ចម្រៀងសរសើរព្រះ ៨៣:១-១៨
ទំនុករបស់អេសាភ។+
៨៣ ឱព្រះអើយ សូមលោកកុំនៅស្ងាត់ឈឹង+ឱព្រះដ៏ខ្លាំងក្លា សូមលោកកុំនៅទ្រឹង ឬសម្ងំស្ងៀម*ឡើយ។
២ ព្រោះមើល! ពួកសត្រូវរបស់លោកធ្វើឲ្យមានភាពច្របូកច្របល់ជាខ្លាំង+ហើយអស់អ្នកដែលស្អប់លោកប្រព្រឹត្តដោយអំណួត។
៣ ពួកគេរៀបឧបាយកលទាស់នឹងរាស្ត្ររបស់លោកពួកគេរួមគំនិតគ្នាប្រឆាំងនឹងពួកអ្នកដែលមានតម្លៃចំពោះលោក។
៤ ពួកគេពោលថា៖ «ចូរយើងនាំគ្នាបំផ្លាញប្រជាជាតិនេះឲ្យសាបសូន្យទៅ+ដើម្បីកុំឲ្យអ្នកណាចាំឈ្មោះអ៊ីស្រាអែលតទៅទៀត»។
៥ ពួកគេរួមគំនិតរៀបគម្រោងការពួកគេចងសម្ព័ន្ធគ្នា*ប្រឆាំងលោក។+
៦ ពួកគេគឺជាពួកអេដំ កូនចៅអ៊ីសម៉ាអែល ពួកម៉ូអាប់+ កូនចៅពួកហាកា+
៧ ពួកកេបាល ពួកអាំម៉ូន+ ពួកអាម៉ាលេកពួកភីលីស្ទីន+ និងពួកអ្នកដែលរស់នៅក្រុងទីរ៉ុស។+
៨ ពួកអាស៊ីរី+ក៏បានរួមដៃជាមួយនឹងពួកគេដែរពួកអាស៊ីរីផ្ដល់ជំនួយដល់កូនចៅឡុត។+ (ស៊ីឡា)
៩ សូមលោកប្រព្រឹត្តចំពោះពួកគេ ដូចលោកបានប្រព្រឹត្តចំពោះពួកម៉ាឌាន+និងដូចលោកបានប្រព្រឹត្តចំពោះស៊ីសេរ៉ានិងយ៉ាប៊ីននៅស្ទឹងគីសុន។+
១០ លោកបានបំផ្លាញពួកគេអស់គ្មានសល់នៅក្រុងអេនដោ+ពួកគេបានទៅជាជីសម្រាប់ដី។
១១ សូមលោកធ្វើឲ្យពួកមានឋានៈខ្ពស់របស់ពួកគេ បានដូចអូរេបនិងសៀប+ហើយសូមលោកធ្វើឲ្យពួកមេដឹកនាំរបស់ពួកគេបានដូចហ្សេបានិងសាលម៉ូណា។+
១២ ព្រោះពួកគេនិយាយថា៖ «ចូរយើងទៅចាប់យកទឹកដីដែលព្រះអាស្រ័យនៅ»។
១៣ ឱព្រះរបស់ខ្ញុំអើយ សូមធ្វើឲ្យពួកគេបានដូចជាដើមអញ្ចាញដែលត្រូវខ្យល់កួចយកទៅ+និងបានដូចជាជញ្ជ្រាំងដែលត្រូវខ្យល់បក់ផាត់ទៅបាត់។
១៤ សូមលោកប្រព្រឹត្តចំពោះពួកគេដូចជាភ្លើងឆេះបំផ្លាញព្រៃនិងដូចជាអណ្ដាតភ្លើងដែលឆេះរោលភ្នំ+
១៥ សូមលោកដេញតាមពួកគេដោយសង្ឃរារបស់លោក+ហើយធ្វើឲ្យពួកគេតក់ស្លុតដោយព្យុះរបស់លោក។+
១៦ ឱព្រះយេហូវ៉ា សូមធ្វើឲ្យពួកគេអាប់កិត្តិយសដើម្បីឲ្យពួកគេអាចស្វែងរកនាមរបស់លោក។
១៧ សូមឲ្យពួកគេត្រូវអាម៉ាស់មុខ និងភ័យខ្លាចជារៀងរហូតសូមឲ្យពួកគេត្រូវអាប់ឱន និងវិនាសសូន្យទៅ។
១៨ សូមឲ្យមនុស្សទាំងឡាយដឹងថា លោកដែលមាននាមយេហូវ៉ា+ជាព្រះតែមួយប៉ុណ្ណោះដែលខ្ពង់ខ្ពស់បំផុតលើផែនដីទាំងមូល។+
