Psalmowo 145:1-21
David ƒe kafukafuha.
א [Alef]
145 Oo, nye Mawu, nye Fia, mado wò ɖe dzi,+Makafu wò ŋkɔ ɖaa tegbee.+
ב [Bet]
2 Makafu wò gbe sia gbe;+Makafu wò ŋkɔ ɖaa tegbee.+
ג [Gimel]
3 Yehowa lolo, eye wòdze kafukafu ŋutɔ;+Eƒe gãnyenye me dzodzro meli o.*+
ד [Dalet]
4 Woakafu wò dɔwɔwɔwo tso dzidzime yi dzidzime;Eye woaƒo nu le nu dzɔtsu siwo nèwɔ la ŋu.+
ה [He]
5 Woaƒo nu le wò gãnyenye ƒe atsyɔ̃ ŋu,+Eye made ŋugble le wò nukudɔwo ŋu.
ו [Waw]
6 Woaƒo nu le wò dɔwɔwɔ dziŋɔwo* ŋu;Eye maɖe gbeƒã wò gãnyenye.
ז [Zayin]
7 Woadudu wò nyuiwɔwɔ geɖeawo ŋu nya akɔ ɖi,+Eye woatso aseye le wò dzɔdzɔenyenye ta.+
ח [Het]
8 Yehowa nye veveseɖeamenula* kple nublanuikpɔla,+Medoa dziku kabakaba o, eye eƒe lɔlɔ̃ si nu metsina o la sɔ gbɔ.+
ט [Tet]
9 Yehowa wɔa nyui na amewo katã,+Eye wòkpɔa nublanui na eƒe nuwɔwɔwo katã.
י [Yod]
10 Oo Yehowa, wò nuwɔwɔwo katã ada akpe na wò,+Eye ame siwo wɔa nuteƒe na wò la akafu wò.+
כ [Kaf]
11 Woagblɔ wò fiaɖuɖu ƒe ŋutikɔkɔe ŋu nya,+Eye woaƒo nu le wò ŋusẽ ŋu,+
ל [Lamed]
12 Ne woana amegbetɔviwo nanya wò nu dzɔtsuwo,+Kple wò fianyenye ƒe atsyɔ̃ kple ŋutikɔkɔe.+
מ [Mem]
13 Wò fiaɖuɖu nye fiaɖuɖu si anɔ anyi tegbee,Eye wò dziɖuɖu anɔ anyi tso dzidzime yi dzidzime.+
ס [Samek]
14 Yehowa léa ame siwo katã le anyi dzem la ɖe te,+Eye wòfɔa ame siwo katã wobɔbɔ ɖe anyi la ɖe tsitrenu.+
ע [Ayin]
15 Ŋkuwo katã le asiwò nu kpɔm;Eye nènaa woƒe nuɖuɖu wo ɖe enaɣi.+
פ [Pe]
16 Èʋua wò asi me,Eye nètsɔa nu gbagbewo katã ƒe nudidi ɖia ƒo na woe.+
צ [Tsade]
17 Yehowa ƒe mɔwo katã le dzɔdzɔe,+Eye eƒe nuwɔnawo katã le eteƒe.+
ק [Kof]
18 Yehowa tsɔ ɖe ame siwo katã yɔnɛ la gbɔ,+Ɛ̃, ɖe ame siwo katã yɔnɛ le nyateƒe* me la gbɔ.+
ר [Res]
19 Ewɔa ame siwo vɔ̃nɛ la ƒe didi dzi na wo;+Esea woƒe ɣlidodo, eye wòxɔna na wo.+
ש [Sin]
20 Yehowa kpɔa ame siwo katã lɔ̃nɛ la ta,+Ke atsrɔ̃ ame vɔ̃ɖiwo katã gbidigbidi.+
ת [Taw]
21 Nye nu akafu Yehowa;+Nu gbagbe ɖe sia ɖe* nekafu eƒe ŋkɔ kɔkɔe la ɖaa tegbee.+
Etenuŋɔŋlɔ
^ Alo, “gbɔ míaƒe gɔmesese ŋu.”
^ Alo, “ŋusẽdɔ klitsuwo.”
^ Alo, “ameŋubula.”
^ Alo, “anukware.”
^ Egɔmeɖeɖe tẽe, “Ŋutilãwo katã.”
