Psalms 10:1-18
ל [Lamed]
10 Hoekom, o Jehovah, staan u op ’n afstand?
Hoekom verberg u uself in moeilike tye?+
2 In sy hoogmoed sit die goddelose die hulpelose agterna,+maar hy sal gevang word in die planne wat hy uitdink.+
3 Want die goddelose spog oor sy selfsugtige begeertes,+en hy seën die gierige persoon.*
נ [Noen]
Hy het geen respek vir Jehovah nie.
4 Omdat die goddelose hoogmoedig is, stel hy geen ondersoek in nie,en hy dink altyd: “Daar is geen God nie.”+
5 Hy is suksesvol in wat hy doen,+maar hy kan u oordele nie verstaan nie.+
Hy bespot* al sy vyande.
6 Hy sê in sy hart: “Ek sal altyd staande bly.*
Van geslag tot geslagsal ek nooit rampspoed sien nie.”+
פ [Pe]
7 Sy mond is vol vloeke, leuens en dreigemente.+
Onder sy tong is moeilikheid en skadelike dinge.+
8 Hy lê en wag naby die dorpies.
Uit sy wegkruipplek maak hy ’n onskuldige persoon dood.+
ע [Ajin]
Sy oë is op die uitkyk na ’n slagoffer.+
9 Hy wag in sy wegkruipplek soos ’n leeu in sy lêplek.*+
Hy wag om die hulpelose te vang,en hy vang hom wanneer hy sy net toetrek.+
10 Die slagoffer word verpletter en neergegooi,en die ongelukkiges beland in sy sterk kloue.
11 Hy sê in sy hart: “God het vergeet.+
Hy het sy gesig weggedraai.
Hy let nooit op nie.”+
ק [Kof]
12 Staan op, o Jehovah.+ O God, lig u hand op.+
Moenie die hulpeloses vergeet nie.+
13 Hoekom het die goddelose geen respek vir God nie?
Hy sê in sy hart: “U sal my nie verantwoordelik hou nie.”
ר [Resj]
14 Maar u sien wel wanneer daar moeilikheid en lyding is.
U kyk en u doen iets daaromtrent.+
Die slagoffer kom na u toe.+
U is die helper van die weeskind.*+
ש [Sjin]
15 Breek die arm van die goddelose en slegte mens,+sodat u sy goddeloosheid nie meer sal vindwanneer u daarna soek nie.
16 Jehovah is Koning vir ewig en altyd.+
Die nasies het van die aarde af verdwyn.+
ת [Tau]
17 Maar u sal die versoek van die nederiges hoor, o Jehovah.+
U sal hulle hart versterk+ en noukeurig aan hulle aandag skenk.+
18 U sal geregtigheid gee aan die weeskinders en dié wat verpletter is,+sodat die sterflike mens van die aarde hulle nie meer sal bang maak nie.+
Voetnote
^ Of moontlik “die gierige persoon seën homself”.
^ Of “blaas teen”.
^ Of “nooit wankel nie”.
^ Of “bos”.
^ Lett. “vaderlose seun”.
