Mga Proberbios 24:1-34
24 Ayaw kaawa ha magraot nga mga tawo,Ngan ayaw hingyapa an pakig-upod ha ira,+
2 Kay kamadarahog an ginpapamalandong han ira kasingkasing,Ngan kasamok an ginyayakan han ira mga im-im.
3 Pinaagi han kinaadman an usa nga balay* natutukod,+Ngan pinaagi han husto nga pagturotimbang ginpaparig-on ito.
4 Pinaagi han kahibaro an mga kwarto hito ginpupunoHan ngatanan nga klase hin birilhon ngan makaruruyag nga mga bahandi.+
5 An maaramon nga tawo gamhanan,+Ngan pinaagi han kahibaro nadudugangan an gahum han usa nga tawo.
6 Pinaagi han maopay nga sagdon* bubuhaton mo an imo pakiggirra,+Ngan pinaagi han damu nga magsaragdon may-ada kadaogan.*+
7 An tinuod nga kinaadman imposible makuha han lurong;+Waray hiya maiyayakan ha ganghaan han syudad.
8 An bisan hin-o nga nagpaplano hin maraotTatawagon nga eksperto nga paraplano hin maraot.+
9 An linurong nga mga plano* sala,Ngan ginkakangalasan han mga tawo an usa nga paratamay.+
10 Kon manluya ka ha adlaw han kasakitan,*Magigin gutiay gud an imo kusog.
11 Talwasa an mga tawo nga gindadara ha kamatayon,Ngan hawiri adton mga nagpaparadingpading ngadto ha paratayan.+
12 Kon sumiring ka, “Pero diri kami maaram mahitungod hini,”
Diri ba Hiya nga nag-uusisa han mga kasingkasing* maaram hini?+
Oo, Hiya nga nagbabantay ha imo* mahibabaroNgan mabalos ha tagsa nga tawo sumala ha iya ginbubuhat.+
13 Anak ko, kaon hin dugos, kay maopay ito;An dugos nga tikang ha udlan matam-is ha panrasa.
14 Ha pariho nga paagi, hibaroi nga an kinaadman maopay para ha imo.*+
Kon maagian mo ito, magkakaada ka kabubuwasonNgan an imo paglaom diri mawawara.+
15 Ayaw paghulat nga nakatago hirani ha balay han matadong nga tawo nga may maraot ka nga katuyoan;Ayaw rub-a an iya lugar nga pahuwayan.
16 Kay an matadong nga tawo bangin matumba hin pito ka beses, ngan mabuhát hiya utro,+Pero an magraot mahipapakdol tungod han karat-an.+
17 Kon matumba an imo kaaway, ayaw pagrayhak,Ngan kon mahipakdol hiya, ayaw kalipay ha imo kasingkasing;+
18 Kay kon malipay ka, makikita ito ni Jehova ngan masusubo hiya,Ngan diri na Hiya masisina ha iya.*+
19 Ayaw kaaringit* tungod han magraot nga mga tawo;Ayaw kaawa ha magraot nga mga tawo,
20 Kay waray kabubuwason an bisan hin-o nga maraot;+An lampara han magraot mapaparong.+
21 Anak ko, kahadluki hi Jehova ngan an hadi.+
Ngan ayaw pakig-upod-upod ha mga rebelde,*+
22 Kay an ira karat-an tigda nga maabot.+
Hin-o an maaram kon ano nga kadaot an dadad-on nira* ngada ha ira?+
23 Ini nga mga puplunganon kanan mga maaramon liwat:
An paghukom nga may pagdapig diri maopay.+
24 An bisan hin-o nga nasiring ha maraot nga tawo, “Matadong ka,”+
Igsusumpa han mga katawohan ngan panhihimarauton han mga nasud.
25 Pero maghihingaopay an mga tawo nga nagsasaway ha iya;+An mga bendisyon nga puno hin mag-opay nga mga butang maabot ha ira.+
26 Hahadkan han mga tawo an mga im-im han tawo nga nabaton hin tangkod.*+
27 Andama an imo mga buruhaton ha gawas, ngan ig-andam an ngatanan ha uma;Katapos, tukora an imo balay.*
28 Ayaw pagtestigo kontra ha imo igkasi-tawo hin waray mga basihan.+
Ayaw gamita an imo mga im-im ha paglimbong ha iba.+
29 Ayaw pagsiring: “Bubuhaton ko ha iya an iya ginbuhat ha akon;Mabulos ako ha iya tungod han iya ginbuhat.”*+
30 Linabay ako ha uma han hubya nga tawo,+Ha urubasan han tawo nga waray maopay nga panhunahuna.*
31 Nakita ko nga ginpanuboan na ito hin mga banwa;An tuna naputos hin tunukon nga mga tanom,Ngan an pader nga bato hito narumpag na.+
32 Naobserbaran ko ito ngan ginpamalandong ito;Nakita ko ito ngan hinbaroan ini nga leksyon:*
33 An gutiay nga pagkaturog, an gutiay nga pagpiyong,An gutiay nga pagtákop han mga kamot basi pumahuway,
34 Magdadara ha imo ha kapobrehan pariho han pag-abot hin tulisan,Ngan magdadara ha imo ha kakulangan pariho han pag-abot hin armado nga tawo.+
Mga footnote
^ O “panimalay.”
^ O “maaramon nga giya.”
^ O “kalamposan; katalwasan.”
^ O “An mga plano han usa nga lurong.”
^ O “ha mga panahon han kakurian.”
^ O “mga motibo.”
^ O “imo kalag.”
^ O “matam-is ha imo kalag.”
^ Karuyag sidngon, an kaaway.
^ O “kaurit.”
^ O “ha mga naruruyag hin pagbag-o.”
^ Karuyag sidngon, hi Jehova ngan an hadi.
^ O posible nga “An pagbaton hin direkta pariho hin pagharok.”
^ O “parig-ona an imo panimalay.”
^ O “Ibabalik ko ha iya an iya ginbuhat.”
^ O “nga an kasingkasing waray maopay nga pagturotimbang.”
^ Lit., “ginkarawat ko an disiplina:”