Mazmur 46:1-11
Kanggo pemimpin musik: Nurut Alamot.* Lagu sing digawé keturunané Korah.+
46 Gusti Allah kuwi kekuwatanku lan sing nglindhungi aku.+
Dhèwèké siap nulungi wektu aku susah.+
2 Aku ora bakal wedi senajan bumi goncang,Senajan gunung-gunung rubuh lan kleleb ing dhasar laut,+
3 Senajan ombaké gedhé lan nganti metu busané,*+Lan senajan gunung-gunung watu goncang merga ombak sing gedhé kuwi. (Sela)
4 Ana kali sing alirané nggawé seneng wong-wong ing kuthané Gusti Allah,+Tabernakel suci sing agung duwèké Sing Mahaluhur.
5 Gusti Allah ana ing kutha kuwi,+ mula kutha kuwi ora isa disingkirké.
Gusti Allah bakal nulungi kutha kuwi pas matahari arep terbit.+
6 Bangsa-bangsa ora tentrem, lan kerajaan-kerajaan disingkirké.
Wektu Gusti Allah ngomong, bumi dadi goncang.+
7 Yéhuwah pemimpiné pasukan ndhukung awaké dhéwé.+
Gusti Allahé Yakub kuwi panggonan berlindung* sing aman. (Sela)
8 Ayo ndelok kabèh sing ditindakké Yéhuwah.
Kabèh sing Dhèwèké tindakké ing bumi kuwi luar biasa.
9 Dhèwèké ngendhegké perang ing bumi.+
Dhèwèké ngremuk busur panah lan tombak.
Dhèwèké ngobong kréta-kréta perang.*
10 Dhèwèké kandha, ”Kowé kudu nyerah lan kudu ngerti nèk aku iki Gusti Allah.
Aku bakal diluhurké ing antarané bangsa-bangsa.+
Aku bakal diluhurké ing bumi.”+
11 Yéhuwah pemimpiné pasukan ndhukung awaké dhéwé.+
Gusti Allahé Yakub kuwi panggonan berlindung sing aman.+ (Sela)
Katrangan Tambahan
^ Deloken Daftar Istilah.
^ Utawa ”munthuk; mumpluk”.
^ Utawa ”panggonan dhuwur”.
^ Utawa mungkin ”tamèng-tamèng”.
