Eneň-ataň aýrylyşýan bolsa näme etmeli?
Sen şulary edip bilersiň:
Biynjalyklanýan zatlaryňy aýt. Eneň-ataňa iki oduň arasynda galandygyňy düşündirip, biynjalyklanýan zatlaryňy aýtsaň, olar saňa ähli zady açyk düşündirer. Şonda seniň biraz ýüregiň giňär.
Emma eneň-ataň seni goldap bilmese, ruhy taýdan ýetişen dostuňa ýa joraňa içiňi döküp bilersiň (Süleýmanyň tymsallary 17:17).
Sen, esasanam, «dogalary eşidýän» gökdäki Atamyza ýüregiňdäkini aýdyp bilersiň. Ol seni ünsli diňlemäge hemişe taýyndyr (Zebur 65:2). Hudaýa doga edip, içiňi dök, «sebäbi ol seniň aladaňy edýändir» (1 Petrus 5:7).
Näme etmeli däl?
Eneň-ataň aýrylyşmagyny eliň döwülmegi bilen deňeşdirse bolar. Ilkibada, agyryly bolsa-da, wagtyň geçmegi bilen, sagalarsyň
Öýke-kine saklama. 7 ýaşyndaka ene-atasy aýrylyşan Daniýel şeýle diýýär: «Ejem bilen kakam diňe özüni bilýär. Olar gelýän kararynyň bize nähili täsir etjekdigi barada oýlanmadylar».
Daniýel gaharyny basyp, öýke-kinesini aýyrmasa, bu oňa nähili zyýan ýetirip biler? (Süleýmanyň tymsallary 29:22-ni oka).
Daniýel ene-atasyny bagyşlasa näme üçin gowy bolardy? (Efesliler 4:31, 32-nji aýatlary oka).
Özüňi biedep alyp barma. Denni atly oglan şeýle diýýär: «Ejem bilen kakamyň aýrylyşmagy maňa şeýle bir agyr degdi welin, men göwnüçökgünlige düşdüm. Mekdepde-de sapaklaryma kän üns bermän, bir ýyl klasymdan galdym. Men diňe bozgaklyk edip, urşup-ýakalaşyp ýörýärdim».
Seniň pikiriňçe, Denni mekdepde bozgaklyk edip, urşup-ýakalaşmak bilen kime zyýan ýetirjek bolduka?
Galatýalylar 6:7-däki prinsip Denni ýaly ýaş oglan-gyzlara özüni biedep alyp barmakdan gaça durmaga nädip kömek edip biler?
Ýürek ýarasynyň bitmegi üçin wagt gerek bolýar. Wagtyň geçmegi bilen, durmuşyň gitdigiçe gowulanyp, ähli zat gülala-güllük bolar.
You May Also Like
KÖPLENÇ BERILÝÄN SORAGLAR
Ýehowanyň Şaýatlary aýrylyşmaga nähili garaýar?
Ýehowanyň Şaýatlary dartgynly ýaşaýan är-aýallara kömek edýärlermi? Ýygnak ýaşululary aýrylyşmagy maslahat berýärlermi?
DEŇDUŞLARYŇ NÄME DIÝÝÄR?
Men nähili adam bolmaly?
Jogabyny bilseň, kynçylyklary ýeňip geçmegi öwrenersiň.
ÝAŞLARYŇ SOWALLARY
Göwnüçökgünligi nädip ýeňip bilerin?
Bu makaladaky maslahatlar saňa sagalmaga kömek edip biler.
ÝAŞLARYŇ SOWALLARY
Duýgularyma nädip erk edip bilerin?
Ýetginjeklik döwri keýpiň üýtgäp durmagy adaty zat bolsa-da, oňa hötde gelip bolýar. Sen munuň näme üçin bolýandygyny bilip, duýgularyňa erk etmegi öwrenip bilersiň.
