Mazmur 36:1-12
Kanggo pemimpin musik. Lagu sing digawé Daud, abdiné Yéhuwah.
36 Kejahatan sing ana ing njero atiné wong jahat nggawé wong kuwi nindakké sing jahat.
Dhèwèké ora wedi karo Gusti Allah.+
2 Dhèwèké mikir nèk dhèwèké kuwi hébatNganti ora isa ngerti kesalahané lan ora rumangsa salah karo tumindaké.+
3 Omongané ngapusi lan nglarani ati.
Dhèwèké ora ngerti carané nindakké apa sing bener.
4 Malah, ing panggonané turu, dhèwèké ya nggawé rencana jahat.
Dhèwèké terus nindakké sing ora bener.*
Dhèwèké ora ngedohi sing jahat.
5 Oh Yéhuwah, rasa sayang-Mu* nganti tekan langit,+Kesetiaan-Mu nganti tekan méga-méga.
6 Oh Yéhuwah, keadilan-Mu kuwi kaya gunung-gunung sing gedhé banget.*+
Sing mbok omongké wektu ngadili kuwi kaya banyu sing jero.+
Njenengan ngopèni* manungsa lan kéwan.+
7 Oh Gusti Allah, rasa sayang-Mu* kuwi berharga banget.+
Manungsa nggolèk perlindungan ing ngisoré sayap-Mu.+
8 Wong-wong kuwi mangan akèh panganan* ing omah-Mu nganti wareg.+
Wong-wong kuwi mbok wènèhi kabèh sing nyenengké, kaya ngombé saka kali sing deres.+
9 Njenengan sing mènèhi urip.+
Merga cahaya-Mu, aku isa ndelok cahaya.+
10 Tulung Njenengan terus nresnani* wong-wong sing kenal Njenengan,+Lan tulung terus apikan marang wong-wong sing atiné tulus.+
11 Aja nganti wong sing sombong nyerang aku,Lan aja nganti wong sing jahat ngusir aku.
12 Wong-wong sing jahat wis disingkirké.
Wong-wong kuwi wis kalah lan ora isa tangi manèh.+
Katrangan Tambahan
^ Lit.: ”terus ana ing dalan sing ora bener”.
^ Utawa ”katresnan-Mu sing langgeng”. Deloken Daftar Istilah.
^ Lit.: ”gunung sing digawé Gusti Allah”.
^ Utawa ”nylametké”.
^ Utawa ”katresnan-Mu sing langgeng”. Deloken Daftar Istilah.
^ Lit.: ”gajih”.
^ Utawa ”nduduhké katresnan sing langgeng marang”. Deloken Daftar Istilah.