Mga Proberbios 8:1-36
8 Diri ba nagtatawag an kinaadman?
Diri ba gindadaku han maopay nga pagturotimbang an tingog hito?+
2 Ha higtaas nga mga lugar+ ha ligid han dalan,Napwesto ito ha gintatapoan han mga dalan.
3 Ha sapit han mga ganghaan tipasulod ha syudad,Ha mga aragian tipakadto ha mga purtahan,Naggiginuliat ito hin makusog:+
4 “O katawohan, nagtatawag ako ha iyo;Gindadaku ko an akon tingog ha ngatanan.*
5 Kamo nga mga waray eksperyensya, hibaroi niyo an pagin maikmat;+Kamo nga mga diri maaramon, pagkaada kamo hin masinabuton nga kasingkasing.*
6 Pamati kamo, kay importante an akon ginsisiring,An akon mga im-im nagyayakan han tama;
7 Kay ha mahinay nga tingog an akon baba nagyayakan han kamatuoran,Ngan an akon mga im-im nangangalas ha karaotan.
8 Matadong an ngatanan nga ginsisiring han akon baba.
Waray bisan usa hito an birikis o baliko.
9 Ito ngatanan tadong ha tawo nga masinabuton
Ngan tama ha mga nakaagi hin kahibaro.
10 Pilia an akon disiplina imbes nga an silber,Ngan an kahibaro imbes nga an pinakamaopay nga klase hin bulawan,+
11 Kay an kinaadman mas maopay kay ha mga korales;*An ngatanan nga iba pa nga makaruruyag nga mga butang diri maipapariho hito.
12 Ako, an kinaadman, naukoy kaupod han pagin maikmat;Naagian ko an kahibaro ngan an abilidad ha paghunahuna.+
13 An kahadlok kan Jehova nangangahulogan han kangalas ha maraot.+
Nangangalas ako ha pagdayaw ha kalugaringon ngan ha pagpahitaas+ ngan ha maraot nga pagkinabuhi ngan ha malimbong nga panyakan.+
14 May-ada ako maopay nga sagdon ngan praktikal nga kinaadman;+Akon an pagsabot+ ngan an gahum.+
15 Pinaagi ha akon an mga hadi padayon nga naghahadi,Ngan an higtaas nga mga opisyal naghihimo hin magtadong nga mga balaud.+
16 Pinaagi ha akon an mga prinsipe padayon nga nagmamando,Ngan an mga dungganon naghuhukom ha matadong nga paagi.
17 Nahigugma ako ha mga nahigugma ha akon,Ngan an mga namimiling ha akon makakaagi ha akon.+
18 Aadi ha akon an karikohan ngan an dungog,An nagpapadayon nga bahandi* ngan an katadongan.
19 An akon iginriregalo mas maopay kay ha bulawan, bisan ha ginpurog nga bulawan,Ngan an akon iginhahatag ha iyo mas maopay kay ha pinakamaopay nga klase hin silber.+
20 Naglalakat ako ha dalan han katadongan,Ha butnga han mga aragian han hustisya;
21 Naghahatag ako hin hura nga panurundon ha mga nahigugma ha akon,Ngan akon ginpupuno an ira mga bodega.
22 Ginhimo ako ni Jehova sugad nga an tinikangan han iya mga binuhat,+An siyahan han iya mga ginbuhat maiha na nga panahon an naglabay.+
23 Iginbutang ako tikang pa ha kadaan nga mga panahon,*+Tikang pa ha tinikangan, tikang ha mga panahon nga waray pa an tuna.+
24 Han waray pa hilarom nga katubigan,+ ginhimo ako,*Han waray pa mga burabod nga makusog nga nag-aawas hin tubig.
25 Antes pa ipahamutang an kabukiran,Antes pa an mga bungtod, ginhimo ako,
26 Han waray pa niya himoa an tuna ngan an mga kapatagan hitoO an siyahan nga mga pudyot han tuna ha kalibotan.
27 Han iya igin-andam an kalangitan,+ nakadto ako;Han nagbutang hiya hin tubtoban* ha butnga han langit ngan han kadagatan,+
28 Han an mga dampog iya iginpahamutang* ha igbaw,Han iya ginhimo an mga burabod han kahiladman,
29 Han naghimo hiya hin balaud para ha dagatNga an katubigan hito kinahanglan diri lumahos ha iya ginsiring,+Han iya iginpahamutang an mga pundasyon han tuna,
30 Hito nga panahon nakada ako ha sapit niya sugad nga eksperto nga magburuhat.+
Ako an iya gud nalilipayan+ kada adlaw;Malipayon ako ha atubangan niya ha ngatanan nga panahon;+
31 Nalipay ako ha iya tuna nga uukyan han mga tawo,Ngan nalipay gud ako ha mga anak han mga tawo.*
32 Ngan yana, mga anak ko, pamatii ako;Oo, malipayon an mga naglalakat ha akon mga dalan.
33 Pamati ha disiplina+ ngan magin maaramon,Ngan ayaw gud ito igbalewaray.
34 Malipayon an tawo nga namamati ha akonPinaagi ha pag-abot hin temprano* ha akon mga purtahan kada adlaw,Pinaagi ha paghinulat ha sapit han mga hamba han akon purtahan;
35 Kay an tawo nga nakakaagi ha akon makakaagi han kinabuhi,+Ngan nakakarawat niya an pag-uyon ni Jehova.
36 Pero an tawo nga nagbabalewaray ha akon nagdadaot ha iya kalugaringon,*Ngan an mga nangangalas ha akon nahigugma han kamatayon.”+
Mga footnote
^ Lit., “ha mga anak nga lalaki han mga tawo.”
^ Lit., “sabota an kasingkasing.”
^ O “napanunod nga mga prinsipyo.”
^ O “tikang pa ha panahon nga diri na nahinunumdoman.”
^ O “igin-anak ako nga sugad hin may mga kaul-ol ha pagbatî.”
^ Lit., “sirkulo.”
^ Lit., “ginparig-on.”
^ O “ha katawohan.”
^ O “Pinaagi ha pagpabilin nga nagmamata.”
^ O “iya kalag.”
