Lipesaleme 72:1-20
Mabapi le Solomone.
72 Molimo, u fe morena likahlolo tsa hao,U rute mora oa morena liketso tsa ho loka.+
2 E se eka a ka buella nyeoe ea batho ba hao ka ho lokaLe ea batho ba hao ba maemong a tlase ka toka.+
3 Lithaba li ke li tlisetse batho khotsoLe maralla a ke a tlise ho loka.
4 A ke a buelle* batho ba maemo a tlase,A pholose bara ba ba futsanehileng,A be a silakanye molotsana.+
5 Ba tla u tšaba hafeela letsatsi le ntse le le tengLe hafeela khoeli e ntse e le teng,Molokong o mong ka mor’a o mong.+
6 O tla ba joaloka pula e nelang joang bo kutiloeng,A be joaloka lipula tsa melupe tse nosetsang lefatše.+
7 Ha a busa, ba lokileng ba tla eketseha,+Khotso e tla ba ngata+ hafeela khoeli e ntse e le teng.
8 O tla ba le batho bao a ba busang ho tloha leoatleng le leng ho ea ho le lengLe ho tloha Nokeng* ho ea likarolong tse hole tsa lefatše.+
9 Batho ba lulang lehoatateng ba tla mo inamela,O tla hlola lira tsa hae.*+
10 Marena a Tarshishe le a lihlekehlekeng a tla patala lekhetho.*+
Marena a Sheba le a Seba a tla tlisa limpho.+
11 Marena ’ohle a tla mo inamela,Lichaba tsohle li tla mo sebeletsa.
12 O tla pholosa ea futsanehileng ea llang ho kopa thusoLe ea maemong a tlase le mang kapa mang ea se nang mothusi.
13 O tla qenehela ba maemong a tlase le ba futsanehilengEbile o tla pholosa bafutsana.
14 O tla ba pholosa ho ba ba hatellang le ho ba ba loantšang,Mali a bona e tla ba a bohlokoa mahlong a hae.
15 A ke a phele ’me a fuoe khauta ea Sheba.+
A ke a rapelloe kamehla,E se eka a ka hlohonolofatsoa ka linako tsohle.
16 Ho tla ba le lijo* tse ngata lefatšeng.+
Li tla ba ngata le holim’a lithaba.
Masimo a morena a tla hlahisa lijalo tse ngata joaloka tsa Lebanone,+Batho ba metseng ba tla ba bangata joaloka limela tsa lefatše.+
17 E se eka lebitso la hae le ka ba teng ka ho sa feleng,+Le lule le le teng joaloka letsatsi.
E se eka batho ba ka hlohonolofatsoa ka lebaka la hae.+
Lichaba tsohle li ke li phatlalatse hore o thabile.
18 Ho ke ho rorisoe Jehova Molimo, Molimo oa Iseraele,+
Eo e leng eena feela ea etsang lintho tse hlollang.+
19 Lebitso la hae le khanyang le ke le rorisoe ka ho sa feleng+Le khanya ea hae e tlale lefatšeng lohle.+
Amen le Amen.
20 Lithapelo tsa Davida mora oa Jese li fella mona.+
Linaletsana
^ Ka Seheberu: “ahlolele.”
^ E leng ea Eufrate.
^ Ka Seheberu: “Lira tsa hae li tla nyeka lerole.”
^ Kapa: “sethabathaba.”
^ Ka Seheberu: “lijo-thollo.” Sheba Tlhaloso.
