KAPITALI 7
Jehova “najorlugu alliartorpoq”
1, 2. Samuelip inuiaqatigiit Israelikkut oqaluummagit pissutsit qanoq ippat, aamma sooq allamik isumataartittariaqarpai?
SAMUELIP inuit toqqarlugit isigai. Inuiaqatigiit angummit aalajaatsumit ukiuni qulikkuutaani pruffiititut eqqartuussisutullu kiffartorsimasumit aggersarneqaramik illoqarfimmi Gilgalimi katersuupput. Siallersarfik qaangiutereersoq, nalitsinni qaammatisiutit naapertorlugit maajimi juunimiluunniit, tamanna pivoq. Karrit katersuiffigeriaannanngormata narsaatit sungaartissimapput. Inuit nipaarulluinnarput. Samuelip taakkua uummataat qanoq killissinnaavai?
2 Israelikkut pissutsit qanoq ilungersunartiginerat paasinngilaat. Inummik kunngeqalernissartik aalajangiussimavaat. Guutiminnik, Jehovamik, taassumalu pruffiitianik qanoq ingasatsigisumik asissuinertik paasinngilaat. Aap, allaat Jehova kunngimissut ajattorpaat! Samuelip qanoq allamik isumataartissinnaavai?
3, 4. (a) Sooq Samuelip inuusuttuunini eqqartorpaa? (b) Sooq Samuelip uppernikkut maligassiuinera ullumikkut ilinniarfigisinnaavarput?
3 Samuelip inuit ima oqarfigai: “Uanga utoqqalillunga qeersuunngorpunga.” Qeersuujummat oqaasii pingaaruteqarnerulerput. Imalu nangippoq: “Uanga siulersorsimavassi inuusuttuuninnilli ulloq manna tikillugu.” (1 Sam 11:14, 15; 12:2) Utoqqaligaluarluni Samuelip inuusuttuunini puiorsimanngilaa. Taamani pisimasut eqqaamalluarpai. Taamanikkut nukappiaraalluni aalajangiussani pissutigalugit Guutiminut, Jehovamut, aalajaallunilu tunniusimavoq.
4 Samueli inuit uppersuseqanngitsut ilumoorfiginninngitsullu akornanni inuugaluarluni uppernermik ineriartortitsillunilu uppersuseqartuarpoq. Ullumikkut aamma uagut silarsuarmi ileqqorluffiusumi uppersuseqarfiunngitsumilu inuugatta uppernermik ineriartortitsinissaq unamminiarnartissinnaavarput. (Lukasi 18:8 atuaruk). Samuelip meeraanerminit maligassiuinera qanoq ilinniarfigisinnaanerlugu sammeriartigu.
Meeraalluni Jehovap “kiinaata saani kiffartuussivoq”
5, 6. Sooq Samuelip peroriartornera immikkuullarissuua, angajoqqaavisali isumagilluarneqarumaarnera sooq qularinngilaat?
5 Samuelip peroriartornera immikkuullarissuuvoq. Anaanaminit miluersinneqarnermi kingunitsianngua, immaqa pingasunik amerlanerusunilluunniit ukioqarluni, Shilomi – Ramami angerlarsimaffimminit 30 kilometerit sinnerlugit ungasitsigisumiittumi – Tupermi Naapeqatigiittarfimmi kiffartulerpoq. Angajoqqaavisa, Elkanap Hannallu, nukappiaraq immikkut ittumik kiffartortussatut, nasiræeritut, Jehovamut tunniuppaat. * Tamanna Samuelip angajoqqaaminit asaneqarnani ajattorneqarneratut paasisariaqarpa?
6 Naamerluinnaq! Nalunngilaat ernertik Shilomi isumagilluarneqarumaartoq. Qularnanngitsumik palasiuneq Eli nakkutilliisuuvoq, Samuelillu Eli qanimut suleqatigaa. Tupermi Naapeqatigiittarfimmi arnat arlallit, aaqqissuussaagunartumik, kiffartorput. – 2 Mos 38:8; Eqq 11:34-40.
7, 8. (a) Samueli angajoqqaaminit asannittunit ukiut tamaasa qanoq tuppallersarneqartarpa? (b) Ullumikkut angajoqqaat Samuelip angajoqqaavi qanoq ilinniarfigisinnaavaat?
7 Tamatuma saniatigut Hannap Elkanallu angajulliliartik asasartik, qinnutiminnut akissutaasoq, puiunngisaannarpaat. Hannap ernertaarnissaminik Guuti qinnuigisimavaa neriorsorlugulu nukappiaraq illernartumik kiffartortussatut tunniukkumaarlugu. Hannap Samueli ukiut tamaasa tikeraaraangamiuk qallersaateeraq, Tupermi Naapeqatigiittarfimmi kiffartornermi atugassaq, nammineq sanaani nassartarpaa. Nukappiaqqap tikeraarneqartarnini qujamasuutigingaartarsimassavaa. Qularnanngitsumik angajoqqaaminit, sumiiffimmi immikkuullarissumi Jehovamut kiffartornerup immikkut pisinnaatitaaffiuneranik ilinniartitsisunit, tuppallersarneqartarnini ilitsersorneqartarninilu nuannarisarpaa.
8 Ullumikkut angajoqqaat Hanna Elkanalu ilinniarfigingaarsinnaavaat. Angajoqqaat perorsaanerminni anersaakkut pisariaqartinneqartut pinnagit pigisanik pingaartitsisarnerat nalinginnaavoq. Samuelilli angajoqqaavisa anersaakkut ittut salliuppaat, tamannalu Samuelip inuunerata sinneranut sunniuteqangaarpoq. – Ussatit 22:6 atuaruk.
9, 10. (a) Tupeq Naapeqatigiittarfik nukappiaqqallu Samuelip illernartuummut tunngatillugu misigissusii oqaluttuarikkit. (Aamma quppernerup ataatungaani ilanngussaq takuuk). (b) Samuelip akisussaaffiisa ilaat suusimagunarpat, ullumikkullu inuusuttut Samueli qanoq ilaarsinnaavaat?
9 Nukappiaraq peroriartornermini Shilop ungasinngisaani qaqqani * Ukiut 400-t missaat sioqqullugit Mosesi siulersuisoralugu sananeqartoq nunarsuarmi Jehovamik minguitsumik pallorfiginnittarfituaavoq.
angalaartartoq takorloorsinnaavarput. Illoqarfik qoororlu aterminiittut qiviarlugit Tupeq Naapeqatigiittarfik takugamiuk immaqa qamuuna assut nuannaajummerlunilu tulluusimaalerpoq. Tupeq Naapeqatigiittarfik illernartuuvoq.10 Nukappiaqqap Samuelip Tupermi Naapeqatigiittarfimmi peroriartornini nuannaraa. Kingusinnerusukkut imminut ima allaatigivoq: “Samueli taama meeraatigigaluarluni Naalakkap kiinaata saani kiffartuussivoq efodimik ilupaassiamit sanaasumik atisaqarluni.” (1 Sam 2:18) Samuelip qallersaateeraqartarnera Tupermi Naapeqatigiittarfimmi palasinik ikiuisarneranut takussutissaagunarpoq. Palasiunngikkaluarluni ullaakkut Toqqup Naapeqatigiittarfiup silarliata matuinik ammaaneq utoqqarmillu Elimik ikiuineq Samuelip suliarisartagaasa ilagaat. Tupermi Naapeqatigiittarfimmi immikkut pisinnaatitaaffeqarnini nuannaarutigigaluarlugu Jehovap illuani pissutsit ajorluinnartut qamuuna eqqissiunnaarutigai.
Ileqqorluttut akornanniikkaluarluni minguitsuujuarpoq
11, 12. (a) Sooq Hofni Pinehasilu ileqqorluttuuppat? (b) Hofni Pinehasilu Tupermi Naapeqatigiittarfimmi qanoq ajortuliortarlutillu ileqqorluttarpat? (Aamma quppernerup ataatungaani ilanngussaq takuuk).
11 Samuelip inuit ajortut ileqqorluttullu meeraallunili takusarpai. Eli marlunnik erneqarpoq, taakkulu Hofnimik Pinehasimillu ateqarput. Samuelip taakku ima allaatigai: ‘Elip erneri iluaatsuupput, Jehovalu ilisarinngilaat.’ (1 Sam 2:12) Oqaaseqatigiit taakku marluk ataqatigiipput. Hofni Pinehasilu Jehovamik ataqqinninnginnamik ‘iluaatsunik’ – nutsiinnavillugu ‘atorsinnaanngissutsip ernerinik’ isumaqartumik – taaneqarput. Jehovap najoqqutassiai peqqussutaalu naapertuilluartut suusupagaat. Tamannalu pissutigalugu ajortuliortalerput.
12 Palasit suliassaat Tupermilu Naapeqatigiittarfimmi pilliuteqarnermi iliuuserisassaat paatsuugassaanngitsumik Guutip inatsisaani allaatigineqarput. Tamatumunngalu pissutissaqarluarpoq! Inuit Guutimit iluarisaanissamut, pilluaqquneqarnissamut siulersorneqarnissamullu qinngaqqunnannginniassammata pilliutit taakku Guutip *
ajortulianik isumakkeerfiginninneranut takussutissaapput. Hofnilli Pinehasillu palaseqatitik pilliutinik suusupaginnilersippaat.13, 14. (a) Inuit eqqortuliorusuttut Tupermi Naapeqatigiittarfimmi ajortuliortarnerit qanoq sunnerneqaatigisimassavaat? (b) Elip ataatatut palasiunertullu akisussaaffini qanoq eqquutitinngilai?
13 Takorlooruk nukappiaqqap Samuelip naqqinneqaratik ingasattumik ajortuliortartut tupigusulluni isigigai. Inuit – ilaatigut piitsut, maniguuttut naqisimaneqartullu – anersaakkut tuppallersarneqarnissartik nakussatsinneqarnissartillu neriuutigalugu Tupermut Naapeqatigiittarfimmukartut qassimmita pakatsillutik, aliasullutik nikanarsarneqarlutilluunniit qimaguttut takuai? Aamma qanoq misigiva Hofni Pinehasilu arnanik Tupermi Naapeqatigiittarfimmi kiffartortunik atoqateqartarnermikkut Jehovap kinguaassiuutitigut ileqqussanut tunngatillugu inatsisaanik unioqqutitsisartut paasigamiuk? (1 Sam 2:22) Immaqa Elip iliuuseqarnissaa neriuutigigaluarpaa.
14 Ajornartorsiut annertusiartuinnartoq Elip aaqqeriaannaagaluarpaa. Palasiunertut Tupermi Naapeqatigiittarfimmi pisut akisussaaffigai. Ataatatut ernerminik naqqiinissani akisussaaffigaa. Taakkuami imminut ajoqusiinnarnatik nunaqqaterpassuatik ajoquserpaat. Elilli ataatatut palasiunertullu akisussaaffini eqquutitinngilai. Ernini sallaatsumik nangartaannarpai. (1 Samueli 2:23-25 atuakkit). Erninili toqumik pillarneqaataasartunik ajortuliortartut sukannersumik naqqittariaqaraluarpai.
15. Eli Jehovamit qanoq nalunaarfigineqarpa, Elillu ilaqutaasa mianersoqqussut allannguissutigaat?
15 Pissutsit ajorsingaarmata Jehovap angut ‘Guutip kiffaa’, aqqatigut taaneqanngitsoq, Elimut aallartippaa eqqartuussummik nalunaariartortillugu. Jehovap Eli ima aperaa: “Sooq ernitit uannit ataqqineruigit?” Elip ernerisa ajortut ullormi ataatsimi toqunissaat Elillu ilaqutaasa naalliungaarumaarnerat, allaat palasitut kiffartornermik immikkut pisinnaatitaaffimminnik annaasaqarumaarnerat, Guutip siulittuutigaa. Sukannersumik mianersoqqussut ilaqutariit allannguissutigaat? Biibilimi ersersinneqarpoq Eli ernerilu allannguinngitsut. – 1 Sam 2:27-3:1.
16. (a) Nukappiaqqap Samuelip siumukarnera pillugu qanoq allassimasoqarpa? (b) Oqaluttuaq qamuuna killitsissutigaajuk? Nassuiaruk.
16 Nukappiaraq Samueli ileqqorluttunit sunnerneqarpa? Oqaluttuami Samuelimik allakkat siulliit 2:18-imi allassimammat Samueli meeraalluni aalajaalluni ‘Jehovap kiinaata saani kiffartuussisoq’. Meeraagaluarluni Samuelip Guutimut kiffartornini pingaarnerpaatippaa. Kapitalimi tamatumani versi 21-mi qamuuna killitsinnarnerusumik ima allassimasoqarpoq: ‘Nukappiaraq Samueli Jehova najorlugu alliartorpoq.’ Peroriartornermini Ataataminut qilammiusumut attaveqarluarnerujartorpoq. Taamatut Jehovamut qanimut attaveqarneq ileqqorlunnermut sumulluunniit illersuutaavoq pitsaanerpaaq.
alianartumi Samuelip peroriartornera siumukarneralu pillugit tusagassat nuannersut eqqaaneqarput. Eqqaamajuk17, 18. (a) Ileqqorluttut akornanniikkaluarlutik inuusuttut kristumiut Samueli qanoq ilaarsinnaavaat? (b) Samuelip eqqortumik iliorniarluni aalajangernera qanoq erserpa?
17 Samueli eqqarsarsimasinnaagaluarpoq palasiuneq ernerilu ajortuliornissamut nakkaannarsinnaappata aamma nammineq piumasamisut iliorsinnaalluni. Allalli, aamma oqartussaassusillit, ileqqorlunnerat ajortuliornissamut utoqqatsissutaanngisaannarpoq. Ullumikkut inuusuttorpassuit kristumiut ilagisartakkamik ilaat maligassaalluanngikkaluartut Samueli ilaarlugu ‘Jehova najorlugu alliartorput’.
18 Samuelip Jehovamut naalattuarnera qanoq kinguneqarpa? Ima allassimavoq: “[Nukappiaraq] Samueli alliartornermini Naalakkamit inunnillu nuannarisaanerujartuinnarpoq.” (1 Sam 2:26) Nukappiaraq Samueli aalajaattuarami, Jehovamit inunnillu anersaakkut inersimalluartunit, iluarisaavoq. Samuelip Shilomi ajortuliortarnerit Guutimi iliuuseqarfigiumaarai nalunngilaa, qaquguli iliuuseqarfigissanerai eqqarsaatigisarsimassavaa. Unnuit ilaanni tamanna akissutissarsivaa.
“Oqalugit, kiffat tusaavoq!”
19, 20. (a) Unnuakkut Tupermi Naapeqatigiittarfimmi Samuelip misigisaa oqaluttuariuk. (b) Samuelip kimit oqaluunneqarluni qanoq paasivaa, Elilu qanoq pisarpaa?
19 Ullaaralaakkut suli tarrajuttoq toqqup qullersua suli ikualavoq. Nipaasseruttornerani Samuelip oqarfigineqarnini tusaavaa. Isumaqarpoq Elimit, utoqqarmit isigiarsuttumillu, qaaqquneqarluni. Samueli makippoq ‘tuaviinnarlu’ angut utoqqaq ornillugu. Takorloorsinnaaviuk nukappiaqqap kamillaangalluni Eli ikiugassaasoralugu ornikkaa? Killitsinnarpoq atuarlugu Samuelip Eli ataqqinnittumik inussiarnersumillu pisaraa. Eli ajortuliungaartaraluarluni suli palasiunertut Jehovamut kiffartorpoq. – 1 Sam 3:2-5.
20 Samuelip Eli ima oqarfigalugu itersarpaa: “Qaaqqusoralunga aggerpunga!” Elilli aggeqqunnginnamiuk nukappiaraq innariartoqqullugu oqarfigaa. Taamatullu marloriarluni pisoqaqqippoq. Elip naggataatigut qanoq pisoqartoq paasivaa. Jehovap takorruuisitsisarnera pruffiitimilluunniit innuttaminut aallartitsisarnera qaqutigoorpoq, tamatumunngalu pissutaasoq ersarippoq. Elilli paasivaa Jehovap nukappiaraq oqaluukkaa. Elip Samueli innariartoqqoriarlugu Jehova oqaaseqaqqippat qanoq akissaneranik ilitsersuuppaa. Samueli naalappoq. Sivitsorianngitsoq ima oqarfigineqarpoq: “Samueli, Samueli!” Nukappiaraq ima akivoq: “Oqalugit, kiffat tusaavoq!” – 1 Sam 3:1, 5-10.
21. Ullumikkut Jehovamut qanoq tusarnaarsinnaavugut, taamaaliornerlu sooq iluaqutaava?
21 Kiisami Jehovap Shilomi kiffaasa ilaat tusarusuppoq. Samuelillu inuunermi sinnera Jehova tusarnaarpaa. Aamma illit Jehova tamatigut tusarnaartarpiuk? Uagut unnuakkut tupinnartuliornikkut oqaluunneqarnissarput utaqqisariaqanngilarput. Oqartoqarsinnaavoq nalitsinni Guutip nipaa Biibili aqqutigalugu qanoq ilisukkulluunniit tusaasinnaagipput. Guutimut tusarnaarnerujartortilluta oqaasialu malillugu iliuuseqarnerujartortilluta uppernerput ineriartornerulissaaq. Samuelip tamanna misigaa.
22, 23. (a) Samuelip tusarliussassaq oqaatigissallugu siooragisaa qanoq eqquuppa? (b) Sooq Samueli tusaamaneqarlualeriartorpa?
22 Unnuaq taanna Samuelimut pingaaruteqarluinnarpoq. Unnuarmi taanna aallarnerfigalugu pruffiititut Guutilu sinnerlugu oqaaseqartartutut kiffartulerami Jehova immikkut ittumik attaveqarfigilerpaa. Eli ilaqutaalu pillugit siulittuut eqquuttussanngormat Jehovap tusarliussaata Elimut oqaluttuarinissaa nukappiaqqap aallaqqaammut siooragaa. Samuelilli sapiilluni Eli oqaluuppaa – Elillu maniguulluni Guutip eqqartuussutaa akueraa. Tamatuma kinguninngua Jehovap oqaasii tamarmik eqquupput: Israelikkut filisterinut 1 Sam 3:10-18; 4:1-18.
sorsupput, Hofni Pinehasilu ullormi ataatsimi toqupput Elilu Jehovap angerusiata illerfia tiguagaasoq tusaramiuk toqulluni. –23 Samuelili pruffiititut aalajaatsutut tusaamaneqarlualeriartorpoq. Oqaluttuami allassimavoq Jehovap Samueli ‘najoraa’ taassumalu siulittuutai tamaasa eqquutitittarai. – 1 Samueli 3:19 atuaruk.
‘Samuelip Jehova torlorfigaa’
24. Piffissap ingerlanerani Israelikkut qanoq aalajangerpat, tamannalu sooq ajortuliungaarnerua?
24 Israelikkut Samueli ilaarlugu anersaakkut aalajaallutik kiffartulerpat? Naamik. Piffissap ingerlanerani pruffiitimik eqqartuussisoqarusunnatik aalajangerput. Inuiaqatigiit allat assigalugit inummik kunngeqarusulerput. Samueli Jehovamit siulersorneqarluni piumasaattut iliorpoq. Israelikkulli ajortuliungaarnerannik paasitittariaqarpai. Israelikkut inuk ajattuinnarnagu Jehova ajattorpaat! Taamaattumik Samuelip inuiaqatigiit Gilgalimi katersortippai.
25, 26. Samuelip utoqqalisup Israelikkut Jehovamut ajortuliungaarnerannik Gilgalimi qanoq paasitippai?
25 Gilgalimi Israelikkut oqaluummagit pisut pissanganartut uterfigeqqeriartigit. Tassani Samuelip utoqqalisup Israelikkut aalajaattuarnerminik assuarnaattuarnerminillu eqqaasippai. Oqaluttuaq ima nangippoq: ‘Samuelip Jehova torlorfigaa.’ Jehova kallilersitseqqullugu siallersitseqqullugulu qinnuigaa. – 1 Sam 12:17, 18.
26 Siallersarfik qaangiutereersoq siallerlunilu kallissava? Taama pisoqanngisaannarsimavoq! Immaqa Israelikkut ilaat qularlutillu illaruaatiginnipput. Tassanngaannarli qilak nuisserpoq taarsillunilu. Anorlilermat karrit kanaartaat tamarmik peqipput. Qoqernartumik kallilerpoq sialussualerlunilu. Israelikkut suppat? ‘Inuit Jehova Samuelilu ersiorfigingaarpaat.’ Kiisami ajortuliungaarnertik paasivaat. – 1 Sam 12:18, 19.
27. Samuelimik uppernikkut ilaarsisut Jehovap qanoq isiginnittaaseqarfigai?
27 Samuelip pikitsitsisut uummataat killinngilai, Guutiatali, Jehovap, killippai. Samueli meeraanerminit utoqqalinini tikillugu Guutimut uppertuarpoq. Jehovallu akissarsisippaa. Ulloq manna tikillugu Jehova allanngorsimanngilaq. Samuelimik uppernikkut ilaarsisut suli tapersersortarpai.
^ par. 5 Nasiræeritut neriorsuisimasut imigassartoqqusaanatillu nujaajaqqusaanngillat. Neriorsuisimasut amerlanerit piffissami killilimmi taamatut atugaqartarput, inuilli amerlanngitsut – soorlu Samsoni, Samueli Johannesilu Kuisisoq – inuunertik tamaat nasiræeriupput.
^ par. 9 Illernartuut 13 meterit missaannik takissuseqarlunilu 4 meterit missaannik nerututigisoq tuperujussuuvoq qisunnik sannalik. Atortulli pitsaanerpaat – puisit amii, annoraamerngit kusanartut allapalaakkat, qisuit akisuut sølvimik kuultimillu qallikkat – atorlugit sanaajuvoq. Illernartuut 44 meterit missaannik takitigisumik 22 meterillu missaannik nerututigisumik silarleqarpoq, tassanilu alutornarluinnartumik pilliisarfeqarpoq. Piffissap ingerlanerani Toqqup Naapeqatigiittarfiup sinaani palasit atugassaannik ineeraliortoqarsimagunarpoq. Samueli ineeqqat taakkua ilaanni sinittarsimagunarpoq.
^ par. 12 Suusupaginninnerit marluk oqaluttuami allaatigineqarput. Siullertut, pilliutigineqartumit sorpiaat palasimit nerineqarsinnaasut Inatsisini erseqqissumik allaatigineqarpoq. (5 Mos 18:3) Tupermili Naapeqatigiittarfimmi palasit ajortut allaanerulluinnartumik iliorput. Kiffatik peqqusarpaat neqi uunneqartillugu ajassaassuarmik igamut qalaartumut neqinik kapiseriarlutik pitsaasunik sunilluunniit aggiussisaqqullugit. Aappaattut, palasit ajortut kiffaasa inuit ikikkagassanik pilliiartortut sioorasaartarpaat. Kiffat allaat neqip tunnua suli Jehovamut pilliutigineqanngitsoq neqimik ooqanngitsumik piumasarput. – 3 Mos 3:3-5; 1 Sam 2:13-17.