Mazmur 94:1-23
94 Oh Yéhuwah, Njenengan kuwi Gusti Allah sing mbales wong jahat.+
Oh Gusti Allah sing mbales wong jahat, duduhna kemuliaan-Mu.
2 Oh Gusti Allah sing ngadili bumi,+ tulung Njenengan tumindak.
Tulung wong-wong sing sombong dihukum merga kelakuané sing jahat.+
3 Oh Yéhuwah, nganti kapan wong jahat ngrasa seneng?+
Nganti kapan?
4 Saka omongané, kétok nèk wong-wong kuwi bodho lan sombong.
Kabèh wong sing nindakké kejahatan padha rumangsa hébat.
5 Oh Yéhuwah, wong-wong kuwi nindhes+Lan nggawé susah umat-Mu.
6 Wong-wong kuwi matèni randha,Wong asing, lan bocah yatim.
7 Wong-wong kuwi ngomong, ”Yah ora ndelok.+
Gusti Allahé Yakub ora ngerti soal kuwi.”+
8 Wong sing ora isa nalar, kowé kudu ngerti soal iki.
Wong sing bodho, kapan kowé bakal paham?+
9 Mosok sing nggawé kuping ora isa ngrungokké?
Mosok sing nggawé mripat ora isa ndelok?+
10 Mosok sing nyenèni bangsa-bangsa ora isa ngandhani sing bener?+
Dhèwèké sing nggawé wong-wong nduwé pengetahuan.+
11 Yéhuwah ngerti pikirané manungsa.
Dhèwèké ngerti nèk pikirané manungsa kuwi ora ana gunané.+
12 Oh Yah, wong sing mbok korèksi+Lan sing mbok ajari soal hukum-Mu kuwi wong sing bahagia,+
13 Bèn dhèwèké tetep tenang wektu ngalami kesusahanNganti lubang digali kanggo njebak wong jahat.+
14 Yéhuwah ora bakal nglalèkké+Utawa ninggalké umaté.+
15 Keadilan bakal ana manèh,Lan kuwi bakal didhukung karo wong sing bener.
16 Sapa sing bakal mbéla aku nglawan wong jahat?
Sapa sing bakal ndhukung aku nglawan wong sing nindakké kejahatan?
17 Nèk Yéhuwah ora nulungi aku,Mesthi saiki aku wis mati.+
18 Nèk aku putus asa,Aku isa tetep kuwat merga Njenengan tresna* karo aku, oh Yéhuwah.+
19 Wektu aku ngrasa kuwatir banget,*Njenengan nggawé aku tenang lan bahagia.+
20 Njenengan ora bakal kerja sama karo pemimpin* sing jahatMerga wong kuwi nggunakké hukum kanggo nggawé masalah.+
21 Wong kuwi kejem banget wektu nyerang wong sing bener+Lan mènèhi hukuman mati marang wong sing ora salah.*+
22 Ning, Yéhuwah bakal dadi panggonan berlindung* sing aman kanggo aku.
Gusti Allahku kuwi gunung watu sing nglindhungi aku.+
23 Gusti Allah bakal nggawé kejahatané wong kuwi mbalik ing wong kuwi dhéwé.+
Gusti Allah bakal matèni wong kuwi nganggo kejahatané wong kuwi dhéwé.
Yéhuwah Gusti Allahé awaké dhéwé bakal matèni wong kuwi.+
Katrangan Tambahan
^ Utawa ”nduduhké katresnan sing langgeng marang”. Deloken Daftar Istilah.
^ Utawa ”Wektu pikiran sing nggawé aku ora tenang tambah akèh”.
^ Utawa ”hakim”. Lit.: ”takhta”.
^ Lit.: ”Lan getihé wong sing ora salah dianggep salah (jahat)”.
^ Utawa ”panggonan dhuwur”.
