Mga Salmo 77:1-20
Para ha direktor han Jedutun.* Salmo ni Asap.+ Usa nga kanta.
77 Pinaagi han akon tingog mangangaraba ako ha Dios;Ha Dios mangangaraba ako, ngan mamamati hiya ha akon.+
2 Ha adlaw nga ako nagsasakit namimiling ako kan Jehova.+
Ha gab-i padayon* nga gin-aalsa ko an akon mga kamot ngadto ha iya ha pag-ampo.
Diri ako* naliliaw.
3 Kon nahinunumdom ako ha Dios, naghaharoy ako;+Nababaraka ako ngan nanluluya ako.*+ (Selah)
4 Imo ginpugngan nga diri pumiyong an akon mga mata;Diri ako namumurayaw ngan diri nakakayakan.
5 Ginhunahuna ko an mga adlaw ha nag-agi nga mga panahon,+An mga tuig nga maiha na nga naglabay.
6 Ha gab-i nahinunumdoman ko an akon kanta;*+
Namamalandong ako ha akon kasingkasing;+Maduruto nga nag-uusisa ako.*
7 Isasalikway ba kita ni Jehova ha kadayonan?+
Diri na gud ba niya ipapakita utro an iya pagkabuotan?+
8 An iya ba maunungon nga gugma nawara na ha kadayonan?
An iya ba saad diri na matutuman ha ngatanan nga henerasyon?
9 Nahingalimot ba an Dios ha pagpakita han iya pagkabuotan,+O tungod ba han iya kasina nawara na an iya kalooy? (Selah)
10 Kinahanglan ba pirme ako magsiring: “Ini an nagpapasakit ha akon:*+
An Gihitaasi nagbag-o han iya pagtratar* ha aton”?
11 Hinunumdoman ko an mga buhat ni Jah;Hinunumdoman ko an imo urusahon nga mga buhat hadto nga panahon.
12 Ngan akon papamalandungon an ngatanan nga imo ginbubuhat
Ngan huhunahunaon ko an imo mga buhat.+
13 O Dios, baraan an imo mga paagi.
Ano nga dios an sugad kaharangdon ha imo, O Dios?+
14 Ikaw an tinuod nga Dios, nga nagbubuhat hin urusahon nga mga butang.+
Imo iginpakita ha mga katawohan an imo kusog.+
15 Pinaagi han imo gahum* imo gintalwas* an imo katawohan,+An mga anak ni Jacob ngan ni Jose. (Selah)
16 An katubigan nakakita ha imo, O Dios;An katubigan nakakita ha imo ngan nakutaw.+
Ngan an hilarom nga katubigan waray mahimurayaw.
17 An mga dampog nagbuhos hin tubig.
An madampog nga kalangitan nagdalugdog,Ngan an imo mga pana nagkalupad ngadto-nganhi.+
18 An tunog han imo dalugdog+ pariho han mga kaliding han karuwahe;An mga idlap han kidlat nakalamrag han inuukyan nga tuna;*+
Nangurog ngan nabay-og an tuna.+
19 An imo dalan nalatas ha kadagatan,+An imo aragian nalatas ha damu nga katubigan;Pero an lutop* han imo mga tiil diri nasusulsog.
20 Imo gintugwayan an imo katawohan pariho hin panon,+Ha pag-ataman* nira Moises ngan Aaron.+
Mga footnote
^ Lit., “namamanhod.”
^ O “an akon kalag.”
^ Lit., “an akon espiritu nadidismayo.”
^ Lit., “an akon espiritu.”
^ O “musika han instrumento nga may kwerdas.”
^ Lit., “too nga kamot.”
^ O “nagbubuno ha akon.”
^ Lit., “butkon.”
^ Lit., “gintubos.”
^ O “han mabungahon nga tuna.”
^ Ha iba nga lugar, “tiagi.”
^ Lit., “Pinaagi han kamot.”
