၂ ကရံၣ်သူး ၆:၁-၁၈
၆ ဒ်ပမ့ၢ်ပှၤလၢ အမၤသကိးတၢ်ဒီး ကစၢ်ယွၤအသိး+ ပဟ့ၣ်သဆၣ်ထီၣ်စ့ၢ်ကီးသု ဒ်သိးသုသုတတူၢ်လိာ် ကစၢ်ယွၤအတၢ်သးကညီၤ ဒိၣ်ဒိၣ်မုၢ်မုၢ် ကလီကလီတဂ့ၤအဂီၢ်လီၤ.+
၂ ကစၢ်ယွၤတဲဝဲဒၣ် “ဖဲတၢ်ဆၢကတီၢ်လၢ ယပာ်ဖျါထီၣ် တၢ်သးအိၣ်အခါ ယကဒိကနၣ်နၤ ဒီးဖဲတၢ်အုၣ်က့ၤခီၣ်က့ၤ အမုၢ်နံၤအတီၢ်ပူၤန့ၣ် ယကမၤစၢၤနၤလီၤ.”+ ခဲအံၤ မ့ၢ်တၢ်ဆၢကတီၢ် လၢကစၢ်ယွၤကပာ်ဖျါထီၣ် တၢ်သးအိၣ် လီၤလီၤဆီဆီလီၤ. ခဲအံၤမ့ၢ်ဝဲ တၢ်အုၣ်က့ၤခီၣ်က့ၤ အမုၢ်နံၤလီၤ.
၃ ဒ်သိးပှၤသုတထံၣ်န့ၢ် တၢ်ပာ်တၢ်ကမၣ်အလီၢ်လၢ ပတၢ်စံၣ်တဲၤတဲလီၤတၢ်မၤ အပူၤတဂ့ၤအဂီၢ် ပတဒုးအိၣ်ထီၣ် တၢ်လီၤဃံၢ်အလီၢ်လၢ ကျဲနီတဘိဘၣ်.+
၄ မ့မ့ၢ် လၢတၢ်ကိးမံၤဒဲးအပူၤန့ၣ် ပပာ်ဖျါထီၣ်လၢ ပမ့ၢ်ကစၢ်ယွၤ အခ့အပှၤတဖၣ်,+ ခီဖျိ ပတူၢ်တၢ်အါမံၤ ဒ်သိးဒီး တၢ်နးတၢ်ဖှီၣ်, တၢ်ဖှီၣ်တၢ်ယာ်, တၢ်ကီတၢ်ခဲတဖၣ်,+
၅ ပဘၣ်တၢ်ဒိပှၤတီၢ်ပှၤ, တၢ်ထၢနုာ်ပှၤလၢဃိာ်ပူၤ,+ ပဘၣ်သဂၢၢ်ဒီး တၢ်တၢထီၣ်တၢလီၤတဖၣ်, ပဘၣ်ဖံးတၢ်မၤတၢ်ဆူၣ်ဆူၣ်, ပဘၣ်ကီၤမံကီၤဂဲၤအါနၤ, တဘျီတခီၣ် ပတၢ်အီၣ်တၢ်အီ တအိၣ်ဘၣ်,+
၆ ခီဖျိလၢ တၢ်စီဆှံ, ခီဖျိလၢ တၢ်သ့ၣ်ညါ, ခီဖျိလၢ တၢ်ဝံသးစူၤ,+ ခီဖျိလၢ တၢ်သူၣ်ဂ့ၤသးဝါ,+ ခီဖျိလၢ သးစီဆှံ, ခီဖျိလၢ တၢ်အဲၣ်တၢ်ကွံ လၢအတပၣ်ဃုာ်ဒီး တၢ်ပာ်မၤအသးဘၣ်,+
၇ ခီဖျိလၢ တၢ်ကတိၤလၢ အမ့ၢ်အတီ, ခီဖျိလၢ ယွၤအစိကမီၤ,+ ခီဖျိလၢ တၢ်တီတၢ်လိၤ အစုကဝဲၤလၢ+ အအိၣ်ဝဲလၢ ပစုစ့ၣ်ဒီးပစုထွဲ,
၈ ခီဖျိလၢ တၢ်လၤကပီၤ ဒီးတၢ်မၤမဲာ်ဆှး, ခီဖျိလၢ တၢ်တဲဟးဂီၤပှၤ ဒီးတၢ်စံးပတြၢၤပှၤလီၤ. ပှၤပာ်ပနီၣ်ပှၤဒ် ပှၤလံၣ်တၢ်လီတၢ်ဖိအသိး ဘၣ်ဆၣ် ပတဲတၢ်တီတီလိၤလိၤလီၤ.
၉ ပှၤဂၤတသ့ၣ်ညါပှၤဘၣ် ဘၣ်ဆၣ် ကစၢ်ယွၤသ့ၣ်ညါပှၤ, တၢ်ပာ်ပှၤဒ် ပှၤလၢအဘူးကသံအသိး ဘၣ်ဆၣ် ပမူဒံး,+ တၢ်ပာ်ပှၤဒ် ပှၤလၢအဘၣ် တၢ်သိၣ်က့ၤသီက့ၤအီၤ ဘၣ်ဆၣ် ပတဘၣ် တၢ်ဟ့ၣ်လီၤပှၤလၢ တၢ်သံအပူၤဒံးဘၣ်,+
၁၀ ပှၤဆိကမိၣ်လၢ ပသးအုး ဘၣ်ဆၣ် ပသးခုထီဘိ, ပှၤဆိကမိၣ်လၢ ပဖှီၣ်ဘၣ်ဆၣ် ပမၤထူးထီၣ်တီၤထီၣ် ပှၤအါဂၤ, ပှၤဆိကမိၣ်လၢ ပတၢ်တအိၣ်နီတမံၤဘၣ် ဘၣ်ဆၣ် ပတၢ်အိၣ်ခဲလၢာ်လီၤ.+
၁၁ ပှၤကရံၣ်သူးဖိသ့ၣ်ဧၢ, ပအိးထီၣ်ပထးခိၣ်လၢ ပကတဲတၢ်ဒီးသု ဒီးပအိးလဲၢ်ထီၣ်ပသးလီၤ.
၁၂ ပတကးပံးဃာ် ပသးလၢ ပကအဲၣ်သုအဂီၢ်ဘၣ်.+ ဘၣ်ဆၣ် သုကးပံးဃာ် သုသးလၢ သုကအဲၣ်ပှၤ အဂီၢ်လီၤ.
၁၃ အဃိ ယကတဲတၢ်ဒီးသု ဒ်ယဖိတဖၣ်အသိးလီၤ. ဒ်ပမၤသုအသိး သုဝဲစ့ၢ်ကီး အိးထီၣ်သုသးလဲၢ်လဲၢ်တက့ၢ်.+
၁၄ သုတဘၣ်ယိး နီၣ်ယိးဘိဖုၣ်ထံၣ်ဖုၣ်ထီဒီး ပှၤလၢ အတစူၢ်တနာ်တၢ်ဘၣ် တဖၣ်န့ၣ်တဂ့ၤ.+ တၢ်တီတၢ်လိၤ ဒီးတၢ်တတီတလိၤန့ၣ် ဘၣ်ဃးလိာ်အသးဒ်လဲၣ်+ ဒီးတၢ်ကပီၤဒီးတၢ်ခံးန့ၣ် ဘၣ်ဃးလိာ်အသးဒ်လဲၣ်.+
၁၅ ခရံာ် ဒီးမုၣ်ကီၤလံၢ်န့ၣ်*+ အသးလီၤပလိာ်လိာ်အသး ကသ့ဒ်လဲၣ်. ဒီးပှၤလၢ အစူၢ်က့ၤနာ်က့ၤတၢ် ဒီးပှၤလၢ အတစူၢ်တနာ်တၢ်ဘၣ်န့ၣ် ဘၣ်ထွဲလိာ်အသးဒ်လဲၣ်.+
၁၆ ကစၢ်ယွၤ အတၢ်လုၢ်ဟံၣ် ဒီးတၢ်ဂီၤတၢ်ဖှီၣ်လၢ ပှၤဘါအီၤတဖၣ်န့ၣ် ကဘၣ်ဃးလိာ်အသး လၢကျဲဒ်လဲၣ်.+ ပမ့ၢ်ကစၢ်ယွၤလၢ အမူဝဲတဂၤ အတၢ်လုၢ်ဟံၣ်လီၤ.+ ဒ်ကစၢ်ယွၤ တဲဝဲအသိး “ယကအိၣ်လၢ အဝဲသ့ၣ်အကျါ+ ဒီးလဲၤတၢ်လၢ အဝဲသ့ၣ်အကျါလီၤ. ယကကဲ အဝဲသ့ၣ်အကစၢ်ယွၤ ဒီးအဝဲသ့ၣ်ကကဲ ယပှၤဂီၢ်မုၢ်လီၤ.”+
၁၇ “အဃိ ယဟိဝၤယွၤ* တဲဝဲလၢ ‘ဟးထီၣ်ကွံာ်လၢ အဝဲသ့ၣ်အကျါ ဒီးအိၣ်လီၤဆီဒီး အဝဲသ့ၣ်တက့ၢ်.’” “‘တၢ်တကဆှီဘၣ်န့ၣ် ထိးဘၣ်အီၤလၢၤတဂ့ၤ.+ ဒီးယကတူၢ်လိာ်သုလီၤ.’”+
၁၈ “သ့တၢ်လၢာ်ကစၢ် ယဟိဝၤယွၤ တဲဝဲလၢ ‘ယကကဲထီၣ်သုပၢ်+ ဒီးသုကကဲထီၣ် ယဖိမုၣ်တဖၣ် ဒီးယဖိခွါတဖၣ်လီၤ.’”+
တၢ်ဂ့ၢ်အဘျဲၣ်တဖၣ်
^ အခီပညီလိၤလိၤ “ဘလးယဧၤလး.” တၢ်ကတိၤတဖျၢၣ်အံၤ ဟဲလၢဧ့ၤဘြံၤအတၢ်ကတိၤလၢ အခီပညီမ့ၢ်ဝဲ “အဘျုးတအိၣ်နီတမံၤဘၣ်.”
^ ကွၢ် တၢ်ဂ့ၢ်ဘၣ်ထွဲလိာ်သး က၅.