Xi Ngħidu Jekk Ma Naħmilhiex l-Iskola?
Irid ikollok
Ħarsa pożittiva lejn it-tagħlim. Tarax biss sal-ponta taʼ mnieħrek. Forsi mhux kulma tistudja jidher li hu importanti—għall-inqas għalissa. Xorta waħda, l-edukazzjoni f’varjetà taʼ suġġetti se tgħinek tifhem aħjar id-dinja taʼ madwarek. Se tgħinek issir “kollox għal nies taʼ kull xorta,” u b’hekk se jkollok l-abbiltà li tkellem lil nies taʼ sfondi differenti. (1 Korintin 9:22) Minn tal-inqas, se ttejjeb l-abbiltà tiegħek li taħseb—abbiltà li żgur se tgħinek fl-aħħar mill-aħħar.
Li tissaporti l-iskola hu bħal li taqtaʼ l-qasab biex tkun tistaʼ tgħaddi minn ġol-ġungla—imma t-tnejn huma possibbli jekk ikollok l-għodod tajbin
Ħarsa pożittiva lejn l-għalliem tiegħek. Jekk taħseb li l-għalliem tiegħek hu tedjanti, iffoka fuq is-suġġett u mhux fuq il-persuna. Tinsiex, l-għalliem tiegħek x’aktarx li għallem l-istess lezzjonijiet għaxriet jekk mhux mijiet taʼ drabi lil klassijiet oħra. Għalhekk, tistaʼ tkun taʼ sfida għalih li jżomm l-istess livell t’entużjażmu li kellu fil-bidu għas-suġġett.
Suġġeriment: Ħu n-noti, b’rispett itlob iktar informazzjoni, u kun entużjast dwar is-suġġett. L-entużjażmu jittieħed.
Ħarsa pożittiva lejn l-abbiltajiet tiegħek. L-iskola tistaʼ tikxef xi talenti li għandek u li huma moħbijin. Pawlu kiteb lil Timotju: ‘Kebbes bħan-nar l-għotja t’Alla li qiegħda fik.’ (2 Timotju 1:6) Jidher li Timotju kien ingħata xi għotja tal-ispirtu qaddis. Imma “l-għotja” tiegħu kellha tiġi kultivata sabiex tintuża u ma tinħeliex. Ovvjament, l-abbiltajiet skolastiċi tiegħek mhumiex mogħtijin lilek direttament minn Alla. Xorta waħda, it-talenti li għandek huma uniċi għalik. L-iskola tistaʼ tgħinek tiskopri u tkabbar dawn l-abbiltajiet li lanqas kont tobsor li għandek.
Tistaʼ Tara Wkoll
IŻ-ŻGĦAŻAGĦ JISTAQSU
Kif Nistaʼ Ningwalaha mat-Teacher?
Jekk għandek teacher li ma taqbilx miegħu, hemm xi affarijiet li tistaʼ tagħmel biex ma jkollokx sena diffiċli. Prova dawn is-suġġerimenti.
IŻ-ŻGĦAŻAGĦ JISTAQSU
X’Nistaʼ Nagħmel Jekk Qed Inġib Marki Baxxi?
Qabel taqtaʼ qalbek, ikkunsidra ħames affarijiet li tistaʼ tagħmel biex iġġib marki aħjar.
DAK LI JGĦIDU DAWK TAMPAREK
Kif Tistaʼ Tkampa mal-Bullying?
Jaf ma tistax tbiddel lill-bully, imma tistaʼ tbiddel kif tirreaġixxi.
