Mga Salmo 103:1-22
Salmo ni David.
103 Dadayawon ko* hi Jehova;An ngatanan nga aadi ha akon magdadayaw han iya baraan nga ngaran.
2 Dadayawon ko* hi Jehova;Diri ko gud unta hingalimtan an ngatanan nga iya ginbuhat.+
3 Iya ginpapasaylo an ngatanan mo nga sayop+Ngan gintatambal an ngatanan mo nga sakit;+
4 Iya ginbabawi an imo kinabuhi tikang ha buho*+
Ngan ginkukoronahan ka han iya maunungon nga gugma ngan kalooy.+
5 Gintatagbaw ka niya han mag-opay nga mga butang+ ha bug-os mo nga kinabuhi,Basi an imo pagkabatan-on nababag-o pariho hin agila.+
6 Hi Jehova nagbubuhat uyon ha katadongan+ ngan hustisya
Para ha ngatanan nga gintatalumpigos.+
7 Iya iginpahibaro kan Moises an iya mga dalan,+An iya mga buhat ha mga anak ni Israel.+
8 Hi Jehova maloloy-on ngan mapinairon,*+
Diri madagmit masina ngan hura hin maunungon nga gugma.*+
9 Diri hiya pirme mamimiling hin sayop,+Diri liwat hiya magpapabilin nga nasisina ha kadayonan.+
10 Waray kita niya tratara uyon ha aton mga sala,+Waray liwat kita niya siruti han angay para ha aton mga sayop.+
11 Kay sugad nga an langit mas hitaas kay han tuna,Daku hinduro an iya maunungon nga gugma ha mga may kahadlok ha iya.+
12 Pariho han kahirayo han ginsisirangan han adlaw ha gintutunoran hito,Sugad kahirayo niya iginbubulag tikang ha aton an aton mga pagtalapas.+
13 Sugad hin tatay nga nagpapakita hin kalooy ha iya mga anak,Hi Jehova nagpakita hin kalooy ha mga may kahadlok ha iya.+
14 Kay maaram gud hiya kon paonan-o kita ginhimo,+Nahinunumdom nga tapotapo kita.+
15 Mahitungod han mortal nga tawo, an iya mga adlaw pariho hin mga banwa;+Pariho hiya hin bukad ha kapatagan nga nabuklad hin madaliay.+
16 Pero kon nahuyop an hangin, nawawara ito,Nga baga hin waray ito tumubo dida.*
17 Pero an maunungon nga gugma ni Jehova tubtob ha kadayonan*Para ha mga may kahadlok ha iya,+Ngan an iya pagkamatadong para ha mga anak han ira mga anak,+
18 Para ha mga nagtutuman han kasabotan nga iya ginhimo+Ngan ha mga nasunod hin maopay ha iya mga sugo.
19 Marig-on nga gin-establisar ni Jehova an iya trono ha mga langit;+Ngan an iya pagkahadi nagmamando ha ngatanan.+
20 Dayawa hi Jehova, kamo ngatanan niya nga anghel,+ nga gamhanan hinduro,Nga nagtutuman han iya pulong+ ngan nasugot ha iya tingog.*
21 Magdayaw kan Jehova, an ngatanan niya nga sundalo,+An iya mga ministro nga nagbubuhat han iya kaburut-on.+
22 Magdayaw kan Jehova, an ngatanan niya nga linarang,Ha ngatanan nga lugar nga iya ginmamandoan.*
Dadayawon han akon bug-os nga pagkatawo* hi Jehova.
Mga footnote
^ O “han akon kalag.”
^ O “han akon kalag.”
^ O “lubnganan.”
^ O “makonsiderasyon.”
^ O “mahigugmaon nga pagkabuotan.”
^ Lit., “Ngan diri na ito kilala han gintuboan hito.”
^ O “tikang ha waray tinikangan tubtob ha waray kataposan.”
^ Lit., “namamati han tingog (tunog) han iya pulong.”
^ O “mga lugar nga sakop han iya pagkasoberano.”
^ O “han akon kalag.”
