Mawu ƒe gbedeasi, alo eƒe nya, ye le Biblia la me na mí egbea. Efiaa ale si míanɔ agbee be míakpɔ dzidzedze kple nu siwo míawɔ be míaƒe nu nadze Mawu ŋu la mí. Eɖo nyabiase siwo gbɔna la hã ŋu:

Biblia nye agbalẽ suesue 66 siwo wotsɔ ƒo ƒui. Womae ɖe akpa eve me: Hebri Kple Aram Ŋɔŋlɔawo (“Nubabla Xoxoa”) kpakple Hela Ŋɔŋlɔawo (“Nubabla Yeyea”). Woma Biblia-gbalẽ ɖe sia ɖe ɖe tawo kple kpukpuiwo me. Ne wofia asi alo yɔ ŋɔŋlɔ aɖe la, xexlẽdzesi gbãtɔ si kplɔ Biblia-gbalẽa ƒe ŋkɔ ɖoe nye ta la, eye xexlẽdzesi si(wo) kplɔ ema ɖoe nye kpukpuia alo kpukpuiawo. Le kpɔɖeŋu me, 1 Mose 1:1 fia Mose Ƒe Agbalẽ Gbãtɔ, ta 1, kpukpui 1.