Mga Salmo 46:1-11
Para ha direktor. Salmo han mga anak ni Kora.+ Uyon ha Alamot nga estilo.* Usa nga kanta.
46 An Dios amo an aton arayopan ngan kusog,+Andam pirme bumulig ha mga panahon han kasakitan.+
2 Salit diri kita mahahadlok, bisan pa magkaada pagbag-o an tuna,Bisan pa an kabukiran matimpag ngadto ha kahiladman han dagat,+
3 Bisan pa maghagubuhob ngan magbura an katubigan hito,+Bisan pa mabay-og an kabukiran tungod han dagku nga mga balud hito. (Selah)
4 May salog nga an mga sanga hito nakakapalipay gud ha syudad han Dios,+An baraan ngan harangdon nga tabernakulo han Gihitaasi.
5 An Dios aada ha syudad;+ diri ito mapipirde.
Bubuligan ito han Dios ha pagpamanagbanag ha kaagahon.+
6 An mga nasud nagsaramok, an mga ginhadian napirde;Iya gindaku an iya tingog, ngan an tuna natunaw.+
7 Hi Jehova han mga hugpo kaupod naton;+An Dios ni Jacob amo an aton talwas nga arayopan.* (Selah)
8 Kadi ngan kitaa an mga ginbubuhat ni Jehova,Kon paonan-o hiya nagbubuhat hin urusahon nga mga butang ha tuna.
9 Iya ginpapaundang an mga girra ha bug-os nga tuna.+
Iya ginbabari an pana ngan gin-uutod-utod an bangkaw;Iya ginsusunog ha kalayo an mga karomata* han kasundalohan.
10 “Magpasakop ngan kilalaha nga ako an Dios.
Pahihitas-on ako ha mga nasud;+Pahihitas-on ako ha tuna.”+
11 Hi Jehova han mga hugpo kaupod naton;+An Dios ni Jacob usa nga talwas nga arayopan para ha aton.+ (Selah)
