సామెతలు 25:1-28
25 ఇవి కూడా సొలొమోను సామెతలే,+ వీటిని యూదా రాజైన హిజ్కియా+ మనుషులు నకలు రాసి సమకూర్చారు:
2 విషయాన్ని రహస్యంగా ఉంచడం దేవునికి ఘనత,+విషయాన్ని పరిశోధించడం రాజులకు ఘనత.
3 ఆకాశం ఎత్తును, భూమి లోతును,రాజుల హృదయాన్ని పరిశోధించడం వీలుకాదు.
4 వెండి నుండి మలినాన్ని తొలగిస్తేపూర్తిగా శుద్ధి అయిన వెండి బయటికి వస్తుంది.+
5 రాజు సమక్షం నుండి దుష్టుణ్ణి తొలగిస్తే,అతని సింహాసనం నీతితో సుస్థిరమౌతుంది.+
6 రాజు ఎదుట నిన్ను నువ్వు ఘనపర్చుకోకు,+వెళ్లి ప్రముఖుల మధ్య నిలబడకు;+
7 అతను ప్రముఖుడి ముందు నిన్ను అవమానించడం కన్నా,
“ఇక్కడికి పైకి రా” అని నీతో అనడం బావుంటుంది.+
8 తొందరపడి వ్యాజ్యంలో తలదూర్చకు,తర్వాత నీ పొరుగువాడు నిన్ను అవమానిస్తే అప్పుడు నువ్వేం చేస్తావు?+
9 నీ పొరుగువాడితో వాదిస్తే వాదించు,+కానీ రహస్యంగా నీతో చెప్పినవాటిని* బయటపెట్టకు;+
10 లేదంటే వినేవాడు నిన్ను అవమానించవచ్చు,నువ్వు ప్రచారం చేసిన చెడ్డవార్తను* వెనక్కి తీసుకోవడం వీలుకాదు.
11 సరైన సమయంలో మాట్లాడిన మాటవెండి పళ్లెంలో ఉన్న బంగారు ఆపిల్‌ పండ్ల లాంటిది.+
12 తెలివితో గద్దించేవాడు వినేవాడి చెవికి బంగారు చెవిపోగు లాంటివాడు,మేలిమి బంగారు ఆభరణం లాంటివాడు.+
13 నమ్మకమైన సందేశకుడు తనను పంపిన వ్యక్తికికోతకోసే రోజున కురిసే చల్లటి మంచు లాంటివాడు,అతను తన యజమాని ప్రాణాన్ని సేదదీరుస్తాడు.+
14 అసలు ఎప్పుడూ ఇవ్వని బహుమతి గురించి గొప్పలు చెప్పుకునేవాడువర్షం కురిపించని గాలి, మబ్బుల లాంటివాడు.+
15 ఓర్పుతో అధికారిని ఒప్పించవచ్చు,మృదువైన* నాలుక ఎముకల్ని విరగ్గొడుతుంది.+
16 నీకు తేనె దొరికితే, అవసరమైనంతే తిను,మరీ ఎక్కువ తింటే దాన్ని కక్కేస్తావు.+
17 నీ పొరుగువాడి ఇంట్లో ఎప్పుడో గానీ అడుగుపెట్టకు,లేకపోతే అతనికి నువ్వంటే విసుగొచ్చి నిన్ను అసహ్యించుకుంటాడు.
18 తన పొరుగువాడి గురించి తప్పుడు సాక్ష్యం చెప్పేవాడుయుద్ధంలో వాడే కర్ర, ఖడ్గం, పదునైన బాణం లాంటివాడు.+
19 కష్టకాలాల్లో నమ్మదగని వాడి* మీద నమ్మకం పెట్టుకోవడంవిరిగిన పన్ను మీద, బెణికిన పాదం మీద ఆధారపడడం లాంటిది.
20 విచార హృదయం గలవాడి ముందు పాటలు పాడేవాడుచల్లగా ఉన్న రోజున వస్త్రాన్ని తీసేసే వ్యక్తి లాంటివాడు,క్షారం* మీద పుల్లటి ద్రాక్షారసం పోసే వ్యక్తి లాంటివాడు.+
21 నీ శత్రువు ఆకలితో ఉంటే ఆహారం పెట్టు,అతను దాహంతో ఉంటే నీళ్లు ఇవ్వు;+
22 అలాచేస్తే అతని తలమీద నిప్పులు కుప్పగా పోస్తావు,*+యెహోవా నీకు ప్రతిఫలం ఇస్తాడు.
23 ఉత్తర గాలి వర్షాన్ని తెస్తుంది,పుకార్లు వ్యాప్తి చేసే నాలుక కోపం తెప్పిస్తుంది.+
24 గయ్యాళి* భార్యతో కలిసి ఒకే ఇంట్లో ఉండడం కన్నాఇంటి పైకప్పు మీద ఒక మూలన నివసించడం మంచిది.+
25 దూరదేశం నుండి వచ్చిన మంచి కబురుఅలసిన ప్రాణానికి* చల్లటి నీళ్ల లాంటిది.+
26 దుష్టుడికి లొంగిపోయే* నీతిమంతుడుబురద లేచిన ఊట లాంటివాడు, పాడైన బావి లాంటివాడు.
27 అతిగా తేనె తినడం మంచిదికాదు,+సొంత మహిమ కోసం పాకులాడడం ఘనత కాదు.+
28 ఆవేశాన్ని* అదుపు చేసుకోలేనివాడుప్రాకారం లేక నాశనమైన నగరం లాంటివాడు.+
అధస్సూచీలు
^ లేదా “ఇతరుల రహస్యాల్ని.”
^ లేదా “పేరు పాడుచేసే పుకారును.”
^ లేదా “సాత్వికమైన.”
^ లేదా “మోసగాడి” అయ్యుంటుంది.
^ లేదా “చాకలి సోడా.”
^ అంటే, అతన్ని మెత్తబర్చి అతని కఠినత్వాన్ని కరిగించేస్తావు.
^ లేదా “సతాయించే.”
^ లేదా “దుష్టుడితో రాజీపడే.” అక్ష., “దుష్టుడి ముందు తడబడే.”
^ లేదా “మనసును.”
