Mazmur 31:1-24
Kanggo pemimpin musik. Lagu sing digawé Daud.
31 Oh Yéhuwah, aku nggolèk perlindungan marang Njenengan.+
Aja nganti aku digawé isin.+
Slametna aku merga Njenengan kuwi bener.+
2 Rungokna* aku.
Cepet slametna aku.+
Dadia kaya perlindungan sing ana ing gunung,Lan kaya bèntèng sing nglindhungi aku.+
3 Njenengan kuwi tebing watu lan bèntèngku.+
Njenengan bakal nuntun lan ngarahké+ aku demi jeneng-Mu.+
4 Njenengan bakal mbébaské aku saka jebakan sing didhelikké wong-wong kuwi,+Merga Njenengan bèntèngku.+
5 Uripku tak pasrahké marang Njenengan.+
Oh Yéhuwah, Njenengan Gusti Allah sing setya,+ sing wis nebus aku.
6 Aku sengit banget karo wong sing nyembah brahala sing ora ana gunané.
Tapi aku, aku percaya marang Yéhuwah.
7 Aku bakal ngrasa seneng banget merga Njenengan sayang* karo aku,Njenengan ndelok nèk aku sengsara,+Lan Njenengan ngerti nèk aku susah banget.
8 Njenengan ora nggawé aku dikalahké mungsuh-mungsuhku,Ning Njenengan malah nggawé aku ana ing panggonan sing aman.*
9 Oh Yéhuwah, tulung mesakké aku merga aku susah.
Merga susah banget, awakku kesel+ lan mripatku ora isa ndelok jelas manèh.+
10 Uripku susah terus.+
Sakjegé urip, aku mung sambat.+
Kekuwatanku saya suda merga kesalahanku.
Balungku ora kuwat manèh.+
11 Aku diécé mungsuh-mungsuhku+Lan tangga-tanggaku.
Kenalanku wedi karo aku.
Wektu ndelok aku ing dalan, wong-wong kuwi mlayu.+
12 Aku ora diéling-éling manèh,* aku dianggep wis mati.
Aku kaya wadhah sing rusak.
13 Aku wis krungu wong-wong ngomongké sing ora bener.
Aku wedi merga aku éntuk ancaman saka endi-endi.+
Wong-wong kuwi ngumpul bareng bèn isa nglawan akuLan nduwé rencana matèni aku.+
14 Tapi aku percaya marang Njenengan, oh Yéhuwah.+
Aku kandha, ”Njenengan kuwi Gusti Allahku.”+
15 Uripku ana ing tangan-Mu.
Tulung slametna aku saka mungsuh-mungsuhku lan wong-wong sing nganiaya aku.+
16 Muga-muga Njenengan seneng karo aku.+
Slametna aku merga Njenengan sayang* karo aku.
17 Oh Yéhuwah, aja nganti aku digawé isin wektu aku njaluk tulung marang Njenengan.+
Muga-muga wong jahat digawé isin.+
Muga-muga wong kuwi meneng waé ing Kuburan.*+
18 Muga-muga wong sing seneng ngapusi ora isa ngomong apa-apa manèh,+Yaiku wong sing omongané sombong lan ngrèmèhké wong sing bener.
19 Njenengan kuwi apikan banget.+
Njenengan nyiapké akèh berkah kanggo wong sing wedi marang* Njenengan,+Lan kuwi mbok duduhké ing ngarepé wong akèh marang wong sing nggolèk perlindungan marang Njenengan.+
20 Ing panggonan rahasia-Mu, Njenengan nglindhungi wong-wong kuwi+Saka rencanané wong jahat.
Ing kémah-Mu, Njenengan ndhelikké wong-wong kuwiSaka serangané wong jahat.*+
21 Muga-muga Yéhuwah dipuji,Merga katresnané* marang aku luar biasa+ wektu aku ana ing kutha sing dikepung.+
22 Ning, aku kuwatir banget lan ngomong,”Aku bakal mati ing ngarepmu.”+
Tapi Njenengan ngrungokké wektu aku njaluk tulung marang Njenengan.+
23 Hé kowé wong sing setya marang Dhèwèké, kowé kudu sayang Yéhuwah.+
Yéhuwah nglindhungi wong sing setya,+Ning Dhèwèké mènèhi hukuman sing abot kanggo wong sing sombong.+
24 Hé kowé wong sing percaya marang Yéhuwah,+Kowé kudu kendel lan kuwat.*+
Katrangan Tambahan
^ Utawa ”Mbungkuk lan rungokna”.
^ Utawa ”nduduhké katresnan sing langgeng”. Deloken Daftar Istilah.
^ Utawa ”sing jembar”.
^ Lit.: ”ora ana ing atiné wong-wong kuwi”.
^ Utawa ”nduduhké katresnan sing langgeng”. Deloken Daftar Istilah.
^ Utawa ”Syéol”. Deloken Daftar Istilah.
^ Deloken Daftar Istilah.
^ Lit.: ”Saka ilat sing padu”.
^ Utawa ”katresnané sing langgeng”. Deloken Daftar Istilah.
^ Utawa ”kuwat atimu”.
