Mga Proberbios 19:1-29
19 Mas maopay na la nga magin pobre ngan maglakat nga may integridad+Kay ha magin lurong ngan magyakan hin mga buwa.+
2 An tawo* nga waray kahibaro diri maopay,+Ngan an tawo nga nagios nga diri anay naghuhunahuna* nakakasala.
3 An kalugaringon nga kalurongan han usa nga tawo an nagbabaliko han iya dalan,Ngan an iya kasingkasing nasisina gud kan Jehova.
4 An mga bahandi nakakadani hin damu nga sangkay,Pero an pobre nga tawo babayaan bisan han iya sangkay.+
5 An buwaon nga testigo diri makakalikay ha sirot,+Ngan an tawo nga nagbubuwa ha tagsa niya nga pagginhawa diri makakatalwas.+
6 Damu an nagtitinguha han pag-uyon han dungganon* nga tawo,Ngan an ngatanan nakikigsangkay ha tawo nga nanhahatag hin mga regalo.
7 An pobre nga tawo ginkakangalasan han ngatanan niya nga kabugtoan;+Labi na gud nga ginlilikyan hiya han iya kasangkayan!+
Naghihinangyo hiya ha ira, pero waray namamati.
8 An bisan hin-o nga nagkakaada hin maopay nga panhunahuna* nahigugma ha iya kalugaringon.*+
An bisan hin-o nga nagtitipig hin husto nga pagturotimbang maglalampos.*+
9 An buwaon nga testigo diri makakalikay ha sirot,Ngan an tawo nga nagbubuwa ha tagsa niya nga pagginhawa mahahanaw.+
10 Diri naangay ha usa nga lurong an magarbo nga pagkinabuhi;Labi na gud nga diri naangay ha usa nga surugoon an pagmando ha mga prinsipe!+
11 An hilarom nga pagsabot han usa nga tawo nabulig ha iya nga diri masina dayon,+Ngan nakakapatahom ha iya an pagpalabay hin sayop.*+
12 An duro nga kasina han hadi pariho han pagngurob hin leon,+Pero an iya pag-uyon pariho han tun-og ngada ha mga tanom.
13 An lurong nga anak naghahatag hin kakurian ha iya tatay,+Ngan an makiawayon* nga asawa pariho hin atop nga diri gud naundang* pagtinuro.+
14 An balay ngan an mga bahandi napapanunod tikang ha mga tatay,Pero an maaramon nga asawa tikang kan Jehova.+
15 An kahubya nagpapahinabo hin hilarom nga pagkaturog,Ngan an tawo* nga mahinay gumios magugutom.+
16 An tawo nga nasugot han sugo nagtitipig han iya kinabuhi;*+An tawo nga diri naghihirot ha iya mga dalan mamamatay.+
17 An nagpapakita hin pagkabuotan ha ubos nga tawo nagpapautang kan Jehova,+Ngan Iya hiya babaydan* tungod han iya ginbubuhat.+
18 Disiplinaha an imo anak samtang may paglaom pa,+Ngan ayaw pagin hinungdan han* iya kamatayon.+
19 An tawo nga mapaso an ulo magmumulta;Kon mangalimbasog ka pagtalwas ha iya, kinahanglan buhaton mo ito hin pauroutro.+
20 Pamati ha sagdon ngan karawata an disiplina,+Basi magin maaramon ka ha imo tidaraon.+
21 Damu an mga plano ha kasingkasing han usa nga tawo,Pero an kaburut-on* ni Jehova amo an matutuman.+
22 An makaruruyag ha usa nga tawo amo an iya maunungon nga gugma;+Ngan mas maopay na la nga magin pobre kay ha magin buwaon.
23 An kahadlok kan Jehova nagriresulta hin kinabuhi;+An tawo nga may-ada hito makakapahuway hin maopay, nga talwas ha maraot nga panhitabo.+
24 Iginbubutang han hubya nga tawo an iya kamot dida ha yahong* para ha panagtawo,Pero ultimo paghungit hito ha iya baba diri niya ginbubuhat.+
25 Siruti an paratamay,+ basi magin maaramon an tawo nga waray eksperyensya,+Ngan sawaya an masinabuton nga tawo, basi madugangan an iya kahibaro.+
26 An nagmamaltrato ha iya tatay ngan nagpapaiwas ha iya nanayUsa nga anak nga nagigin hinungdan han kaalohan ngan kaarawdan.+
27 Anak ko, kon umundang ka ha pagpamati ha disiplina,Mahisisimang ka tikang ha mga pulong nga puno hin kahibaro.
28 An waray pulos nga testigo nagmiminos han hustisya,+Ngan an baba han magraot nagtutulon han karaotan.+
29 May naghuhulat nga sirot ha mga paratamay,+Ngan mga pagkastigo ha likod han mga lurong.+
Mga footnote
^ O “kalag.”
^ Lit., “nga nagdadagmit an mga tiil.”
^ O “mahinatagon.”
^ O “iya kalag.”
^ Lit., “makakaagi hin kaopayan.”
^ Lit., “hin kasingkasing.”
^ O “pagtalapas.”
^ O “reklamador.”
^ Ha iba nga lugar, “natuko.”
^ O “kalag.”
^ O “kalag.”
^ O “babalosan.”
^ O “ayaw hingyapa an.” Lit., “ayaw ig-alsa an imo kalag ha.”
^ O “katuyoan.”
^ Ha iba nga lugar, “makaong; uhataw.”