Mga Salmo 37:1-40
Salmo ni David.
א [Aleph]
37 Ayaw kaaringit* tungod han magraot nga mga tawo
O kaawa ha mga magburuhat hin sala.+
2 Malalaya dayon hira pariho hin banwa+Ngan mauuga pariho hin berde nga banwa nga natubo pa la.
ב [Beth]
3 Sarig kan Jehova ngan buhata an maopay;+Ukoy ha tuna, ngan magin matinumanon.+
4 Magmalipayon ka hinduro tungod kan Jehova,Ngan ihahatag niya ha imo an mga hingyap han imo kasingkasing.
ג [Gimel]
5 Isarig* kan Jehova an imo pagkinabuhi;+Sarig ha iya, ngan magios hiya para ha imo.+
6 Iya pasasanagon an imo pagkamatadong pariho han pagsirang han adlaw,Ngan an imo hustisya pariho han adlaw ha kaudtuhon.
ד [Daleth]
7 Magpabilin nga hilom ha atubangan ni Jehova+
Ngan may kaikag* nga maghulat ha iya.
Ayaw kaaringit tungod ha tawoNga naglalampos pagtuman han iya mga plano.+
ה [He]
8 Ayaw na kasina ngan bayai an kapungot;+Ayaw kaaringit nga tungod hito magbubuhat ka hin maraot.*
9 Kay an magraot nga mga tawo pagwawad-on,+Pero an mga naglalaom kan Jehova magtatag-iya han tuna.+
ו [Waw]
10 Diri na mag-iiha, ngan an magraot mawawara na;+Imo kikitaon an ira hinmumutangan,Pero waray na hira didto.+
11 Pero an mga maaghop magtatag-iya han tuna,+Ngan magmamalipayon hira hinduro tungod han hura nga kamurayawan.+
ז [Zayin]
12 An maraot nga tawo nagpaplano kontra ha matadong;+Nanngingigot hiya han iya mga ngipon kontra ha iya.
13 Pero pagtataw-an hiya ni Jehova,Kay maaram Hiya nga maabot an iya adlaw.+
ח [Heth]
14 Ginhuhulbot han magraot an ira mga espada ngan gin-aandam* an ira mga bawogBasi tumbahon an mga tinalumpigos ngan an mga pobre,Basi patayon an mga nagawi hin matadong.
15 Kondi an ira espada magbubuno han ira mismo kasingkasing;+An ira mga bawog mababari.
ט [Teth]
16 Mas maopay an gutiay han usa nga matadongKay han kahuraan han damu nga magraot.+
17 Kay an mga butkon han magraot mababari,Pero bubuligan ni Jehova an magtadong.
י [Yod]
18 Maaram hi Jehova han naieksperyensyahan han mga waray ikasaway,*Ngan an ira panurundon magpapadayon ha waray kataposan.+
19 Diri hira mahibubutang ha kaarawdan ha panahon han kadaot;Ha panahon han gutom magkakaada hira hin damu nga makakaon.
כ [Kaph]
20 Kondi an magraot mapupoo;+An mga kaaway ni Jehova mawawara sugad hin magrabong nga mga panabsaban;Mawawara hira pariho hin aso.
ל [Lamed]
21 An maraot nga tawo nangungutang ngan diri nabayad,Pero an matadong nga tawo mahinatagon* ngan mapinairon.+
22 An Iya mga ginbendisyonan magtatag-iya han tuna,Pero an Iya mga iginsumpa pagwawad-on.+
מ [Mem]
23 Gin-gigiyahan* ni Jehova an mga pitad han usa nga tawo+
Kon nalilipay Hiya ha iya panggawi.+
24 Bisan kon mahipakdol hiya, diri hiya mahipapakulob,+Kay ginkakaptan ni Jehova an iya kamot.+
נ [Nun]
25 Hadto batan-on pa ako ngan yana lagas na ako,Pero waray ako nakita nga bisan hin-o nga matadong nga ginpabay-an,+Waray liwat magpinamiling hin tinapay* an iya mga anak.+
26 Pirme hiya mapinairon nga nagpapahuram,+Ngan an iya mga anak makarawat hin bendisyon.
ס [Samekh]
27 Bayai an maraot ngan buhata an maopay,+Ngan magpapabilin ka ha kadayonan.
28 Kay hi Jehova nahigugma han hustisya,Ngan diri niya babayaan an mga maunungon ha iya.+
ע [Ayin]
Pirme hira babantayan;+Pero an katulinan han magraot pagwawad-on.+
29 An magtadong magtatag-iya han tuna,+Ngan maukoy hira dida ha waray kataposan.+
פ [Pe]
30 An baba han matadong nga tawo nagsusumat han kinaadman,*Ngan an iya dila nagyayakan mahitungod han hustisya.+
31 An balaud han iya Dios aada ha iya kasingkasing;+Diri hiya mag-aalang ha iya pagpitad.+
צ [Tsade]
32 An maraot nagbibinantay ha matadong,Namimiling hin higayon ha pagpatay ha iya.
33 Pero diri hiya itutubyan ni Jehova ha kamot hiton maraot nga tawo+O diri hiya mapapamatud-an nga salaan kon hukman hiya.+
ק [Qoph]
34 Laom kan Jehova ngan sunda an iya dalan,Ngan pahihitas-on ka niya basi magtag-iya han tuna.
Kon pagwad-on an magraot,+ makikita mo ito.+
ר [Resh]
35 Nakita ko an mapintas ngan maraot nga tawoNga nag-uuswag pariho hin marampag nga kahoy ha tuna nga ginturokan hito.+
36 Kondi tigda la nga namatay hiya ngan nawara;+Ginpinamiling ko hiya, pero waray ko hiya maagii.+
ש [Shin]
37 Tan-awa an tawo nga waray ikasaway,*Ngan pirme kitaa an tawo nga matadong,+Kay an kabubuwason hito nga tawo magigin mamurayawon.+
38 Pero an ngatanan nga paratalapas pupoohon;An magraot nga katawohan waray kabubuwason.+
ת [Taw]
39 An katalwasan han magtadong tikang kan Jehova;+Hiya an ira kuta ha panahon han kasakitan.+
40 Bubuligan hira ni Jehova ngan sasalbaron hira.+
Iya hira sasalbaron tikang ha magraot ngan tatalwason hira,Kay naayop hira ha iya.+
Mga footnote
^ O “kaurit.”
^ Lit., “Ipakaliding.”
^ O “mapailubon.”
^ O posible nga “Ayaw kaaringit, kay magriresulta la ito ha kadaot.”
^ O “gintataoran hin higot.”
^ Lit., “han mga adlaw han mga waray ikasaway.”
^ O “mabinuligon.”
^ O “Ginpaparig-on.”
^ O “pagkaon.”
^ O “nagyayakan han kinaadman ha gutiay nga tingog.”
^ O “an tawo nga nagtitipig han integridad.”
