Mga Proberbios 18:1-24
18 An bisan hin-o nga nagbubulag han iya kalugaringon nagbubuhat han iya makikalugaringon nga mga hingyap;Iya iginsasalikway* an ngatanan nga praktikal nga kinaadman.
2 An lurong nga tawo diri nalilipay ha pagsabot;Mas karuyag lugod niya igsumat an aada ha iya kasingkasing.+
3 Kon naabot an maraot nga tawo, naabot liwat an pagtamay,Ngan kaupod han makaarawod nga panggawi an kaalohan.+
4 An mga pulong ha baba han usa nga tawo hilarom nga katubigan.+
An burabod han kinaadman usa nga nag-aawas nga sapa.
5 Diri maopay an pagpakita hin pagpaurog ha maraot nga tawo+
O an diri paghatag hin hustisya ha matadong nga tawo.+
6 An panyakan han lurong nga tawo nagriresulta hin mga away,+Ngan an iya baba nag-aaghat hin pagkastigo.+
7 An baba han lurong an iya ikakadaot,+Ngan an iya mga im-im usa nga bitik ha iya kinabuhi.*
8 An mga pulong han usa nga parapakaraot pariho hin magrasa nga mga pagkaon;*+Gintutulon ito nga diretso ha tiyan.+
9 An bisan hin-o nga hubya ha iya trabaho
Bugto han tawo nga nagpapahinabo hin kadaot.+
10 An ngaran ni Jehova marig-on nga torre.+
An matadong nga tawo nadangop dida hito ngan napuproteksyonan.*+
11 An bahandi han riko amo an iya pinader nga syudad;Ha iya imahinasyon pariho ito hin nagpapanalipod nga pader.+
12 Antes han kapukan an kasingkasing han usa nga tawo mapahitas-on,+Ngan antes han kadungganan aada an pagkamapainubsanon.+
13 Kon an bisan hin-o nabaton dayon nga diri anay namamati,Usa ito nga kalurongan ngan kaarawdan.+
14 An marig-on nga espiritu han usa nga tawo makakabulig ha iya nga mailob an sakit,+Pero hin-o an makakailob hin rumok nga espiritu?*+
15 An kasingkasing han masinabuton nga tawo nagkukuha hin kahibaro,+Ngan an talinga han mga maaramon nangangalimbasog ha pamiling hin kahibaro.
16 An regalo han usa nga tawo naghahatag ha iya hin mga oportunidad;+Tungod hito nakakadaop hiya ha prominente nga mga tawo.
17 An tawo nga siyahan nga mag-istorya han iya kaso baga hin amo an husto,+Tubtob nga umabot an iya kakontra ngan imbistigaron* hiya.+
18 An pagripa nagtatapos han mga pagdiskusyon+Ngan nagtutuhay* han marig-on nga magkakontra.
19 An bugto nga nabuhatan hin sala mas matig-a pa kay ha pinader nga syudad,+Ngan may mga diskusyon nga pariho han mga trangka hin kuta.+
20 An tiyan han usa nga tawo mapupuno pinaagi han bunga han iya panyakan;*+Mabubusog hiya ha bunga han iya mga im-im.
21 An kamatayon ngan an kinabuhi aada ha gahum han dila;+An mga naruruyag paggamit hito makaon han bunga hito.+
22 An tawo nga nakaagi hin maopay nga asawa nakaagi hin maopay nga butang,+Ngan nakakarawat niya an pag-uyon ni Jehova.+
23 An pobre nga tawo nanginginyupo kon nagyayakan,Pero an riko nga tawo nabaton hin mapintas.
24 May mga sangkay nga andam ha pagdaot ha usa kag usa,+Pero may sangkay nga mas maunungon pa kay hin bugto.+
Mga footnote
^ O “gintatamay.”
^ O “kalag.”
^ O “pariho hin mga pagkaon nga tutunlon nga may kahakog.”
^ Lit., “ginpapahitaas,” karuyag sidngon, diri naaabot, talwas.
^ O “hin duro nga kawad-i hin paglaom?”
^ O “usisahon.”
^ Lit., “nagbubulag.”
^ Lit., “baba.”