1. Sooq Shilomiut qial­lutil­lu aliasup­pat?

SAMUELIP Shilomior­pas­suit aliasut­tut misigin­neqatigai. Qular­nan­ngitsumik angerlarsimaf­fip­pas­suar­ni ar­nat meeq­qal­lu ataatamik, uimik, er­nermik qatan­ngutimil­lu toqusimaneran­nik tusarler­neqaramik aliasun­nerat qianeral­lu tusarsaap­put. Israelik­kut filisterinut sorsun­nermin­ni siul­lermi sak­kutuut 4.000-t mis­saan­niit­tut an­naavaat tamatumalu kingunin­ngua aap­pas­saanik ajorsarujus­suar­nermin­ni 30.000-t aam­ma an­naal­lugit. – 1 Sam 4:1, 2, 10.

2, 3. Pisut alianar­tut suut Shilomut kan­ngunarsaataal­lutil­lu nikanarsaataap­pat?

² Taman­na pisut alianar­tor­pas­suit ilaan­naraat. Palasiunerup Elip er­nerisa ajor­tut, Hofnip Pinehasil­lu, angerutsip il­lerfia Shilomit an­nip­paat. Taan­na il­lerfik il­ler­nar­toq Guutip najuun­neranut takus­sutis­saasoq Toq­qup Naapeqatigiit­tarfiup Il­ler­nar­ner­paar­taaniit­taraluar­poq. Inuil­li sianiil­liorlutik isum­meramik il­lerfik aar­nuatut is­sasoq ajugaatitsis­sasorlu sorsuf­fim­mukaap­paat. Filisteril­li il­lerfik tiguar­paat Hofnilu Pinehasilu toqul­lugit. – 1 Sam 4:3-11.

³ Ukiuni hundredilik­kuutaani il­lerfik Shilomi Tupermi Naapeqatigiit­tarfim­miis­simavoq. Maan­nalu tiguagaavoq. Elip 98-inik ukioqarluni taman­na tusaramiuk is­siavim­minit niverluni nak­kar­poq toqul­lunilu. Ukuaa, ul­loq taan­na uil­lar­nin­ngor­toq, er­ninermini toquvoq. Aner­ningilerlunilu ima oqar­poq: “Naalan­naat Israelimit peersitaavoq.” Aap, Shilomi pis­sutsit al­lan­ngorluin­nar­put. – 1 Sam 4:12-22.

4. Kapitalimi matumani suna sam­mis­savar­put?

⁴ Alianangaar­tut tamak­ku Samuelip qanoq naam­magalugit atus­savai? Up­per­nik­kut nukit­tul­luni inuit Jehovamit il­lersor­neqarun­naarlutil­lu iluarisaajun­naarsimasut ikius­savai? Ul­lumik­kut ilaan­neeriarluta up­per­nik­kut misilin­neqaataasunik ar­tor­nar­torsior­tarlutalu pakatsisarat­ta Samueli qanoq ilin­niarfiginerusin­naanerlutigu sam­meriar­tigu.

5, 6. Biibilimi Samueli al­laatigineqarun­naarmat suna al­laatigineqaler­pa, ukiunilu 20-ni Samuelip suut ulap­putigai?

⁵ Biibilimi Samueli al­laatigineqarun­naarluni angerutsip il­lerfia al­laatigineqaler­poq. Al­las­simavoq filisterit il­lerfik tiguagar­tik ajor­nar­torsiulis­sutigigamik­ku uter­tit­tariaqaleraat. Ukiut 20-t mis­siliorlugit qaangium­mata Samueli Biibilimi eq­qaaneqaq­qip­poq. (1 Sam 7:2) Ukiuni taak­kunani suut ulap­putigai?

⁶ Biibilimi ima al­las­simavoq: “Samueli inuunini tamaat Israelimi eq­qar­tuus­sisuuvoq.” Samueli Biibilimi eq­qaaneqaq­qin­nermi kingor­na ukiut tamaasa akerleriin­nik isumaqatigiis­sitsiniarluni apeq­qutinil­lu akisiniarluni Israelimi il­loqarfin­nut pingasunut tikeraar­tar­poq. Angalareeraangami il­loqarfim­minut Ramamut angerlar­tar­poq. (1 Sam 7:15-17) Samueli sulias­sar­pas­suaqarami, aam­ma ukiuni 20-ni taak­kunani, ulapit­tuar­poq.

7, 8. (a) Samuelip Israelik­kut ukiuni 20-ni tamaviaarluni anersaak­kut ikioreerlugit qanoq tusarler­pai? (b) Israelik­kut Samuelimit neriorsor­neqaramik sup­pat?

⁷ Elip er­nerisa kinguaas­siuutitigut inuunerlun­nerat ileq­qorlun­neral­lu Israelik­kun­nik up­per­nikil­lisitsip­put. Tamatuma kingunerigunagaanik inup­pas­suit guutipilus­sior­talerunar­put. Taamaak­kaluar­torli Samuelip Israelik­kut ukiuni 20-ni tamaviaarluni anersaak­kut ikioreerlugit ima tusarler­pai: “Uum­matis­sigut iluun­ngarlusi Naalak­kamut saak­kumagus­si al­lamiut guutii Astar­tel­lu akor­nas­sin­nit piiarsigit. Uum­matisi Naalak­kamut saatsil­lugit taan­na kisiat kif­far­tuus­siuk, taava filisterinit an­naatis­savaasi.” – 1 Sam 7:3.

⁸ Filisterit Israelik­kut peq­qar­niitsumik pisar­paat. Israelik­kut sak­kutuuinut ajugaarujus­suaramik misigip­put pil­lar­neqaratik Guutip in­nut­taanik naqisiman­nis­sin­naal­lutik. Samuelil­li Israelik­kut Jehovamut saap­pata pis­sutsit al­lan­ngorumaar­neran­nik neriorsor­pai. Taamaalior­nis­samin­nut kajumis­suseqar­pat? Samuelip nuan­naarutigisaanik guutipiluit piiariarlugit Jehova “kisiat kif­far­tuutiler­paat”. Samueli Mispami, il­loqarfim­mi Jerusalemip avan­naatungaani qaq­qar­tuumiit­tumi, katersuutsitsivoq. Israelik­kut katersuup­put, iisin­ngin­niar­put guutipilus­siorsimaner­til­lu peq­qis­simis­sutigalugu. – 1 Samueli 7:4-6 atuakkit.

9. Filisterit suniarlutik aalajanger­pat, Guutil­lu in­nut­tai akeq­qatik qanil­liar­tor­tut tusaramik­ku sup­pat?

⁹ Israelik­kul­li katersuun­nerat filisterit Jehovamik pal­lorfigin­nit­tunik  nungutitsinis­samut periarfis­satut isigigamik­ku sak­kutuutik Mispamut aal­lar­tip­paat. Israelik­kut akeq­qatik qanil­liar­tor­tut tusaramik­ku an­nilaangaler­put Samuelilu qin­nuteq­qul­lutik kimigiiserfigilerlugu. Samuelip qin­nup­pai pil­liuteqarlunilu. Il­ler­nar­tumik nal­liut­torsior­til­lugit filisterit sak­kutuui Mispamut pip­put. Samuelip qin­nutaa Jehovap akivaa. Jehovap filisterit ‘ul­lormi tas­sani sak­kor­toorsuarmik kal­lersitsiviginerisigut’ kaman­nini ersersip­paa. – 1 Sam 7:7-10.

10, 11. (a) Sooq Jehovap kal­lersitsinera filisterit sak­kutuuisa sungiusimasaan­nit al­laanerusimas­sava? (b) Sorsun­neq qanoq kinguneqar­pa?

¹⁰ Filisterit uiviler­put. Sooq? Kal­ler­palulil­laraangat meeq­qatut an­nilaangal­lutik anaanamik tunuan­nut toq­qor­tutut ip­pat? Naamik, taak­ku sak­kutuujup­put pis­sarsuit. Taamaat­tumik sungiusiman­ngisaat­tut kal­lersimas­saaq. Kal­ler­nera pisar­nermit nipitunerua? Al­laaq­qis­sumi kal­liler­pa, imaluun­niit qaq­qap sivingar­nanit akisuaneq paatsiveerutsitsiva? Qanorluun­niit ik­kaluar­pat filisterit uiviler­put. Taamaalisorlu saas­sus­siun­naarlutik saas­sun­neqaler­put. Israelik­kut angutitaat Mispamit sas­sar­ter­put filisteril­lu Jerusalemip kujataata-kip­pasis­suanut kilometerer­paalus­suit malersoriarlugit ajugaaf­figalugit. – 1 Sam 7:11.

¹¹ Sorsun­nermi tamatumani Guutip in­nut­taasa atugaat al­lan­ngor­put. Filisterit Samuelip eq­qar­tuus­sisuunerani tunuar­ter­tuar­put. Guutip in­nut­taasa il­loqarfiit amerliar­tuin­nar­tut tiguar­titer­paat. – 1 Sam 7:13, 14.

12. Samuelip ‘iluar­tumik ilior­nera’ qanoq paasisariaqar­pa, angusaqarluar­nis­saminul­lu pis­suserineqar­tus­sat suut iluaqutigai?

¹² Ukiut hundredil­lit tamatuma kingor­na apustilip Paulusip Samueli al­lal­lu eq­qar­tuus­sisut pruf­fiitil­lu aalajaatsut ‘iluar­tumik ilior­tutut’ taavai. (Hebr 11:32, 33) Samuelip Israelik­kut Guutip iluarisaatut eq­qor­tulioq­qul­lugit ikior­pai. Pakatsisaraluarluni sulias­sani isumagiuaramiuk Jehovalu aalajaal­luni erinitsajuil­lunilu utaq­qigamiuk angusaqarluar­poq. Aam­ma qujamasun­nermik ersersitsivoq. Mispami ajugaanerup kingor­na Samueli Jehovap in­nut­taminik ikiuisimaneranut takus­sutis­samik ujaras­suarmik nap­paavoq. – 1 Sam 7:12.

13. (a) Samuelimik ilaarserusuk­kut­ta pis­suserineqar­tus­sat suut pisariaqar­tip­pavut? (b) Qaquguk­kut Samuelitut pis­suseqaler­niar­nis­saq pitsaas­sava?

¹³ Il­lit ‘iluar­tumik iliorusup­pit’? Taava Samuelip erinitsajuin­nera  qujamasul­lunilu an­neruniajuin­nera ilin­niarfigisariaqar­patit. (1 Petrusi 5:6 atuaruk). Pis­suserineqar­tus­sat taak­ku tamat­ta pisariaqar­tip­pavut. Samuelip nukap­piaraal­luni pis­suserineqar­tus­sanik taak­kunin­nga ineriar­tor­titsinini ersersitsisar­ninilu inersimasun­ngorami pakatsisin­neqangaar­tar­nermini iluaqutigai.

14, 15. (a) Sooq Samueli ‘utoq­qaal­luni’ pakatsingaar­pa? (b) Eli as­sigalugu Samuelip ataatatut akisus­saaf­fini pimoorutin­ngilaa? Nas­suiaruk.

¹⁴ Samueli al­laatigineqaq­qik­kami ‘utoq­qaavoq’. Tamatuma nalaani er­nini inersimasut, Joeli Abijalu, eq­qar­tuus­sinermik suliaqar­nermini ikior­titut akisus­saaf­filer­pai. Ajoraluar­tumik taamatut tatigalugit akisus­saaf­filer­tus­saan­ngik­kaluar­pai. Samueli un­neq­qarik­kaluar­toq naaper­tuil­luar­tuugaluar­torlu er­neri nam­minis­sarsior­tuup­put akilersil­lutil­lu naaper­tuil­luan­ngitsumik eq­qar­tuus­sisarlutik. – 1 Sam 8:1-3.

¹⁵ Israelip utoq­qaaner­taasa taamaal­lutik pruf­fiiti utoq­qaq or­nip­paat imalu naam­magit­taal­liorfigalugu: ‘Er­nivit ileq­qorisatit maleruan­ngilaat.’ (1 Sam 8:4, 5) Ajor­nar­torsiut taman­na Samuelip ilisimavaa? Oqalut­tuami eq­qaaneqan­ngilaq. Elili as­siginagu Samuelip qular­nan­ngitsumik ataatatut akisus­saaf­fini pimoorup­paa.  Elip er­nerminik ajor­tunik naq­qiin­ngin­nera er­nerminil­lu Guutimit ataq­qin­nin­nerunera pil­lugit Jehovap Eli naq­qil­lugulu pil­lar­paa. (1 Sam 2:27-29) Jehoval­li Samueli pisuus­suteqan­ngitsutut isigaa.

16. Angajoq­qaat qitor­natik naalas­seriileraangata qanoq misigisar­pat, aam­ma Samuelip maligas­siuinera qanoq tup­pal­lersaatigalugulu iluaqutigisin­naavaat?

¹⁶ Er­nermi ajor­tulior­tar­nerat tusaramiuk Samueli qanoq misiginersoq – kan­ngusuler­nersoq, isumakululer­nersoq pakatsinersorluun­niit – oqalut­tuami eq­qaaneqan­ngilaq. Angajoq­qaar­pas­suil­li Samueli qanoq misigisimas­sasoq takorloorsin­naavaat. Ul­luni ajor­tuni inuugat­ta meeq­qat inuusut­tul­lu angajoq­qaat oqar­tus­saas­susian­nut perorsaaneran­nul­lu naalas­seriit­tar­nerat sumi tamani ajor­nar­torsiutaavoq. (2 Timotheusi 3:1-5 atuakkit). Angajoq­qaat taamatut erloqis­suteqar­tut Samuelip maligas­siuinera tup­pal­lersaatigalugulu iluaqutigisin­naavaat. Er­nini aalajaak­kun­naaraluar­tut Samueli aalajaat­tuar­poq. Eq­qaamajuk angajoq­qaat oqaatsitigut perorsaanik­kul­luun­niit qitor­natik kil­lis­sin­naan­ngik­kaluarlugit maligas­siuinermik­kut kil­lis­sin­naam­matigit. Aam­ma Samuelip pisimaneratut angajoq­qaat Ataatar­tik, Jehova Guuti, tul­luusimaar­tit­tuarsin­naavaat.

17. Israelip utoq­qaaner­tai Samuelimut qanoq piumasaqar­pat, Samuelil­lu taman­na qanoq isumaqarfigaa?

¹⁷ Samuelip er­nerisa piumatus­suser­tik nam­minis­sarsior­ner­til­lu qanoq ajoqusiitigiumaar­tut takorloorsin­naan­ngilaat. Israelip utoq­qaaner­taasa Samueli or­nip­paat imalu oqarfigalugu: “Kun­ngimik iver­titsigit naalak­kersuisus­satsin­nik soorlu inuiaat al­lat tamarmik kun­ngeqar­tut.” Taamatut piumasaqar­nerat Samuelip ajat­tor­neqar­tutut misigilis­sutigaa? Ukiunimi qulik­kuutaani Jehova sin­nerlugu Israelik­kun­nut eq­qar­tuus­sisuuvoq. Maan­na pruf­fiititut Samuelitut it­tumik eq­qar­tuus­sisoqarun­naarlutik kun­ngimik eq­qar­tuus­sisoqalerusup­put. Israelik­kut inuiaqatigiit al­lat as­sigalugit kun­ngeqarusup­put. Samuelip taman­na qanoq isumaqarfigaa? “Iluarin­ngilaa.” – 1 Sam 8:5, 6.

18. Jehovap Israelik­kut ajor­tuliungaar­nerat oqaatigiitigalugu Samueli qanoq tup­pal­lersar­paa?

¹⁸ Samuelip pisunik qinunik­kut oqalut­tuum­mani Jehovap akis­sutaa maluginiaruk: “Inuit ilin­nit kis­saatigisaat tamaasa akuersaagin­nak­kit, il­lim­mi pin­natit uanga narrugaan­nga kun­ngigiumananga.” Taman­na Samuelimut tup­pal­lersaataagaluar­toq Guutimik Ajugaqan­ngitsumik asis­suineruvoq! Jehovap pruf­fiitini peq­quaa Israelik­kut oqarfigeq­qul­lugit inum­mik kun­ngeqalerusun­ner­tik  akisunaas­sagaat. Samueli peq­quneqar­nermisut iliormat ima akineqar­poq: “Kun­ngimik naalagaqarumavugut.” Samuelip, Guutimut aalajaat­tuar­tup, Jehovap toq­qagaa kun­ngitut tanip­paa. – 1 Sam 8:7-19.

19, 20. (a) Jehovap Sauli Israelimi kun­ngitut taneq­qum­magu Samueli qanoq naalap­pa? (b) Jehovap in­nut­tai Samuelip qanoq ikior­tuar­pai?

¹⁹ Samuelili qanoq naalap­pa? Pinaal­luni soqutigisaqar­nanilu? Pakatsinini qamuuna narrujuum­mis­sutigaa? Inup­pas­suit taamatut ilius­sagaluar­put, Samuelili taamaaliun­ngilaq. Sauli tanip­paa Jehovamil­lu toq­qagaanera akueralugu. Sauli pil­luaq­quniarlugu naalatsigitin­nerminil­lu ersersitsiviginiarlugu kunip­paa. Inun­nul­lu ima oqar­poq: “Aajuna Naalak­kap qinigaa. Taan­na Israelik­kun­ni tamani nal­lersimaneqan­ngilaq.” – 1 Sam 10:1, 24.

²⁰ Jehovap toq­qagaata pis­susii ajor­tut pin­nagit pis­susii ajun­ngitsut Samuelip maluginiar­pai. Aam­ma inun­nit al­lan­ngorar­tumik isumalin­nit iluarisaanis­sani pin­nagu Guutimut as­suar­naat­tuar­nis­sani pingaar­nerutip­paa. (1 Sam 12:1-4) Aam­ma Guutip in­nut­tai anersaak­kut navianarsin­naasut pil­lugit mianersoq­qusaramigit Jehovamul­lu aalajaat­tuaq­qul­lugit siun­nersor­taramigit sulias­sani aalajaal­luni isumagaa. Inuit Samuelip siun­nersuutai kil­litsis­sutigigamik­kit qin­nuteq­qul­lutik kimigiiser­put. Samuelip inuit kil­litsin­nar­tumik ima akivai: “Naalak­kamut qin­nuk­kun­naar­nian­ngilas­si ajor­tulioruman­ngin­nama, aq­qutis­samil­li ajun­ngitsumik iluar­tumil­lu ajoqersus­savas­si.” – 1 Sam 12:21-24.

21. Al­lap sulias­sin­neqar­nera im­mik­kul­luun­niit pisin­naatitaaf­feqaler­nera pakatsis­sutigiguk­ku Samuelip maligas­siuinera qanoq iluaqutigisin­naaviuk?

²¹ Al­lap aalajangersimasumik sulias­sin­neqar­nera im­mik­kul­luun­niit pisin­naatitaaf­feqaler­nera pakatsis­sutiginikuuiuk? Samuelip maligas­siuineranit erser­poq sin­ngaler­natalu narrujuum­misas­san­ngitsugut. (Ussatit 14:30 atuaruk). Guutip kif­faminut aalajaatsunut tamanut sulias­siis­sutitut pil­luaq­qus­sutigisin­naasai nalerisimaar­nar­tut amerlasoorujus­suup­put.

22. Sooq Saulip pis­susiinik ajun­ngitsunik Samuelip aal­laq­qaam­mut maluginiaanera silatusaar­nerua?

²² Saulip, angutip im­mik­kuul­laris­sup, pis­susii ajun­ngitsut maluginiaramigit Samueli silatusaar­poq. Sauli angil­lunilu takoran­ner­poq, sapiil­lunilu periataal­laq­qis­suuvoq aal­laq­qaam­mul­lu  an­neruniajuil­luni. (1 Sam 10:22, 23, 27) Tamatuma saniatigut aam­ma kif­faan­ngis­suseqar­poq, tas­sa qanoq inuuniar­nerluni suniar­nerlunilu nam­mineq aalajangersin­naavaa. (5 Mos 30:19) Kif­faan­ngis­sutsini atorluar­paa?

23. Pis­suserineqar­tus­saq suna Saulip siul­ler­tut pis­suseriun­naar­paa, pingaakujun­ninilu qanoq ersersip­paa?

²³ Ajoraluar­tumik inuup pis­saaneqalersup maniguun­neq siul­ler­tut pis­suseriun­naar­tar­paa. Sauli sivitsun­ngitsoq pingaakujut­tun­ngor­poq. Jehovap peq­qus­sutai Samuelimit ingerlateq­qin­neqar­tut naalan­niar­nagit aalajanger­poq. Taamaal­luni Saulip Samueli utaq­qikataleramiuk taas­suma pil­liutis­saralua pil­liutigaa. Samuelip sukan­nersumik naq­qit­tariaqarlugulu siulit­tuutigaa Saulip kinguaavi kun­ngiusus­saajun­naarsin­neqas­sasut. Naq­qin­neqar­nini ilin­niarfiginagu Sauli suli ingasan­nerusumik ajor­tulior­taler­poq. – 1 Sam 13:8, 9, 13, 14.

24. (a) Amalekik­kun­nut sorsun­nermi Sauli Jehovamut qanoq naalan­ngip­pa? (b) Sauli naq­qin­neqarami sua, Jehovalu suniarluni aalajanger­pa?

²⁴ Jehovap Samueli aq­qutigalugu Sauli Amalekik­kun­nut sorsuk­kiar­toq­quaa kun­ngial­lu ajor­toq, Agagi, toqoq­qul­lugu. Saulil­li Agagi pigisaalu pitsaaner­paat suujun­naarsin­neqar­tus­sat asat­tuup­pai. Samuelip naq­qim­mani Saulip qanoq al­lan­ngor­tigisimanini ersersip­paa. Naq­qin­neqar­nini maniguul­luni akuerinagu ajor­tuliani suun­ngin­nerarlugulu utoq­qatsis­sutis­sarsiorlunilu in­nut­tani pisuutin­niarsarai. Saulip tiguak­kat Jehovamut pil­liutis­saanerar­nerisigut naq­qin­neqar­nini pingaaruteqan­ngin­nerarmagu Samuelip oqaatsit uku nalun­ngin­neqarluar­tut oqaatigai: “Naalan­neq pil­liutinit pitsaaneruvoq.” Samuelip sapiil­luni Sauli naq­qip­paa Jehoval­lu aalajangius­saa nalunaarutigalugu: Sauli kun­ngius­susermik arsaar­neqas­saaq angul­lu al­la ajun­ngin­nerusoq kun­ngin­ngor­tin­neqarluni. * – 1 Sam 15:1-33.

25, 26. (a) Sooq Samuelip Sauli aliasuutigaa, Jehoval­lu Samueli inus­siar­nersumik qanoq naq­qip­paa? (b) Isajip angerlarsimaf­fianut pigami Samuelip suna paasivaa?

²⁵ Samuelip Sauli pakatsis­sutigingaar­paa. Pisut pil­lugit un­nuaq naal­lugu Jehovamut torlulavoq. Al­laat Sauli aliasuutigaa.  Sauli neriunaatilit­tut ajun­ngitsutul­lu isigigaluar­paa, maan­nali pakatsingaar­poq. Sauli inut­tut al­lan­ngorsimavoq – ajun­ngitsunik pis­suseqarun­naarluni Jehovamik tunus­sivoq. Sauli takoq­qin­ngisaan­nar­niarlugu Samueli aalajanger­poq. Kingusin­nerusuk­kut Jehovap Samueli ima inus­siar­nersumik naq­qip­paa: “Qanoq sivisutigisumik Sauli aliasuutigis­saviuk? Uangami Israelimut kun­ngiusus­saajun­naarsereer­para. Nas­suk uuliaasiviit uuliamik im­meriarlugu aal­larit. Isajimut Betlehemimiumut aal­lar­tis­savak­kit, taas­suma er­nerisa ilaat kun­ngis­satut qinerak­ku.” – 1 Sam 15:34, 35; 16:1.

²⁶ Jehovap siuner­taa inun­nit naam­mal­luin­nan­ngitsunit, ilumoorfigin­nit­tuaan­nan­ngitsunit, al­lan­ngor­tin­neqarsin­naan­ngilaq. Jehovap inuk aalajaak­kun­naar­toq inum­mik piumasamisut iliorusut­tumik taarser­tar­paa. Taamaat­tumik Samuelip ukioq­qor­tusisup Sauli aliasuutigiun­naar­paa. Samueli Jehovap in­nersuus­sineratigut Betlehemimi Isajip angerlarsimaf­fianukar­poq taas­sumalu er­neri isik­koris­sut arlal­lit takul­lugit. Ingerlaan­narli al­lat isik­kui tun­ngavigalugit naliliisan­ngin­nis­samik Jehovamit eq­qaasin­neqar­poq. (1 Samueli 16:7 atuaruk). Naggataatigut Samuelip qatan­ngutigiit nukarlersaat Daavi, Jehovap toq­qagaa, takuaa.

27. (a) Samuelip up­per­nermik ineriar­tor­titsiuar­nis­saminut suna iluaqutigaa? (b) Samuelip maligas­siuinera qanoq isumaqarfigaajuk?

²⁷ Saulip Daavimik taarser­neqar­nis­saanik Jehovap aalajanger­nerata eq­qor­tuunera Samuelip toqungajalerluni paasil­luar­neruaa. Sauli sin­ngatuun­ngorlunilu toqutsiumatuun­ngorlunilu tunus­sivoq. Daavil­li pis­suserineqar­tus­sat ajun­ngitsut – sapiis­suseq, as­suar­naas­suseq, up­per­neq ilumoorfigin­nin­nerlu – ersersip­pai. Samueli al­laat toqungajalerluni up­per­nermik ineriar­tor­titsiuar­poq. Paasivaa pisut pakatsinar­tut suul­luun­niit Jehovap aaq­qis­sin­naal­lugil­lu pil­luaq­qus­sutin­ngor­tis­sin­naagai. Naggataatigut Samueli 100-ngajan­nik ukioqarluni as­sigiin­ngitsor­pas­suar­nik misigisaqareerluni toquvoq. Angutip aalajaatsup taas­suma toqunera Israelik­kut aliasuutigim­mas­suk paasinar­poq. Ul­lumik­kut Jehovap kif­fai im­minut ima aperisariaqar­put: ‘Samueli up­per­nik­kut ilaar­para?’