1-3. (a) Sooq Abigajilip inoqutai navianar­torsiuler­pat? (b) Ar­naq im­mik­kuul­laris­soq taan­na pil­lugu suut misis­sus­savavut?

ABIGAJILIP angut inuusut­toq paatsiveeruteq­qasoq takusin­naavaa. Pis­sutis­saqarluarluni an­nilaangavoq. Pisut ilungersunarluin­nar­put. Pif­fis­sami tamatumaner­piaq sorsut­tar­tut 400-t Abigajilip uiata Nabalip inoqutaani angutit tamaasa toquk­kiar­torlugit agger­put. Sooq?

² Nabali pisuul­luni. Pisar­nermisut peq­qar­niitsumik sorraatsumil­lu iliuuseqarsimavoq. Angut – sorsut­tar­tut aalajaatsut sungiusarluak­kat naalagaat – nikanarsarsimavaa. Maan­na Nabalip angutit sulisuisa ilaata inuusut­tup, im­maqa savanik paarsisup, aniguisin­niarlutik pilersaarusiorumaar­nera neriuutigalugu Abigajili or­nip­paa. Ar­nal­li ataatsip sak­kutuut qanoq iliuuseqarfigisin­naagamigit?

³ Ar­naq im­mik­kuul­laris­soq taan­na pil­lugu misis­sueq­qaalaariar­ta. Abigajili kinaagami? Ajor­nar­torsiut qanoq pilerami? Up­per­nermil­lu maligas­siuinera qanoq ilin­niarfigisin­naavar­put?

4. Nabali inut­tut qanoq it­tuua?

⁴ Abigajili Nabalilu aap­pariit­tut tul­luan­ngil­lat. Abigajili nuliaal­luar­tuuvoq Nabalili uipalaajul­luni. Angut pisuujugami im­minut pingaarutilit­tut isigivoq, inuil­li al­lat qanoq isumaqarfigaat? Biibilimi eq­qar­tor­neqar­tuni narrunar­ner­paat ilaat­tut al­laatigineqar­poq. Atia ‘sianiitsumik ilior­tumik’ isumaqar­poq. Angajoq­qaavisa taamatut atser­paat, imaluun­niit pis­susilersor­tar­nera pis­sutigalugu taamatut taagor­neqar­taler­pa? Qanorluun­niit ik­kaluar­pat taamatut taaneqar­tariaqarluni iliuutsimigut ersersip­paa. Nabali “peq­qar­niitsuuvoq inupiluul­lunilu”. Soq­qusaatsuugami imerajut­tuugamilu  siooragineqarlunilu nuan­narineqan­ngilaq. – 1 Sam 25:2, 3, 17, 21, 25.

5, 6. (a) Abigajilip pis­susii suut nuan­naraagit? (b) Sooq Abigajili inupilum­mik uinis­simagunar­pa?

⁵ Abigajili Nabalimit al­laanerul­luin­nar­poq. Atia “ataataga qiim­mat­tar­poq”-mik isumaqar­poq. Ataataasut amerlasuut pin­nersumik paneqar­ner­tik tul­luusimaarutigisar­paat, ataataasul­li silatuup qitor­nami nuan­nersunik pis­suseqar­nera nuan­naarutiginerungaar­tar­paa. Inuit pin­nersut amerlaner­tigut silas­soris­susermik, ilisimas­susermik, sapiis­susermik up­persusermil­luun­niit ineriar­tor­titsinis­sar­tik eq­qumaf­figineq ajor­paat. Abigajilili taamaan­ngilaq. Biibilimi silas­soris­suunera pin­ner­neralu pil­lugit nersor­neqar­poq. – 1 Samueli 25:3 atuaruk.

⁶ Ar­nap inuusut­tup silas­soris­sup inupilum­mik uinis­simanera im­maqa ul­lumik­kut inuit ilaasa eq­qumiigis­savaat. Eq­qaamas­savat Biibilip nalaani aap­pas­sarsiuus­sisar­neq nalingin­naam­mat. Aam­ma aap­pas­sarsiuus­sisoqan­ngik­kaluar­toq angajoq­qaat akuersitin­nis­saat pingaar­tin­neqangaar­tar­poq. Nabalip pigis­saar­nera nuimaneralu ajasoorutigalugit Abigajilip angajoq­qaavisa katin­nis­saat akueraat al­laal­lu isumaqatigiis­sutigalugu? Piitsuuner­tik pis­sutigalugu taamaalior­pat? Qanorluun­niit ik­kaluar­pat Nabalip aningaasaatini uiul­lualis­sutigin­ngilai.

7. (a) Angajoq­qaat qitor­natik aap­pariin­nermut eq­qor­tumik isigin­nit­taaseqar­nis­samik ilin­niar­tik­kumal­lugit sunaveersaar­tariaqar­pat? (b) Abigajilip sunis­sani aalajangiusimavaa?

⁷ Angajoq­qaat silatuut qitor­natik aap­pariin­nermut eq­qor­tumik isigin­nit­taaseqar­nis­samik ilin­niar­tit­tar­paat. Aningaasat piin­narlugit kateq­qul­lugit inersimasutul­luun­niit akisus­saaf­feqaler­nis­samut suli inuusup­pal­laar­neran­ni peerar­taaq­qul­lugit kajumis­saar­neq ajor­paat. (Oqal 5:1-4) Abigajilili tamak­kunin­nga eq­qarsaatigin­nin­nis­samut kingusinaareer­poq. Pis­sutaasut suugaluar­pataluun­niit Nabalimut katereerami atuk­kami naam­magalugit ator­nis­saat aalajangiusimavaa.

8. Nabalip kina nikanarsar­paa, aam­ma sooq taamaalior­nera sianiitsulior­nerua?

⁸ Nabalip Daavi, angut ilisimaneqarluar­toq, nikanarsarmagu Abigajili ilungersunar­torsior­neruler­poq. Daavi Jehovamut kif­far­tor­tuuvoq aalajaatsoq Sauli kingoraarlugu kun­ngin­ngor­tus­satut Guutimit toq­qar­neqarsimaneranut takus­sutis­saasumik pruf­fiitimit Samuelimit tanin­neqar­toq. (1 Sam 16:1, 2, 11-13) Daavi kun­ngimit Saulimit sin­ngasumit toqutserusut­tumil­lu qimaaq­qanermini  sak­kutuuni aalajaatsut 600-t ilagalugit inoqajuitsumi najugaqar­poq.

9, 10. (a) Daavi angutitaalu qanoq atugaqar­pat? (b) Sooq Daavip angutitaasalu iliuuserisaat Nabalip qujamasuutigisus­saagaluar­pai? (Aam­ma im­mik­koor­tumut 10-mut ilan­ngus­saq takuuk).

⁹ Nabali Maonimi najugaqar­poq, tamatumalu ungasin­ngisaani Karmelimi sulisarlunilu nunaateqarunar­poq. * Il­loqarfiit taak­kua eq­qaan­ni nuna qatsis­sumiit­toq naggoris­suugami savaateqar­nermut naleq­qup­poq, Nabalilu 3.000-nik savaateqar­poq. Nunali il­loqarfiit avataaniit­toq inuilaajuvoq. Paranip inoqajuitsua kujataa-tungaaniip­poq. Kangiata-tungaani nunap inuilaap qooror­pas­sual­lip qaarusup­pas­sual­lil­lu avataani Imaq Tarajuusoq takuneqarsin­naavoq. Nunami tamatumani Daavi angutitanilu qular­nan­ngitsumik piniar­tar­nermik­kut erloqinar­torsior­tar­nermik­kul­lu inuuin­narumal­lutik ilungersor­tar­put. Angutit inuusut­tut, Nabalip pigis­saar­tup savanik paarsisui, naam­mat­tuukulasar­paat.

¹⁰ Sak­kutuut tamaviaarlutik sulisar­tut savanik paarsisut qanoq pisar­paat? Savanik til­lin­nis­saq ajor­nan­ngitsuararsuugaluar­toq til­lin­neq ajor­put. Nabalil­li nersutaatai kif­faalu il­lersor­tar­paat. (1 Samueli 25:15, 16 atuakkit). Savat taak­kunin­ngalu paarsisut navianar­torsior­tuar­tar­put. Uumasunik qaasut­tunik nujuar­tanik nuna ulik­kaar­poq, Israelil­lu kujam­mut kil­leqarfia ungasin­ngim­mat piiaasut al­lamiut nuna ujajaaf­figisar­paat. *

11, 12. (a) Daavi Nabalimut oqariar­tor­titsigami periaaserin­nermik ataq­qin­nin­nermil­lu qanoq ersersitsiva? (b) Sooq Daavip oqariar­tuutaanut Nabalip akis­sutaa ajor­pa?

¹¹ Angutit inoqajuitsumi nerisas­saqar­tin­niar­nerat unam­miniar­nangaarsimas­saaq. Taamaat­tumik Daavi ikioq­qul­luni angutit qulit Nabalimut aal­lar­tip­pai. Daavip silatusaarluni pif­fis­saq naleq­qut­toq – savanik kis­saal­luni nal­liut­torsiorfiup, pif­fis­sap tuk­korfiusar­tup nalaa – toq­qar­paa. Daavip aam­ma oqaasis­sani eq­qarsaatigeq­qis­saar­pai ataq­qin­nit­tumil­lu oqaatigalugit. Al­laat im­maqa Nabali utoq­qaanerusoq ataq­qin­nin­nermik ersersitsiviginiarlugu taas­sumun­nga ‘er­niunerar­poq’. Nabali qanoq akiva? – 1 Sam 25:5-8.

¹² As­sut kamaler­poq! Aal­laq­qaataani al­laatigineqar­tutut angut inuusut­toq Abigajilimukarami oqar­poq Nabalip taak­ku ‘oqalorujuf­figigai’.  Nabalip erlituup timiusaatini, imigas­saatini nersutaatinilu erlin­nar­tut nipituuliuutigai. Daavi mitaatigalugu pingaaruteqan­ngitsutut kif­fatul­lu qimaasimasutut taavaa. Saulitut, Daavimik uumis­suisutut, Nabali isigin­nit­taaseqarunar­poq. Taak­ku marluul­lutik Jehovatut isigin­nit­taaseqan­ngil­lat. Guutip Daavi kif­fatut pikitsitsisutut isiginagu asal­lugulu siunis­sami Israelimi kun­ngin­ngor­tus­satut isigaa. – 1 Sam 25:10, 11, 14.

13. (a) Nabali nikas­saam­mat Daavi aal­laq­qaam­mut sua? (b) Daavip kaman­neranut tun­ngatil­lugu Jaakup al­lagaani 1:20-mi najoq­qutas­siaq qanoq ilin­niarfigaar­put?

¹³ Oqariar­tor­titat pisunik oqalut­tuum­man­ni Daavi kamangaaler­poq. Ima peq­qusivoq: “Tamas­si panasi makisis­sin­nut aalajangersigit!” Piareersariarluni Daavip angutitani 400-t sorsugiar­nermut siulersor­pai. Nabalip inoqutaani angutit tamaasa toqun­niarlugit up­per­narsaavoq. (1 Sam 25:12, 13, 21, 22) Daavip kaman­nera paasinar­poq, toqutserusun­nerali kuk­kuneruvoq. Biibilimi ima al­las­simavoq: “[Inuup] kaman­nera Guutip iluarisaanik sumil­luun­niit kinguneqar­neq ajor­poq.” (Jaak 1:20) Abigajilil­li inoqutini qanoq an­naas­sin­naagamigit?

14. (a) Pis­sutsit aaq­qin­niarlugit Abigajili siul­ler­tut qanoq ilior­pa? (b) Nabalip Abigajilil­lu as­sigiin­ngis­sutaat qanoq ilin­niarfigisin­naavar­put?

¹⁴ Abigajili pis­sutsit alianar­tut aaq­qin­niarlugit iliuuseqalereersoq ersarip­poq. Uini Nabali as­siginagu tusar­naarusup­poq. Kif­faq inuusut­toq Nabali pil­lugu ima oqar­poq: “Inupiluugami oqaluun­neq ajor­naqaaq.” (1 Sam 25:17) Nabali pingaarutilit­tut im­minut isigigami tusar­naarusun­ngilaq. Aam­ma nalitsin­ni inup­pas­suit pingaakujut­tuup­put. Abigajilil­li taamaan­ngin­nera angutip inuusut­tup nalun­ngin­namiuk ajor­nar­torsiut pil­lugu oqalut­tuuk­kiar­tor­paa.

15, 16. (a) Abigajilip nuliaq pik­koris­soq Us­satini al­laatigineqar­toq as­sigalugu qanoq ersersip­paa? (b) Sooq Abigajilip iliuusaa uimi niaquusutut oqar­tus­saas­susianut pikitsitsinerun­ngila?

¹⁵ Abigajili pilersaarusiupal­lariarluni iliuuseqar­poq. Oqalut­tuami tas­sani Abigajili sisamariarluni iliuuseqapal­lat­toq eq­qaaneqar­poq. Tuk­korluni Daavimut angutitaanul­lu tunis­sutis­sani piareersar­pai. Timiusat, viin­ni, savat, karrit sikatsitat, seq­qulut­tut tiggus­simasut figenil­lu tiggus­simasut poor­tor­pai. Kingusin­nerusuk­kut Us­satini nuliaq pik­koris­soq al­laatigineqar­toq as­sigalugu Abigajilip suuteqar­ner­tik ilisimal­luarlugulu inoqutini aqul­luarai ersarip­poq. (Uss 31:10-31) Kif­fani tunis­sutinik nas­sar­til­lugit siul­liutil­lugit  aal­lar­tip­pai kingusin­nerusuk­kul­lu kisimiil­luni malin­naal­luni. “Uinili Nabali kalerrin­ngilaa.” – 1 Sam 25:18, 19.

¹⁶ Taman­na Abigajilip uimi niaquusutut oqar­tus­saas­susianut pikitsitsineratut paasisariaqar­pa? Naamik, eq­qaamas­savat Jehovap kif­faanut tanitamut Nabali ajor­tumik iliuuseqarmat, taman­nalu Nabalip inoqutaani pisuus­suteqan­ngitsut amerlasuut toqutaaneran­nik kinguneqarsin­naam­mat. Abigajili iliuuseqan­ngik­kuni aam­ma uimi iliuusiinut akisus­saasutut isigineqalis­sava? Taamaap­pat Guutimut naalatsigitin­nini uiminut naalatsigitin­nerminit pingaar­nerutit­tariaqas­savaa.

17, 18. Abigajilip Daavi qanoq saaf­figaa, qanoq oqarfigaa aam­ma sooq oqaasii sun­niuteqarluar­pat?

¹⁷ Sivitsun­ngitsoq Abigajilip Daavi angutitaalu naam­mat­toor­pai. Siutituutiminit aq­qarasuar­poq maniguul­lunilu Daavi nunamut pal­lorfigalugu. (1 Sam 25:20, 23) Taava uum­mam­miuni oqalut­tuarai Daavilu Nabalimik inoqutiminil­lu nal­lit­tueq­qul­lugu qin­nuigalugu. Sooq oqaasii sun­niuteqarluar­pat?

¹⁸ Ajor­nar­torsium­mut akisus­saanerarlunilu Daavimut isumak­keerfigeq­quvoq. Piviusorsiorluni uimi atimi isumaatut sianiitsiginera nas­suerutigaa, im­maqalu oqaatigimisaarlugu angum­mik taamaat­tumik pil­laaneq Daavimut nikanarsaataagin­nas­sasoq. Abigajilip Daavi Jehovamut sin­niisuusutut ‘Jehoval­lu akeraanut sorsut­tar­tutut’ tatigalugu oqaatigaa. Aam­ma kun­ngin­ngor­nis­saq pil­lugu Jehovap Daavimut neriorsuutaa ilisimal­lugu oqaatigimisaar­paa ima oqarluni: ‘Jehovap Israelimi naalagaanin­ngor­tis­savaatit.’ Tamatuma saniatigut Daavi aam­mik kuisinermik kinguneqarsin­naasumik ‘ilerasulersitsisin­naasumil­lu’ iliuuseqaq­qunagu kimigiiserfigaa. (1 Samueli 25:24-31 atuakkit). Oqaasii ila kil­litsin­nangaaramik!

19. Daavip Abigajili qanoq akivaa, aam­ma sooq nersualaar­paa?

¹⁹ Daavi qanoq akiva? Abigajilip im­minut pajugutai qujarup­pai imalu oqarfigalugu: “Qujanarsili Naalagaq Israelip Guutia, ul­lumi uan­nukar­tik­kamisit! Qujanarlu silatusaal­laq­qis­suugavit; il­lim­mi qujanarsigit ul­lumi aam­mut pisuunis­saraluara im­minul­lu akiniun­nis­saraluara ingalatsik­kak­kit.” Sapiil­luni tuaviin­naq naapigiarsimam­mani nersualaarlugulu iliuuseqar­nera pis­sutigalugu aam­mut pisuutitaanis­saraluami pin­ngitsoor­tin­neqar­nera Daavip nas­suerutigaa. Abigajili ima oqarfigaa: “Eq­qis­sil­lutit angerlarit!” Maniguul­lunilu ima nangil­luni: “Oqaatsitit tusar­pak­ka.” – 1 Sam 25:32-35.

20, 21. (a) Abigajilip uiminut uterusun­nera sutigut ajasoorutigaajuk? (b) Abigajilip sapiis­suseqar­nini silas­soris­suuninilu qanoq ersersip­pai?

²⁰ Abigajilip qimagutereerluni qular­nan­ngitsumik pisut  eq­qarsaatigai maluginiarlugulu angutip aalajaatsup inus­siar­nersul­lu uiminit peq­qar­niitsumit qanoq al­laanerutiginera. Taman­nali eq­qarsaatigiuan­ngilaa. Al­las­simavoq ‘Nabalimut angerlar­toq’. Aap, nuliatut akisus­saaf­fim­minik sapin­ngisaminik pitsaaner­paamik eq­qor­titsinis­sani aalajangiusimal­luin­narlugu uiminut uter­poq. Daavimut angutitaanul­lu tunis­sutini pil­lugit uini oqalut­tuut­tariaqar­paa. Uiami paasitin­neqar­tariaqar­poq. Aam­ma pisut al­lanit tusarunigit kan­ngunarsagaanerusutut misigilis­sam­mat ulorianar­torsior­nerup pin­ngitsoor­tin­neqarsimanera pil­lugu oqalut­tuut­tariaqar­paa. Uiali kun­ngersuar­tut nerersuar­titsil­lunilu aalakooqim­mat pisimasut ingerlaan­naq oqalut­tuarisin­naan­ngilai. – 1 Sam 25:36.

²¹ Aqaguani aalakoorun­naar­nis­saanut utaq­qeq­qaar­nermigut sapiis­suseqar­nini silas­soris­suuninilu erserseq­qip­pai. Uia silat­toruni paasisaqarsin­naanerus­saaq, kamajaninili pis­sutigalugu im­maqa qununar­nerus­sal­luni. Taamaat­torli pisimasunik tamanik oqalut­tuup­paa. Qular­nan­ngitsumik kamarujus­sualer­nis­saa, im­maqalu nakuusiler­nis­saa, naatsorsuutigaa. Uiali nikis­sanani is­siaan­nar­poq. – 1 Sam 25:37.

22. Nabali sua, angerlarsimaf­fim­milu naqisiman­nin­neq ajor­tumil­lu pin­nit­tar­neq pil­lugu suna ilik­kar­par­put?

²² Angut sugami? “Uum­mam­minik unit­tuungajal­luni aalariarsin­naajun­naar­poq.” Ul­lut qulit mis­siliorlugit qaangium­mata nap­parsiman­ngik­kaluarluni toquvoq. Biibilimi ima al­las­simavoq: “Toquvoq Naalak­kap pil­laam­mik eq­qormani.” (1 Sam 25:38) Abigajili taamaalil­luni uiminit atugarlior­tin­neqarun­naar­poq. Ul­lumik­kut Jehova toqutsinermigut akuliun­neq ajor­poq, oqalut­tuamil­li erser­poq angerlarsimaf­fin­ni naqisiman­nin­ner­nik ajor­tumil­lu pin­nit­tar­ner­nik tamanik ilisimaarin­nit­toq. Pif­fis­sani nal­liup­pat pis­sutsit naaper­tuil­luar­tut atuutilersis­savai. – Lukasi 8:17 atuaruk.

23. Abigajili aam­ma qanoq pil­luaq­quneqar­pa, Daavimul­lu katis­sin­naanini inut­tut al­lan­nguutiginagu qanoq ersersip­paa?

²³ Abigajili uiminit atugarlior­tin­neqarun­naar­nermi saniatigut al­latigut pil­luaq­quneqar­poq. Nabalip toqunera Daavip tusaramiuk Abigajili katik­kumal­lugu oqariar­tor­titat aal­lar­tip­pai. Abigajili ima akivoq: “Piareersimavunga inus­siatut naalak­kama Daavip kif­faasa isigaat asat­tas­sal­lugit.” Daavimut katis­sin­naanini pingaakujulis­sutiginagu al­laat kif­faanut kif­fan­ngor­nis­sani neqeroorutigaa! Daavip or­nin­nis­saanut tuaviorluniaasiit piareersar­poq. – 1 Sam 25:39-42.

24. Abigajilip kateq­qereerluni unam­miniar­nar­tut suut atugariler­pai, taamaat­torli Daavip Jehoval­lu Abigajili qanoq isumaqarfigaat?

 ²⁴ Imaan­ngilarli Abigajili inuunermi sin­nerani ajor­nar­torsiuteqar­tarun­naar­toq. Daavimik inooqateqar­neq ilaan­nik­kut ajor­naatsuin­naaneq ajor­poq. Daavi aam­ma al­lamik, Akinoamimik atilim­mik, nuliaqar­poq. Guutip arlalin­nik nuliaqar­tar­neq akuerigaluaraa qular­nan­ngitsumik taamani ar­nanut aalajaatsunut taman­na unam­miniar­nangaar­poq. Aam­ma Daavi suli kun­ngin­ngun­ngilaq. Unam­miniar­nar­tut erloqinar­torsior­neril­lu qaangeq­qaarlugit Jehova kun­ngitut kif­far­tuut­tus­saavaa. Abigajilil­li inuunini tamaat Daavi ikiorlugulu tapersersor­paa, pif­fis­sal­lu ingerlanerani er­ner­taareerluni uiminit pingaar­tin­neqarlunilu il­lersor­neqarluni paasivaa. Al­laat aal­larus­saanermi kingor­na Daavimit aniguisin­neqar­poq! (1 Sam 30:1-19) Daavip taamaalil­luni Jehova Guuti – ar­nanik silas­soris­sunik, sapiitsunik aalajaatsunil­lu taamaat­tunik asan­nil­lunilu pingaar­titsisoq – ilaar­paa.