Liproverbia 8:1-36
8 Bohlale bo ntse bo hoeletsa.
Temoho e ntse e phahamisa lentsoe.+
2 Bo eme libakeng tse phahameng+ haufi le tsela,Bo eme mateanong a litsela.
3 Pel’a likeiti tsa motse,Menyakong eo ho kenoang ka eona,Bo ntse bo hoeletsa bo re:+
4 “Kea le bitsa, lona batho,Ke hoeletsa batho bohle.*
5 Lona ba se nang tsebo, ithuteng bohlale,+Lona ba se nang kelello, e-bang le kutloisiso.*
6 Mamelang hobane ke bua litaba tsa bohlokoa,Ke bua lintho tse lokileng,
7 Molomo oa ka o bua ’nete,Molomo oa ka o nyonya bokhopo.
8 Lipolelo tsohle tsa molomo oa ka li lokile.
Ha ho le e ’ngoe ea tsona e sothehileng kapa eo e leng leshano.
9 Kaofela ha tsona li hlakile ho ea nang le kelelloHape li lokile ho ba fumaneng tsebo.
10 Khethang thuto ea ka ho e-na le sileveraLe tsebo ho e-na le khauta e ntle.+
11 Etsoe bohlale bo molemo ho feta likorale,*Lintho tse ling tsohle tseo motho a ka li lakatsang ha se letho ha li bapisoa le bohlale.
12 ’Na bohlale, ke lula le masene,Ke fumane tsebo le bokhoni ba ho nahana.+
13 Ho tšaba Jehova ho bolela ho hloea bobe.+
Ke hloile boikhohomoso, boikakaso,+ bokhopo le leshano.+
14 Ke na le keletso ea bohlokoa le bohlale.+
Ke na le kutloisiso+ le matla.+
15 Marena a ntse a busa ka lebaka la kaLe liofisiri tse kholo li etsa melao e lokileng ka lebaka la ka.+
16 Ke ka ’na likhosana li ntseng li busaLe bahlomphehi ba ahlolang ka toka.
17 Ke rata ba nthatang,Ba mpatlang ba tla mphumana.+
18 Ke na le maruo le tlhompho,Matlotlo a sa senyeheng le ho loka.
19 Litholoana tsa ka li molemo ho feta khauta, li molemo ho feta khauta e hloekisitsoeng.
Lihlahisoa tsa ka li molemo ho feta silevera e ntle.+
20 Ke tsamaea tseleng ea ho loka,Bohareng ba litsela tsa toka.
21 Ke fana ka lefa le nonneng ho ba nthatang,Ke tlatsa litoro tsa bona.*
22 Jehova o ile a mpopa ke le qalo ea mosebetsi oa hae,+Ke le oa pele linthong tsa khale tseo a li fihletseng.+
23 O ile a mpeha boemong bo phahameng ho tloha khale,+Ho tloha qalong, linakong tsa pele lefatše le e-ba teng.+
24 Ke ile ka hlaha* pele ho e-ba le maoatle,+Pele ho e-ba le liliba tse tletseng metsi.
25 Pele lithaba li thehoa,Pele ho e-ba le maralla, ke ile ka hlaha,
26 Pele a etsa lefatše le nahaLe lekote la pele la mobu oa lefatše.
27 Ke ne ke le teng ha a etsa maholimo;+Ha a beha moeli pakeng tsa leholimo le leoatle,+
28 Ha a tsitsisa maru sepaka-pakeng,Ha a etsa mehloli ea leoatle,
29 Ha a sehela leoatle meeliE le hore metsi a lona a se ke a tlola meeli+ eo a e behileng,*Ha a rala metheo ea lefatše,
30 Ke ne ke e-na le eena ke le mosebetsi ea hloahloa.+Letsatsi le letsatsi ke ne ke le eo a mo ratang haholo,+Ka nako eohle ke ne ke thabile ka pel’a hae.+
31 Ke ne ke thabetse lefatše la hae,Ka ho khetheha ke ne ke rata batho.
32 Joale bara ba ka, ’mameleng.
Ho thaba ba tsamaeang litseleng tsa ka.
33 Mamelang taeo+ ’me le hlalefe,Le se ke la e lahla.
34 Ho thaba motho ea ’mamelangKa ho tla esale hoseng* menyako ea ntlo ea ka letsatsi le letsatsi,Ka ho ema pel’a menyako ea ka.
35 Ea mphumanang o tla fumana bophelo+’Me Jehova o tla mo amohela.
36 Empa ea iphapanyetsang ’na o intša kotsi,Ba ntlhoileng ba rata lefu.”+
Linaletsana
^ Ka Seheberu: “bara ba batho.”
^ Kapa: “pelo e utloisisang.”
^ Kapa: “matlo a bona a polokelo.”
^ Kapa: “hlaha joalokaha eka ke ka bohloko ba pelehi.”
^ Kapa: “taelo ea hae.”
^ Kapa: “Ka ho lula a falimehile.”
