻe he ʻEiki Hau ko Sihová ʻa e loʻimatá mei he mata kotoa pē.”
“ʻI he taimi ko iá ʻe ʻā ʻa e mata ʻo e kuí, pea ʻe fakaava ʻa e telinga ʻo e tulí. ʻI he taimi ko iá ʻe hopo ʻa e heké ʻo hangē ko e tiá, pea ʻe kaila ʻi he fiefia ʻa e ʻelelo ʻo e noá. He ʻe pā mai ʻa e ngaahi vai ʻi he toafá, mo e ngaahi vaitafe ʻi he toafa tokaleleí.”
“Te ne holoholo ʻa e loʻimata kotoa pē mei honau matá, pea ʻe ʻikai ke toe ʻi ai ha mate, pe ha mamahi pe ha tangi pe ha langa. Kuo mole atu ʻa e ngaahi meʻa muʻá.”
“Te nau langa fale pea nofo ai, pea te nau tō ngoue kālepi pea kai ʻa hono fuá. ʻE ʻikai te nau langa ke nofo ai ha tokotaha kehe, pea ʻe ʻikai te nau tō ke kai ʻe ha niʻihi kehe. He ko e ngaahi ʻaho ʻo hoku kakaí ʻe hangē ko e ngaahi ʻaho ʻo ha fuʻu ʻakau, pea ko e ngāue ʻa honau nimá ʻe fiefia kakato ai ʻa e faʻahinga kuó u filí.”
