ចម្រៀងសរសើរព្រះ ១០៤:១-៣៥
១០៤ សូមឲ្យខ្ញុំសរសើរព្រះយេហូវ៉ា+
ឱព្រះយេហូវ៉ាជាព្រះរបស់ខ្ញុំអើយ លោកឧត្តុង្គឧត្តមក្រៃលែង។+
លោកពោរពេញដោយសិរីរុងរឿងនិងកិត្តិយសខ្ពង់ខ្ពស់។+
២ លោកបានហ៊ុមខ្លួនដោយពន្លឺ+ ដូចជាគ្រងសម្លៀកបំពាក់លោកលាតផ្ទៃមេឃដូចលាតក្រណាត់ត្រសាល។+
៣ លោកដាក់ធ្នឹមសង់បន្ទប់ខាងលើ នៅលើពពក+លោកប្រើពពកធ្វើជារទេះចម្បាំង+ហើយធ្វើដំណើរទៅមកនៅលើខ្យល់។+
៤ លោកធ្វើឲ្យពួកទេវតារបស់លោកមានឫទ្ធានុភាពខ្លាំងក្លា*ហើយធ្វើឲ្យពួកអ្នកបម្រើរបស់លោកទៅជាភ្លើងឆេះសន្ធោសន្ធៅ។+
៥ លោកបានដាក់គ្រឹះផែនដីឲ្យនៅខ្ជាប់ខ្ជួន+ហើយផែនដីនឹងមិនរង្គោះរង្គើរហូតតទៅ។+
៦ លោកគ្របផែនដីដោយទឹកជ្រៅ ដូចជាដណ្ដប់ដោយសម្លៀកបំពាក់។+
ទឹកបានលិចភ្នំទាំងឡាយ។
៧ ពេលលោកស្ដីបន្ទោសទឹក នោះទឹកក៏រត់ចេញ+ពេលលោកបញ្ចេញសំឡេងផ្គរលាន់ ទឹកបានហូរត្របាញ់ចេញទៅទាំងតក់ស្លុត។
៨ ភ្នំបានផុសឡើង+ ហើយជ្រលងបានលិចចុះតាមកន្លែងដែលលោកបានកំណត់ឲ្យ។
៩ លោកដាក់កម្រិតមិនឲ្យទឹកហូរឆ្លងហួសព្រំប្រទល់+ដើម្បីកុំឲ្យទឹកគ្របលើផែនដីម្ដងទៀត។
១០ លោកបានឲ្យទឹកហូរតាមជ្រលងនានាគឺហូរកាត់ភ្នំទាំងឡាយ។
១១ ទឹកទាំងនោះទ្រទ្រង់ជីវិតសត្វព្រៃទាំងអស់ដែលនៅឯវាលហើយលាព្រៃនាំគ្នាផឹកទឹកទាំងនោះរហូតដល់បាត់ស្រេក។
១២ បក្សាបក្សីធ្វើសម្បុកនៅក្នុងព្រៃក្បែរផ្លូវទឹកពួកវាច្រៀងនៅតាមដងព្រៃព្រឹក្សា។
១៣ ពីបន្ទប់ខាងលើរបស់លោក លោកបានស្រោចស្រពភ្នំទាំងពួង+ផែនដីបានពេញដោយផលដែលមកពីស្នាដៃរបស់លោក។+
១៤ លោកធ្វើឲ្យស្មៅដុះឡើងសម្រាប់ហ្វូងសត្វហើយធ្វើឲ្យរុក្ខជាតិដុះឡើងជាប្រយោជន៍ដល់មនុស្សជាតិ។+
លោកធ្វើដូច្នេះដើម្បីឲ្យមានអាហារដុះចេញពីផែនដី។
១៥ លោកផ្ដល់ស្រាទំពាំងបាយជូរដើម្បីធ្វើឲ្យចិត្តមនុស្សសប្បាយរីករាយ+ព្រមទាំងផ្ដល់ប្រេងដើម្បីធ្វើឲ្យមុខភ្លឺរលោងនិងផ្ដល់អាហារដើម្បីធ្វើឲ្យចិត្តមនុស្សបានស្រស់ថ្លា។+
១៦ ដើមឈើរបស់ព្រះយេហូវ៉ាទទួលទឹកយ៉ាងបរិបូរគឺដើមស៊ីដារនៅលីបង់ដែលលោកបានដាំ។
១៧ សត្វស្លាបធ្វើសម្បុកនៅលើដើមទាំងនោះរីឯសត្វកុក+ធ្វើទ្រនំនៅលើដើមយូនីពើ។
១៨ ភ្នំខ្ពស់ៗជាលំនៅរបស់ពពែភ្នំ+ចំណែកឯច្រាំងថ្មដាវិញ ជាជម្រករបស់ទន្សាយថ្ម។+
១៩ លោកបានបង្កើតដួងខែដើម្បីប្រាប់ពីពេលវេលាដួងអាទិត្យដឹងច្បាស់ថាពេលណាដែលត្រូវលិច។+
២០ លោកធ្វើឲ្យមានភាពងងឹត រួចក៏កើតមានរាត្រីកាល+នោះជាពេលដែលសត្វព្រៃទាំងអស់ដើរចរច្រប់រកចំណី។
២១ តោស្ទាវគ្រហឹមកាលដែលស្វែងរកចំណី+ហើយវារកអាហារដែលព្រះបានផ្ដល់ឲ្យវា។+
២២ លុះថ្ងៃរះឡើងពួកវាក៏ត្រឡប់ទៅដេកនៅក្នុងរូងវិញ។
២៣ ចំណែកឯមនុស្ស ពួកគេចេញទៅធ្វើការរបស់ខ្លួនពួកគេធ្វើការយ៉ាងនឿយហត់រហូតដល់ល្ងាច។
២៤ ឱព្រះយេហូវ៉ាអើយ! ស្នាដៃរបស់លោកមានច្រើនម្ល៉េះហ្ន៎!+
លោកបានបង្កើតរបស់សព្វសារពើដោយប្រាជ្ញា+ផែនដីពេញទៅដោយអ្វីៗដែលលោកបានបង្កើត។
២៥ រីឯសមុទ្រវិញ គឺធំល្វឹងល្វើយពោរពេញដោយភាវរស់ទាំងតូចទាំងធំច្រើនរាប់មិនអស់។+
២៦ នៅទីនោះមានសំពៅធ្វើដំណើរទៅមកហើយមានក្រពើ*+ដែលលោកបានបង្កើតឲ្យលេងនៅក្នុងទឹក។
២៧ សត្វទាំងអស់នោះរង់ចាំលោកដើម្បីទទួលចំណីតាមរដូវកាល។+
២៨ អ្វីក៏ដោយដែលលោកឲ្យពួកវា ពួកវាក៏ស៊ី។+
ពេលលោកលាតដៃ ពួកវាបានស៊ីរបស់ល្អៗរហូតដល់ឆ្អែតស្កប់ស្កល់។+
២៩ ពេលលោកបែរមុខចេញ ពួកវាតាំងជ្រួលច្រាល់។
បើលោកដកយកជីវិតរបស់ពួកវា នោះពួកវាមុខជាស្លាប់ ហើយត្រឡប់ទៅជាដីវិញ។+
៣០ ប្រសិនបើលោកចាត់ឫទ្ធានុភាពរបស់លោកចេញទៅ អ្វីទាំងនោះក៏កើតមក។+
យ៉ាងនោះ លោកធ្វើឲ្យមានអ្វីថ្មីៗកើតឡើងនៅផែនដី។
៣១ សិរីរុងរឿងរបស់ព្រះយេហូវ៉ានឹងស្ថិតស្ថេរជារៀងរហូតព្រះយេហូវ៉ានឹងរីករាយចំពោះស្នាដៃរបស់លោក។+
៣២ ពេលលោកសម្លឹងមើលផែនដី នោះផែនដីក៏ភ័យញ័រពេលលោកប៉ះភ្នំ នោះភ្នំក៏ហុយផ្សែងចេញមក។+
៣៣ ខ្ញុំនឹងច្រៀងតម្កើងព្រះយេហូវ៉ា+អស់មួយជីវិត។
ដរាបណាខ្ញុំនៅរស់ ខ្ញុំនឹងច្រៀង*សរសើរព្រះរបស់ខ្ញុំ។+
៣៤ សូមឲ្យអ្វីដែលខ្ញុំគិត ធ្វើឲ្យព្រះពេញចិត្ត។*ខ្ញុំនឹងត្រេកអរដោយសារព្រះយេហូវ៉ា។
៣៥ មនុស្សប្រព្រឹត្តអំពើខុសឆ្គងនឹងវិនាសបាត់ពីផែនដីហើយមនុស្សទុច្ចរិតនឹងលែងមានទៀត។+
សូមឲ្យខ្ញុំសរសើរតម្កើងព្រះយេហូវ៉ា។ សូមសរសើរតម្កើងយ៉ា!*
កំណត់សម្គាល់
^ ន័យត្រង់«លោកធ្វើឲ្យពួកទេវតារបស់លោកទៅជាវិញ្ញាណ»
^ ន័យត្រង់«លេវ៉ាយអាថាន»។ មើលនិយមន័យពាក្យ«លេវ៉ាយអាថាន»
^ ឬ«លេងភ្លេង»
^ ឬប្រហែលជាមានន័យថា«សូមឲ្យការដែលខ្ញុំរំពឹងគិតអំពីព្រះធ្វើឲ្យខ្ញុំសប្បាយរីករាយ»
^ ឬ«ហាឡេលូយ៉ា!»។ «យ៉ា»ជាឈ្មោះកាត់របស់ព្រះយេហូវ៉ា
