1. Mar­thap aliasun­nera aliasun­neranul­lu pis­sutaasoq oqalut­tuarik­kit.

MAR­THAP qatan­ngum­mi ilerra, qaarusuk paavatigut ujaq­qamik as­ser­neqarsimasoq, puiorsin­naan­ngilaa. Aliasungaar­poq. Asasami Lazarusip toqunera up­perisin­naan­ngingajap­paa. Aner­ninger­nerata kingor­na ul­lut sisamat kingul­liit aliasungaar­nerani tikeraat misigin­neqataajar­torlutil­lu or­nigut­tut imaagin­navip­put.

2, 3. (a) Jiisusi tak­kum­mat Mar­tha qanoq misigigunar­pa? (b) Oqaaserisaanit Mar­tha pil­lugu suna paasivar­put?

² Maan­nalu Lazarusip ikin­ngutiginer­paasaa Mar­thap nikorfaqatigaa. Jiisusi nunarsuarmi kisiar­taal­luni qatan­ngutiminik an­naas­sisin­naasimagaluar­toq tak­kum­mat Mar­tha aliasun­nerulersimas­saaq. Taamaat­torli il­loqarfeeq­qap Betaniap ungasin­ngisaani Jiisusip sivisun­ngik­kaluamik najor­nera Mar­thap aam­ma tup­pal­lersaatigaa. Jiisusip inus­siar­ner­nera misigin­neqataaneralu tup­pal­lersaatigalugulu qiim­maal­laatigaa. Up­perisaminik siunis­sarlu pil­lugu neriuutiminik eq­qarsaatigin­nin­nis­saminut iluaqutigisaminik Mar­tha Jiisusimit aperineqar­poq. Oqaloqatigiin­nermin­ni Mar­thap pingaarutilerujus­suarmik paasin­nin­nini ima eq­qaavaa: “Up­per­punga Kristusiusutit, Guutip er­nera, taan­na silarsuarmut pisus­saq.” – Joh 11:27.

³ Oqaatsinit taak­kunan­nga ersersin­neqar­poq Mar­tha up­perluar­tuusoq. Taan­na pil­lugu Biibilimi al­las­simasut an­ner­tugisas­saan­ngik­kaluar­tut up­per­nitsin­nik nakus­satsitsingaarsin­naap­put. Maan­na Biibilimi Mar­thap siul­lermeerluni al­laatigineqar­nera sam­meriar­tigu.

4. Sooq Mar­thap ilaqutai im­mik­kuul­laris­suup­pat, Jiisusimul­lu qanoq at­taveqarluar­tigip­pat?

⁴ Qaam­matialuit sioq­qul­lugit Lazarusi inuugal­larmat pisut sam­meriar­tigit. Lazarusi ilaqut­tanilu Betaniami inum­mit al­lanit tamanit pingaaruteqar­ner­paamit, Jiisusimit Kristusimit, tikeraar­neqaler­put. Lazarusi, Mar­tha Marialu – qatan­ngutigiit inersimasut  najugaqatigiik­kunar­tut – ilaqutariiup­put im­mik­kuul­laris­sut. Ningiutut pis­suseqar­tar­nera ilaan­nik­kul­lu siul­liul­lugu eq­qaaneqar­tar­nera pis­sutigalugit Biibilimik misis­sueq­qis­saar­tar­tut ilaasa Mar­tha qatan­ngutigiin­ni angajul­liunerar­tar­paat. (Joh 11:5) Qatan­ngutigiit aap­paqar­nersut qulak­keerlugu oqaatigisin­naan­ngilar­put. Qanorluun­niil­li ik­kaluar­pat Jiisusimut ikin­ngutaal­luar­put. Jiisusip Judæami kif­far­tor­nermini akerlilersor­neqar­tarami taak­kua angerlarsimaf­fian­ni eq­qis­sisimanar­tumi najugaqar­tar­nini qular­nan­ngitsumik qujamasuutigingaar­tar­paa.

5, 6. (a) Sooq Jiisusip tikeraar­nerani Mar­tha as­sut ulap­puser­pa? (b) Jiisusi tikium­mat Maria sua?

⁵ Mar­tha angerlarsimaf­fim­min­nik nuan­nersuutitsiniarluni inoroorsaar­nermil­lu ersersitsiniarluni iliuuseqangaar­tar­poq. Eqiasuitsuul­lunilu ulap­puteqar­tuaan­nar­poq. Jiisusi, angut pingaarutilik, im­maqa angalaqatini ilagalugit tikeraalermat nerisas­siat im­mik­kut it­tut arlal­lit piareersaler­pai. Taamanik­kut inoroorsaar­neq pingaaruteqar­torujus­suuvoq. Tikeraar­toq kunil­lugu tikil­luaq­quneqar­tar­poq, aloqutai peer­neqar­tar­put, isigai asan­neqar­tar­put niaqualu uuliamik tipigis­sumik tanin­neqar­tarluni. (Lukasi 7:44-47 atuakkit). Tikeraap qasuersaarfeqar­nis­saata mamar­tunil­lu nerisas­saqar­nis­saata isumaginis­saat ileq­quuvoq.

⁶ Mar­tha Marialu Jiisusip tikeraar­nis­saanut piareersarlutik ulapip­put. Mariap Mar­thamit ilin­niarumatunerugunar­tup qular­nan­ngitsumik qatan­ngun­ni piareersaaqatigaa. Jiisusili tikium­mat ikiuuk­kun­naar­poq. Jiisusip tikiuk­kami najuut­tut ilin­niar­tiler­pai. Nalimini up­perisarsior­nik­kut siut­tut as­siginagit Jiisusip ar­nat ataq­qil­lugil­lu Guutip naalagaaf­fia, oqaluus­sinermini pingaar­ner­paatitani, pil­lugu ilin­niar­tik­kusut­tar­pai. Mariap Jiisusimit ilin­niar­tin­neqarsin­naanini nuan­naarutigalugu isigaasa eq­qaan­nut ingil­luni tusar­naaq­qis­saar­paa.

7, 8. Sooq Mar­tha uumitsan­neruleriar­tor­pa, naggataatigul­lu qanoq oqar­pa?

⁷ Takorloorsin­naavar­put Mar­tha uumitsan­neruleriar­tor­toq. Nerisas­sar­pas­suar­nik piareersagas­saqarami pulaar­tunil­lu isumagisas­saqarami ulapin­neruler­poq. Ulapaarluni uteqat­taar­til­luni qatan­ngun­ni suliaqar­nani is­siarusaar­toq takul­lugu sin­ngorul­ler­pa, anersaarulup­pa imaluun­niit qin­ngulup­pa? Taamaaliorsimap­pat tupin­nan­ngilaq. Kisimiil­lunimi suut tamaasa isumagisin­naan­ngilai.

⁸ Naggataatigut Mar­thap uumitsaq­qanini nunusin­naajun­naar­paa. Jiisusi akor­nuserlugu uumisul­luni oqarfigaa: “Naalagaq, soqutigin­ngiliuk qatan­ngutima kisima ilin­nik kif­far­tuus­sitim­manga? Oqarfigigal­laak ikioq­qul­lunga.” (Luk 10:40) Mar­thap Jiisusi  toq­qarlugu oqarfigaa Maria naq­qil­lugu peq­qus­sagaa nerisas­sior­nermi ikiuuteq­qul­lugu.

9, 10. (a) Jiisusip Mar­tha qanoq akivaa? (b) Qanoq nalun­ngilar­put mamar­tunik nerisas­sior­nera pil­lugu Jiisusip Mar­tha naq­qin­ngik­kaa?

⁹ Jiisusip akis­sutaa Mar­thap tupaal­laatigisimas­savaa, taamatut­taaq Biibilimik atuar­tar­tut taman­na tupaal­laatigaat. Inus­siar­nersumik ima akivoq: “Mar­tha, Mar­tha! Amerlasuut isumakuluutigalugil­lu ulap­putigaatit. Ataaserli pisariaqar­poq. Mariap ajun­ngin­neq qiner­paa, tamatumin­ngalu arsaar­neqas­san­ngilaq.” (Luk 10:41, 42) Jiisusip suna pivaa? Mar­tha pigisalerituujunerar­paa? Nerisas­sanik mamar­tunik piareersaanermini ulapip­pal­laar­nerarlugu naq­qip­paa?

¹⁰ Naamik. Mar­tha ajun­ngitsuliorusut­toq asan­nin­nermil­lu ersersitserusut­toq Jiisusip nalun­ngilaa. Aam­ma tuk­korluni inoroorsaar­neq ajor­tutut isigin­ngilaa. Siusin­nerusuk­kum­mi Mat­thæusip ‘angisuumik nal­liut­torsiutigitim­mani’ najuup­poq. (Luk 5:29) Mar­thap nerisas­siai uparuar­nagit pingaar­nersiueriaasia uparuar­paa. Mar­thap mamarluin­nar­tunik nerisas­sior­nis­sani pingaar­tingaaramiuk pingaar­ner­paaq puior­paa. Suna puioramiuk?

11, 12. Jiisusip Mar­tha inus­siar­nersumik qanoq naq­qip­paa?

¹¹ Jiisusi, Jehovap Guutip er­nitua, sal­lusuis­sum­mik ilin­niar­titsiniarluni Mar­thap angerlarsimaf­fianiip­poq. Taman­na sunil­luun­niit, al­laat nerisas­siaanit piareersagaanil­lu mamarunar­tunit, pingaaruteqar­neruvoq. Jiisusip qular­nan­ngitsumik Mar­thap up­per­nerminik nakus­satsitsinis­samut periarfis­samik as­seqan­ngitsumik atorluaan­ngin­nera ajuusaarutigigaluarlugu nam­mineq aalajangiisin­naanera ataq­qivaa. * Marial­li Jiisusimit ilin­niar­tin­neqar­nis­saminut akor­nutigisaanik Mar­tha qin­nuteqarsin­naatitaan­ngilaq.

¹² Taamaat­tumik Jiisusip Mar­tha eq­qis­sisar­niarlugu marloriarluni atiata taaneratigut inus­siar­nersumik naq­qip­paa oqarfigalugulu ‘amerlasuunik isumakuluuteqar­tariaqar­nanilu ulap­puteqar­tariaqan­ngitsoq’. Ingam­mik anersaak­kut nerersuar­titsisoqar­nera eq­qarsaatigis­sagaan­ni nerisas­siat  ataatsit marlul­luun­niit naam­mas­simas­sagaluar­put. Mariali ‘ajun­ngin­nermik’ toq­qagaanik – Jiisusimit ilin­niar­tin­neqar­nermik – ‘arsaar­neqas­san­ngilaq’!

13. Jiisusip Mar­thamut oqaasii qanoq ilin­niarfigisin­naavavut?

¹³ Oqalut­tuaq ilin­niarfigingaarsin­naavar­put. ‘Anersaak­kut pisariaqar­titat­ta’ matus­suser­nis­saan­nut suul­luun­niit akor­nutigin­ngisaan­nar­tariaqar­pavut. (Mat­t 5:3, NW) Mar­thap tuk­kor­tuuneranik eqiasuitsuuneranil­lu ilaarsiniar­nitsin­ni pingaaruteqar­nerusut puioqinagatsigit inoroorsaar­nerup pingaaruteqan­ngin­nerusor­taa ‘isumakuluutigival­laar­naveersaarlugulu ulap­putiginaveersaar­tar­par­put’. Nerisas­sanik mamar­tunik nerinis­saq pingaar­nerutin­nagu anersaak­kul­li tunis­sutinik qiim­maal­laataasunik avitseqatigiin­nis­saq pingaar­nerutil­lugu up­peqativut peqatigisar­pavut.  (Romamiut 1:11, 12 atuakkit). Al­laat nerersuaqatigiin­ngik­kaluarluta qiim­mas­saqatigiis­sin­naavugut.

14. Sooq qularin­ngis­sin­naavar­put Mar­thap naq­qin­neqar­nini akuerigaa?

¹⁴ Mar­thap Jiisusimit inus­siar­nersumik naq­qin­neqar­nini akueralugulu ilin­niarfigaa? Aap, apustilim­mi Johan­nesip Mar­thap qatan­ngutaa pil­lugu oqalut­tuaq pis­sanganar­toq ima aal­lar­ner­paa: “Jiisusip Mar­tha qatan­ngutaalu ar­naq Lazarusilu asavai.” (Joh 11:5) Siusin­nerusuk­kut eq­qaaneqareersutut Jiisusip Betaniami tikeraar­neranit qaam­matialuit qaangiutereer­put. Mar­thap Jiisusimit asan­nit­tumik siun­nersor­neqar­nini pil­lugu narrutsan­ngin­nera put­tarsin­ngin­neralu ersarip­poq. Naq­qin­neqar­nini akueraa. Tamat­ta ilaan­neeriarluta naq­qin­neqalaar­tariaqar­tarat­ta aam­ma tamatumun­nga tun­ngatil­lugu up­per­nik­kut maligas­saal­luar­poq.

15, 16. (a) Qatan­ngun­ni nap­parsimalermat Mar­tha susimas­sava? (b) Sooq Mar­tha Marialu neriuutaarup­pat?

¹⁵ Mar­thap qatan­ngun­ni nap­parsimalersoq paaq­qutariniarlugu qular­nan­ngitsumik isumas­sor­niarsuataar­paa. An­niar­pal­laan­ngin­nias­sam­mat peq­qis­sinias­sam­mal­lu sapin­ngisaminik iliuuseqar­poq. Taamaak­kaluar­torli Lazarusi perulun­neruleriar­tuin­nar­poq. Ul­loq un­nuarlu qatan­ngutaasa isumas­sor­niarlugu najor­tuar­paat. Mar­thap qatan­ngun­ni nap­parsimar­paseqisoq isigalugu ukiut ingerlanerini nuan­nersut nuan­nin­ngitsul­lu aq­qusaak­katik im­maqa eq­qarsaatigisar­pai.

¹⁶ Lazarusi ikioriarfis­saarum­mat Mar­thap Marial­lu Jiisusi oqariar­tor­titsivigaat. Oqariar­tor­titat ul­lut marluk angalareerlutik Jiisusi oqaluus­sinermik ulap­puteqar­toq tikip­paat. Oqariar­tuutaat paatsuugas­saan­ngilaq: “Naalagaq, asasat nap­parsimavoq.” (Joh 11:1, 3) Nalun­ngilaat Jiisusip qatan­nguter­tik asagaa up­peralugulu ikin­ngutini sapin­ngisaminik ikior­niarumaaraa. Lazarusip toqun­ngin­nerani Jiisusip tikiuk­kumaar­nera neriuutigaat? Taamaap­pat Lazarusi toqum­mat neriuutaarup­put.

17. Sooq Mar­tha isumaalup­pa, Jiisusil­lu tikiutingajaler­nera tusaramiuk sua?

¹⁷ Mar­thap Marial­lu Lazarusip toqunera aliasuutigaat. Ilisaanis­saa piareersalerlugulu Betaniamit ungasin­ngisaanil­lu ilisiar­toqataasut tikil­luaq­qusaqat­taar­paat. Jiisusili pil­lugu suli tusagaqan­ngil­lat. Mar­tha qular­nan­ngitsumik isumaalun­neruleriar­tuin­nar­poq. Kiisami Lazarusip toquneranit ul­lut sisamat qaangiut­tut Jiisusip tikiutingajaler­nera Mar­thap tusar­paa. Mar­thap aliasungaaraluarluni Maria oqarfigeq­qaar­nagu Jiisusi parsiapal­lap­paa. – Johannesi 11:18-20 atuakkit.

18, 19. Mar­thap suna neriuutigalugu ersersip­paa, up­per­neralu sooq maluginiar­nar­pa?

 ¹⁸ Mar­thap Naalak­kani takugamiuk Marialu ul­luni arlalin­ni aliasuutigisar­tik ima oqaatigaa: “Naalagaq, maaniis­simagaluaruit qatan­ngutiga toqusimas­san­ngik­kaluar­poq.” Jiisusil­li iliuuseqarumaar­nera Mar­thap neriuutigalugulu up­peraa. Ima nangip­poq: “Maan­nat­taarli nalun­ngilara qin­nutigisan­nik sumil­luun­niit Guutip tuniumaaraatit.” Up­per­nera nakus­satsin­niarlugu Jiisusip ingerlaan­naq akivaa: “Qatan­ngutit makis­saaq.” – Joh 11:21-23.

¹⁹ Siunis­sami makititsinis­saq pisoralugu Mar­tha ima akivoq: “Nalun­ngilarami ul­lut naggatis­saan­ni toqusut makif­fis­saan­ni makik­kumaar­toq.” (Joh 11:24) Makititsinermik neriuum­mik up­perin­nil­luin­nar­nera maluginiar­nar­poq. Al­lak­kani Il­ler­nar­tuni makititsisoqarumaar­nera paatsuugas­saan­ngitsumik ajoqersuutigineqaraluar­toq juutit up­perisarsior­nik­kut siut­tuisa ilaasa, saddukiiarit, makititsisoqarumaar­nera up­perin­ngilaat. (Dan 12:13; Mark  12:18) Jiisusil­li makititsinis­samik neriuut ajoqersuutigisaa al­laal­lu Lazarusimit sivikin­nerusumik toqungasimasunik makititsisimanera Mar­thap nalun­ngik­kaluarlugit qanoq pisoqangajalersoq naluaa.

20. Johan­nesip iivangkiiliua 11:25-27 al­las­simasutut Jiisusip oqaasiisa Mar­thal­lu akis­sutaata isumaat nas­suiak­kit.

²⁰ Taava Jiisusi puiugas­saan­ngitsumik oqaaseqar­poq: “Uanga makis­sutaal­lungalu inuus­sutaavunga.” Aap, Jehovap Guutip er­nini siunis­sami nunarsuaq tamak­kerlugu makititsinis­samut pigin­naatip­paa. Jiisusip Mar­tha aperaa: “Taman­na up­peraajuk?” Kapitalil­lu aal­laq­qaataani al­las­simasutut Mar­tha akivoq. Up­peraa Jiisusi tas­saasoq Kristusi, imaluun­niit Mis­siarsi, Jehovap Guutip er­nera pruf­fiitil­lu silarsuarmut pisus­satut siulit­tuutigisaat. – Joh 5:28, 29; Johannesi 11:25-27 atuakkit.

21, 22. (a) Jiisusip aliasut­tunik misigin­neqatigin­nin­nini qanoq ersersip­paa? (b) Lazarusip makititaanera oqalut­tuariuk.

²¹ Mar­thap up­per­nera Jehovamit Guutimit er­neranil­lu Jiisusimit Kristusimit pingaar­tin­neqar­pa? Tamatumun­nga akis­sut pisunit tul­liut­tunit ersersin­neqar­poq. Mar­tha tuaviorluni qatan­ngun­ni aavaa. Tamatuma kingor­na Jiisusi Mariamik taas­sumalu ilagisaanik aliasut­tunik oqaloqateqar­til­luni aliasungaar­toq takuaa. Toqusoqar­nera pis­sutigalugu aliasungaar­nermini qul­lilisoq takuaa. Ujarak qatan­ngum­mi ilerrata paavaniit­toq Jiisusip il­likaq­qugaa tusaavaa. – Joh 11:28-39.

²² Mar­thap piviusorsiorluni eq­qaavaa Lazarusi ul­luni sisamani toqungareerami tip­pareersimas­sasoq. Jiisusip ima eq­qaasip­paa: “Oqarfigisiman­ngin­ner­pagit up­peruit Guutip naalan­nas­susia takus­sagit?” Taman­na up­perigamiuk Jehovap Guutip naalan­nas­susia takuaa. Taamaalisorlu Jehovap er­nini Lazarusimik makititsinis­samut pigin­naaniler­paa! Mar­thap pisut uku inuunermi sin­nera puiuk­kius­simas­savai: Jiisusip Lazarusi ‘aneq­qul­lugu’ nil­ler­nera, Lazarusip an­noraaminermik nimeqarluni nikuip­palun­nera qaarusum­mil­lu arriitsumik aniar­tor­palun­nera, Lazarusip ‘nermus­saajar­neqar­nis­saanik pisun­nis­saanil­lu’ Jiisusip peq­qusinera tamatumalu kingor­na Marialu nuan­naaqalutik qatan­ngutimin­nik pak­kus­siner­tik. (Johannesi 11:40-44 atuakkit). Mar­tha aliasuk­kun­naar­poq!

23. Jehova Jiisusilu il­lit pil­lutit sorusup­pat, aam­ma susariaqar­pit?

²³ Toqusunik makititsinis­samik neriuutip tutsuiginar­tuunera oqalut­tuamit ersersin­neqar­poq. Makititsinis­saq Biibilimi ajoqersuutigineqar­toq makititaasul­lu pil­lugit oqalut­tuat tun­ngavis­saqarluar­tut uum­matik­kut kis­saam­mer­nar­tuup­put. (Es 25:8) Jehovap  er­neratalu Mar­thamut, Mariamut Lazarusimul­lu iliorsimanermis­sut up­per­tunik akis­sarsisitsinis­saq nuan­naraat. Aam­ma il­lit up­perluar­tuaruit akis­sarsisis­savaatsit.

24. Mar­tha Biibilimi naggam­mik qanoq al­laatigineqar­pa?

²⁴ Jiisusip toqunis­saanut sapaatip-akun­nera ataasiin­nan­ngor­toq Mar­tha Biibilimi kingul­lermik eq­qaaneqar­poq. Sapaatip-akun­nerata ingerlanerani naal­liutsitaasus­saal­luni nalun­ngin­namiuk Jiisusi ikin­ngutimi angerlarsimaf­fian­nukaq­qip­poq. Tas­san­nga Jerusalemimut 3 kilometerisut ungasitsigisumut pisus­sin­naavoq. Betaniami Siimuup Pupis­sup angerlarsimaf­fiani Jiisusip Lazarusil­lu nereqatigiin­neran­ni Mar­tha naggam­mik ima al­laatigineqar­poq: “Mar­tha nerisas­sanik isumagin­nit­tuuvoq.” – Joh 12:2.

25. Sooq ar­nat Mar­thatut it­tut ul­lumik­kut ilagiin­nut pil­luaq­qus­sutaap­pat?

²⁵ Mar­thaasiit ulap­pusersimavoq! Biibilimi siul­lermeerluni eq­qaaneqarami ulapip­poq, kingul­lermil­lu eq­qaaneqarami al­lat pisariaqar­titaan­nik isumas­suiniarluni suli ulapip­poq. Ul­lumik­kut ilagiit kristumiut ar­nanik Mar­thatut it­tunik – Jehova al­lal­lu pil­lugit iliuuseqar­niarlutik tamaviaarlutik sulisar­nermik­kut up­per­nermin­nik ersersitsiuar­tunik – pil­luaq­quneqarsimap­put. Mar­tha isumas­suiuar­pa? Ilimanar­poq. Misilin­neqaataangaar­tunik nalaataqar­tus­saagami taamatut pis­suseqar­nini iluaqutigisimas­savaa.

26. Mar­thap up­per­nini qanoq iluaqutigaa?

²⁶ Ul­lualuit qaangium­mata Mar­thap Naalak­kani asasani, Jiisusi, alianaqisumik toquk­kut an­naavaa. Tamatuma saniatigut Lazarusip makititaanera pis­sutigalugu amerlasuut up­per­tun­ngormata ilumoor­tuusaar­tut toqutsiumatuut Jiisusimik toqutsisut aam­ma Lazarusi toqun­nialer­paat. (Johannesi 12:9-11 atuakkit). Soorunami toqup Mar­tha qatan­ngutaalu naggataatigut avis­saar­tip­pai. Naluar­put taman­na qanga qanorlu pisimanersoq, unali qularin­ngis­sin­naavar­put: Mar­thap up­per­nini toqus­si tikil­lugu piner­tusaar­nis­samut iluaqutigaa. Taamaat­tumik ul­lumik­kut kristumiut Mar­tha up­per­nik­kut ilaarunik­ku silatusaas­sap­put.