Mazmur 103:1-22
Lagu sing digawé Daud.
103 Aku arep muji Yéhuwah.
Aku arep muji jenengé sing suci sak tulusé atiku.
2 Aku arep muji Yéhuwah.
Muga-muga aku ora lali karo kabèh sing wis ditindakké Dhèwèké.+
3 Dhèwèké ngapura kabèh kesalahanku+Lan mbébaské aku saka kesusahanku.+
4 Dhèwèké nylametké aku* bèn aku ora mati.+
Dhèwèké nresnani* lan mesakké karo aku.+
5 Dhèwèké nggawé aku puas merga aku éntuk berkah+ sakjegé uripku,Bèn aku tetep enom lan kuwat kaya manuk elang.+
6 Yéhuwah nindakké sing bener+ lan adilMarang wong sing ditindhes.+
7 Dhèwèké ngandhani Israèl soal tumindaké+Lan ngandhani Musa soal préntahé.+
8 Yéhuwah kuwi apikan, gampang mesakké,+Ora gampang nesu, lan nduwé katresnan* sing gedhé banget.+
9 Dhèwèké ora seneng nggolèk-nggolèk kesalahan.+
Dhèwèké ora terus-terusan nesu.+
10 Dhèwèké ora ngukum sesuai karo dosané awaké dhéwé+Lan ora mbales sesuai karo kesalahané awaké dhéwé.+
11 Katresnané* marang wong sing wedi marang* Dhèwèké kuwi+Kaya langit sing luwih dhuwur timbang bumi.
12 Dhèwèké nyingkirké dosané awaké dhéwé nganti adoh banget,+Adohé kaya wétan karo kulon.
13 Yéhuwah mesakké karo wong sing wedi marang Dhèwèké,+Kaya bapak sing mesakké karo anaké.
14 Dhèwèké ngerti awaké dhéwé diciptakké saka apa.+
Dhèwèké éling nèk awaké dhéwé iki mung debu.+
15 Uripé manungsa kuwi kaya suket,+Sing metu kembangé kaya kembang ing ladhang.+
16 Ning pas kena angin, kuwi ora ana manèh,Kaya ora tau thukul ing kono.*
17 Tapi katresnané Yéhuwah* marang wong sing wedi marang Dhèwèké+Bakal ana saklawasé,*Lan Dhèwèké apikan marang anak putuné wong kuwi,+
18 Marang wong sing manut karo perjanjiané Gusti Allah,+Lan marang wong sing tenanan nindakké préntahé.
19 Yéhuwah terus mréntah ing swarga saklawasé.+
Kerajaané nguwasani sak kabèhé.+
20 Pujinen Yéhuwah, hé kowé para malaékaté+ sing kuwat,Sing manut karo préntahé* lan nindakké omongané.+
21 Pujinen Yéhuwah, hé kowé para pasukané,+Para abdiné sing nindakké apa sing dikarepké Gusti Allah.+
22 Pujinen Yéhuwah, hé kowé kabèh ciptaané Gusti AllahSing ana ing dhaérah kekuasaané.
Aku arep muji Yéhuwah sak tulusé atiku.
Katrangan Tambahan
^ Lit.: ”nylametké nyawaku saka lubang”.
^ Utawa ”nduduhké katresnan sing langgeng”. Deloken Daftar Istilah.
^ Utawa ”katresnan sing langgeng”. Deloken Daftar Istilah.
^ Deloken Daftar Istilah.
^ Utawa ”Katresnané sing langgeng”. Deloken Daftar Istilah.
^ Lit.: ”Lan panggonané ora kenal karo dhèwèké manèh”.
^ Utawa ”katresnané Yéhuwah sing langgeng”. Deloken Daftar Istilah.
^ Utawa ”saka saklawasé nganti saklawasé”.
^ Lit.: ”Sing ngrungokké swara omongané”.
