1, 2. Noa ilaqutaalu sulior­pat, unam­miniagaasalu ilaat suup­pat?

NOA nukersor­nikuunermik tasitsaar­poq. Takorlooruk or­pis­suup kanaar­taani is­sial­luni unik­kal­lar­nermini sanaar­tuk­kap angisoorujus­suup ilusinik­kiar­tor­nera qimerlooraa. Us­serutip kis­sar­tup tik­ka sak­kor­tooq naamaneqarsin­naavoq sanaar­tor­palut­tul­lu tusaaneqarsin­naal­lutik. Noap is­siavigisaminit takusin­naavai er­nini umiarsuup timitaani tamaviaarlutik sulisut. Er­nerisa, ukuaasa nuliatalu asasaata ukiuni qulik­kuutaani sanaar­toqatigisimavaat. Angumerisaqarsimaqaat, naam­mas­seq­qajan­ngil­lal­li!

² Nunaq­qatimin­nit sianiitsutut isigineqar­put. Noa ilaqutaalu sanaar­tor­til­lugit nunaq­qataasa nunarsuaq tamak­kerlugu ulersuaqarumaar­neranik eq­qarsaat il­laruaatigaat. Noap ajunaar­nersuaqarumaar­neranik mianersoq­qus­sutaa up­perinagulu tis­sigiin­nar­paat. Isumaqar­put angutip inuunini ilaqut­tamilu inuunerat atulus­sin­narai. Noali Guutiminit, Jehovamit, sianiitsutut isigineqan­ngilaq.

3. Noap Guutimik inooqateqar­nera qanoq paasisariaqar­pa?

³ Guutip oqaasiani ima al­las­simavoq: “Noap Guuti inooqatigaa.” (1 Mosesi 6:9 atuaruk). Matumani Noap Guutil­lu nunarsuarmi qilam­miluun­niit inooqatigiin­nerat pineqar­pa? Naamik, Noap Jehovamut naalat­tuar­nera ikin­ngutitul­lu asan­ningaar­nera pineqar­poq. Ukiut tuusintilik­kuutaat tamatuma kingor­na Noa Biibilimi ima al­laatigineqar­poq: ‘Up­per­nermigut silarsuaq eq­qar­tuup­paa.’ (Hebr 11:7) Taman­na qanoq paasisariaqar­pa? Up­per­nera qanoq ilin­niarfigisin­naavar­put?

4, 5. Noap nalaani pis­sutsit qanoq ajor­neruleralut­tuin­nar­pat?

⁴ Noap silarsuaq peroriar­torfigisaa ajor­neruleralut­tuin­nar­poq. Aataq­qiiata Enokip, naaper­tuil­luarluni ‘Guutimik inooqateqar­tup’, nalaani pis­sutsit ajorsereersimap­put. Nunarsuarmi inuit guutiitsut eq­qar­tuus­saajumaar­nerat Enokip siulit­tuutigaa. Maan­nali  Noap nalaani pis­sutsit ajor­nerujus­suup­put. Al­laat nunarsuaq nakuuser­neqangaarmat Jehovap aserorsimasutut isigaa. (1 Mos 5:22; 6:11; Jud 14, 15) Sooq pis­sutsit ajorsigalut­tuin­nar­pat?

⁵ In­ngilit ilaat ajoraluar­tumik ajorsiar­tor­put. Taak­kualu ilaat Jehovamut pikitsitsereersimavoq. Guutimik mamarliinermigut aam­ma Adamimik Evamil­lu ajor­tulior­titsinermigut tas­saaler­poq Saatani Diaavulu. Noap nalaani in­ngilit al­lat pikitsitseqataaler­put. Qilam­mi sulias­satik qimal­lugit nunarsuarmukaramik inut­tut timeqaleriarlutik pin­nersunik nuliar­taar­put. In­ngilit taak­ku makitasuut, nam­minis­sarsior­tut pikitsitsiumatuul­lu inun­nut ajorluin­nar­tumik sun­niuteqar­put. – 1 Mos 6:1, 2; Jud 6, 7.

6. Inorujus­suit nunarsuarmi pis­sutsinut qanoq sun­niuteqar­pat, Jehovalu suniarluni aalajanger­pa?

⁶ Tamatuma saniatigut in­ngilit inut­tut timeqalersimasut nunamilu ar­nat pis­susis­samisuun­ngitsumik aap­pariileramik akusanik angisuunik nakuarsuar­nil­lu er­ner­taar­put. Taak­ku inorujus­suit peq­qar­niitsut nunarsuarmi pis­sutsinik ajor­nerulersitsip­put. Tamak­ku pis­sutigalugit Pin­ngor­titsisup paasivaa “nunarsuarmi inuit ajus­susiat angeqisoq ul­lorlu tamaat iliuuseriumasaat pilersaarusiaal­lu ajor­tuin­naasut”. Jehova aalajanger­poq inuit ajor­tut ukiut 120-t qaangiup­pata nungutin­niarlugit. – 1 Mosesi 6:3-5 atuakkit.

7. Noa nulianilu perorsaanermin­ni sunik unam­miniagaqar­pat?

⁷ Takorlooruk Noap silarsuarmi taamaat­tumi meeq­qanik perorsaanera qanoq unam­miniar­nar­tigisimas­sasoq! Noali nuliarluar­poq. 500-nik ukioqalereersoq nuliata Semimik, Kamimik Jafetimil­lu  er­ner­taap­paa. * Noap nuliatalu nukap­piaraatitik avatangiisinut ajor­tunut il­lersor­tariaqar­paat. Nukap­piaq­qat inorujus­suit “pis­sarsuit” aam­ma “tusaamasat” nuan­naar­torisar­paat. Noap er­neri soorunami inorujus­suit iliuuserisar­tagaat pil­lugit tusagaqar­tar­put, angajoq­qaamin­nil­li Jehova Guuti – ajus­sutsinik tamanik uumigin­nit­toq – pil­lugu sal­lusuis­sum­mik nuan­nersumik ilin­niar­tin­neqar­put. Silarsuarmi nakuuser­nermik pikitsitsinermil­lu Jehovap aliasuutigin­nin­nera pil­lugu Noap nuliatalu nukap­piaraatitik ilin­niar­tit­tariaqar­paat. – 1 Mos 6:6.

8. Ul­lumik­kut angajoq­qaat silas­soris­sut Noa nulialu qanoq ilaarsin­naavaat?

⁸ Ul­lumik­kut angajoq­qaat Noa nulialu paasil­luarsin­naavaat. Silarsuaq inuuf­figisar­put nakuuser­nermik pikitsitsinermil­lu ulik­kaar­poq. Inuusut­tut inupiluit il­loqarfin­ni ajor­nar­torsiutaangaar­tar­put. Al­laat meeq­qanut aliik­kutas­siat nakuuser­nermik ulik­kaar­tar­put. Angajoq­qaat silas­soris­sut qitor­natik tamak­kunan­nga sun­ner­neqan­ngin­nias­sam­mata sapin­ngisar­tik tamaat il­lersor­niar­tar­paat. Taamaalior­tar­put eq­qis­sinerup Guutia Jehova, siunis­sami nakuuser­nermik atuuk­kun­naarsitsisus­saq, pil­lugu ilin­niar­tit­tar­nerisigut. (Tus­s 11:5; 37:10, 11) Angajoq­qaat perorsaanermin­ni iluatsil­luarsin­naap­put. Noa nulianilu perorsaanermin­ni iluatsil­luar­put. Er­neri peroramik anersaak­kut inersimal­lualer­put nuliarlutil­lu Guutimik ilumoor­tumik, Jehovamik, sal­liutitsisunik.

9, 10. (a) Jehovap peq­qus­sutaa suna Noap inuuneranik al­lan­nguil­luin­nar­pa? (b) Umiarsuup ilusis­saanut siuner­taanul­lu tun­ngatil­lugu Jehova Noamut qanoq oqar­pa?

⁹ Taamaal­luni Noap inuunera al­lan­ngorluin­nar­poq. Jehovap kif­fani asasani oqaluuk­kamiuk silarsuarmik suujun­naarsitsinis­sani eq­qaavaa. Guutip Noa ima peq­quaa: “Qisuk goferi atorlugu umiarsualiorit.” – 1 Mos 6:14.

¹⁰ Inuit ilaasa Noap umiarsuaa eq­qun­ngitsumik takorloor­tar­paat. Sioqaranilu aqoqan­ngilaq, kujaaqaranilu aquuteqan­ngilaq aam­ma najunganeqaranilu qatinganeqan­ngilaq. Karsersuar­tut iluseqar­poq. Umiarsuup qanor­piaq takitigis­saneranik, iluseqas­saneranik aam­ma iluatigut qaavagul­lu us­serin­neqas­saneranik Jehovap Noa ilitsersuup­paa. Umiarsualior­nis­samut pis­sutaasoq ima oqaatigaa: “Nunarsuarmi ulersuar­titsiumaar­punga; ... nunarsuarmiit­tut tamarmik nungutitaas­sap­put.” Jehoval­li Noa ima angerfigeqatigaa: “Umiarsuarmut ikis­saatit er­nitit nulial­lu ukuatil­lu ilagalugit.”  Noap aam­ma uumasut tamalaat umiarsuarmut ikitis­savai. Umiarsuarmut ikisut kisimik ulersuarmit aniguis­sap­put. – 1 Mos 6:17-20.

11, 12. Noa imaan­naan­ngitsumik sumik sulias­saqar­pa, sulias­sanilu qanoq isigin­nit­taaseqarfigaa?

¹¹ Noap sulias­saa imaan­naan­ngitsuuvoq! Umiarsuaq 133 meterit mis­siliorlugit takis­suseqas­sagami, 22 meterit mis­siliorlugit silis­suseqas­sagami 13 meteril­lu mis­siliorlugit por­tus­suseqas­sagami angisoorujus­suus­saaq. Al­laat nalitsin­ni qisum­mit umiarsualianit anginer­paanit anginerujus­suuvoq. Noap sulias­siis­sut suliarinaveersaar­paa, ajor­nar­pal­laar­nerarlugu naam­magit­taal­liuutigaa imaluun­niit ilitsersuutit ilaat al­lan­ngor­tip­pai? Biibilimi ima al­las­simavoq: “Noa Guutip peq­qusineratorluin­naq ilior­poq.” – 1 Mos 6:22.

¹² Ukiuni qulik­kuutaani, im­maqa ukiut 40-t 50-il­lu mis­saan­ni, umiarsualior­put. Noa ilaqutaalu or­pin­nik up­pititsisus­saap­put, as­sar­tuisus­saap­put, kil­luisus­saap­put katiterisus­saal­lutil­lu. Umiarsuaq quleriin­nik pingasunik initaqas­sal­lunilu arlalin­nik ineeraqas­sal­lunilu saneraatigut matoqas­saaq. Qaavata-tungaa tamaat kaajal­lal­lugu igalaaqarunar­poq imerlu kuus­sin­naanias­sam­mat qimerlua sivinganeqalaarunarluni. – 1 Mos 6:14-16.

13. Sulias­saq al­la suna umiarsualior­nermit unam­miniar­nar­nerugunar­pa, inuil­lu mianersoq­qus­sum­mut tusaaniar­pat?

¹³ Ukiut ingerlaneran­ni umiarsuaq ilusinik­kiar­tor­til­lugu Noap ilaqut­taminit tapersersor­neqar­nini nuan­naarutigingaarsimas­savaa! Sulias­saali al­la umiarsualior­nermit unam­miniar­nar­nerugunar­poq. Biibilimi al­las­simavoq ‘Noa iluar­nermik nalunaariar­tor­titaasoq’. (2 Petrusi 2:5 atuaruk). Tas­sa inuit ajor­tut guutiitsul­lu suujun­naarsitaanis­saat pil­lugu mianersoq­qusinermi sapiil­luni siulersuivoq. Mianersoq­qusai tusaaniar­pat? Naamik, kingusin­nerusuk­kut Jiisusi Kristusi oqar­poq inuit ul­luin­nar­ni pisar­tunik – nerinermik, imer­nermik aap­par­taar­nermil­lu – ulap­puteqar­nermik aatsaat ulersuaq nal­lium­mat ‘paasisaqalersut’. (Mat­t 24:37-39) Qular­nan­ngitsumik inup­pas­suit Noa ilaqutaalu il­laruaatigisar­paat; ilaasa im­maqa al­laat Noa sioorasaar­tarlugulu nakuuserfigisar­paat. Im­maqa al­laat sanaar­tor­neq akor­nuser­niar­tar­paat.

14. Ul­lumik­kut ilaqutariit kristumiut Noa ilaqutaalu qanoq ilin­niarfigisin­naavaat?

¹⁴ Noali ilaqutaalu tun­niutiin­nan­ngil­lat. Inoqatimin­nit sulilus­sin­nar­tutut, kuk­korujus­suar­tutut sianiitsutul­luun­niit isigineqaraluarlutik umiarsualior­tuar­put. Ul­lumik­kut ilaqutariit kristumiut taak­kua up­per­nerat ilin­niarfigingaarsin­naavaat. Tamat­tami Biibili naaper­torlugu silarsuarmi pis­sutsit aaq­qis­suus­saanerata matuma ‘ul­luini kingul­ler­ni’ inuuvugut. (2 Tim 3:1) Noap nalaani pis­sutsit nalitsin­ni pis­sutsinut Jiisusip as­singus­sanerar­pai.  Guutip naalagaaf­fia pil­lugu tusarlius­saq inun­nit soqutigineqan­ngip­pat, il­laruaatigineqar­pat al­laal­luun­niit taman­na pis­sutigalugu malersor­neqarut­ta Noa eq­qaamagutsigu silatusaas­saagut. Kisit­tami taamaat­tunik unam­miniagaqan­ngilagut.

15. Noap 600-ngajan­nik ukioqarluni kik­kut an­naavai?

¹⁵ Ukiut qulik­kuutaat qaangium­mata kiisami umiarsuaq naam­mas­singajaler­poq. Noa 600-ngajan­nik ukioqarluni toquk­kut an­naasaqar­poq. Angutaa Lemeki toquvoq. * Ukiul­lu tal­limat tamatuma kingor­na Lemekip angutaa Noal­lu aataava Metusalemi, Biibili naaper­torlugu inuk inuuneq­qor­tuner­paaq, 969-inik ukioqarluni toquvoq. (1 Mos 5:27) Metusalemip Lemekil­lu angut siul­leq, Adami, angumeraat.

16, 17. (a) Noa 600-nik ukioqarluni qanoq peq­quneqar­pa? (b) Noap ilaqutaasalu takusaat puiunaatsut oqalut­tuarik­kit.

¹⁶ Ataataaner­paaq Noa 600-nik ukioqarluni Jehovamit Guutimit ima peq­quneqar­poq: “Umiarsuarmut ikiar­toritsi, il­lit ilaqut­tatil­lu tamas­si.” Guutip Noa aam­ma oqarfigaa uumasut tamalaat as­sigiin­ngitsut – kingusin­nerusuk­kut pil­liutigineqarsin­naasut minguitsut arfineq-marluk­kuutaat uumasul­lu sin­neri marluk­kuutaat – umiarsuarmut ikiteq­qul­lugit. – 1 Mos 7:1-3.

 ¹⁷ Takusat puiunaas­simas­sap­put! Uumasut tamalaaneersut tuusintilik­kuutaat as­sigiin­ngitsunik angis­susil­lit, ilusil­lit pis­susil­lil­lu – pisul­lutik, tim­mil­lutik, paarmorlutik, orraal­lutik arriitsumil­luun­niit ingerlaarlutik – umiarsuarmukaap­put. Noap uumasut nujuar­tat umiarsuarmut kil­lilim­mik inis­salim­mut ikitin­niarlugit katersor­nagil­lu malersor­nagil­lu unguun­ngilai. Biibilimi al­las­simavoq uumasut ‘Noa ornillugu umiarsuarmut ikisut’. – 1 Mos 7:9.

18, 19. (a) Noa pil­lugu oqalut­tuami pisunik isor­nar­torsiuisar­tunut qanoq tun­ngavilersuisin­naavugut? (b) Jehovap ilisimas­susia uumasunik aniguisitseriaasianit qanoq erser­pa?

¹⁸ Isor­nar­torsiuisar­tut ilaat ima aperisar­put: ‘Ilumut taamaat­toqarsin­naagami? Qanoq uumasut tamarmik umiarsuarmi taama inis­sakitsigisumi eq­qis­seqatigiis­sin­naagamik?’ Una eq­qarsaatigiuk: Nunamik qilam­mil­lu Pin­ngor­titsisup uumasut pin­ngor­titani soorunami aqus­sin­naavai, al­laat nujuil­lisis­sin­naavai. Eq­qaamajuk Jehova Guutium­mat uumasunik pin­ngor­titsisoq. Aam­ma tamatuma kingunerujus­suagut Imaq Aap­palaar­toq avis­saar­til­lugulu seqineq unin­ngatip­paa. Taamaat­tumik Noa pil­lugu oqalut­tuami pisut tamaasa iliuuserinis­saat Jehovamut ajor­nan­ngilaq!

¹⁹ Guutip soorunami uumasut al­latigut aniguisis­sin­naagaluar­pai. Silatusaarlunili aalajanger­poq aal­laq­qaam­mut inuit nunarsuarmi uumasunut tamanut naalagaanis­saan­nik siuner­taminut naaper­tuut­tumik iliuuseqar­niarluni. (1 Mos 1:28) Taamaat­tumik ul­lumik­kut angajoq­qaar­pas­suit Noa pil­lugu oqalut­tuaq iluaqutigalugu Jehovap uumasunik inun­nil­lu pin­ngor­titaminik pingaar­titsineranik qitor­natik ilin­niar­tit­tar­paat.

20. Ulersuan­ngitsiar­nerani Noa ilaqutaalu sunik ulap­puteqarunar­pat?

 ²⁰ Ul­lut arfineq-marluk qaangiup­pata ulersuaqarumaar­neranik Jehovap Noa oqarfigaa. Ilaqutariit ulap­pusersimas­sap­put. Uumasut, neruk­kaatis­sat, nerisas­sat pisat­tal­lu umiarsuarmut aaq­qis­suus­saasumik inis­sititer­nis­saat suliarujus­suuvoq. Im­maqa Noap nuliata ukuaasalu umiarsuup najoruminarsar­nera ulap­putigineruaat.

21, 22. (a) Sooq Noap nalaani inuit soqutigisaqan­ngin­nerat tupaal­laatigis­san­ngilar­put? (b) Inuit qanga Noamik ilaqutaanil­lu il­laruaatigin­nik­kun­naar­pat?

²¹ Nunaq­qataam­mi sup­pat? Al­laat Jehovap Noamik suliaanil­lu pil­luaq­qusinera takugaluarlugu ‘paasisaqan­ngil­lat’. Uumasut umiarsuarmut isaasut isigin­naar­paat. Soqutigisaqan­ngin­neral­li tupaal­laatigisariaqan­ngilar­put. Ul­lumik­kut inuit aam­ma silarsuarmi pis­sutsit aaq­qis­suus­saanerata ul­luini kingul­ler­ni inuuner­put paasin­ngilaat. Apustilil­lu Petrusip siulit­tuineratut Guutip mianersoq­qus­sutaanik eq­qumaf­figin­nit­tut mital­lersunit il­laruaatigineqar­tar­put. (2 Petrusi 3:3-6 atuakkit). Noa ilaqutaalu qular­nan­ngitsumik aam­ma il­laruaatigineqar­tar­put.

²² Qanga il­laruaatigineqarun­naar­pat? Biibilimi al­las­simavoq Noap ilaqut­tani uumasul­lu umiarsuarmut ikitereermagit Jehovap ‘umiarsuup matua matugaa’. Guutip iliuuserisaanik tamatumin­nga takun­nit­tut im­maqa nipanger­put. Taamaan­ngip­pat sialus­sualermat il­laruaatigin­nik­kun­naar­put. Jehoval­lu oqar­neratorluin­naq nunarsuup tamarmi qarsun­neqar­nis­saata tungaanut sialus­suar­poq. – 1 Mos 7:16-21.

23. (a) Qanoq nalun­ngilar­put Noap nalaani inuit ajor­tut toqunerat Jehovap iluarin­ngik­kaa? (b) Sooq ul­lumik­kut Noamik up­per­nik­kut ilaarsinis­saq silatusaar­nerua?

²³ Inuit ajor­tut toqunerat Jehovap iluaraa? Naamik! (Ez 33:11) Pis­susimin­nik al­lan­ngor­titsinis­samut eq­qor­tuliuler­nis­samul­lu sin­nilis­suarmik periarfis­sip­pai. Al­lan­ngorsin­naap­pat? Noap inooriaasia tamatumun­nga akis­sutaavoq. Jehovamik ‘inooqateqar­nermigut’, tas­sa sutigut tamatigut Guutimut naalan­nermigut, Noap aniguisoqarsin­naanera ersersip­paa. Taamaalil­luni oqar­toqarsin­naavoq up­per­nermigut silarsuaq eq­qar­tuuk­kaa; tas­sa kinguaariit ajus­susiat qulaaraa. Noa up­persuseqarami ilaqut­tanilu aniguisin­neqar­put. Noa up­per­nik­kut ilaaruk­ku im­minut an­naatis­sal­lutil­lu asasatit an­naatis­savatit. Noatut Jehova ikin­ngutitut ‘inooqatigiuk’. Qaqugorsuarmum­mi ikin­ngutigiis­sin­naavusi!