Zabur 77:1-20
Ijrochilar rahbari uchun ko‘rsatma. Yodutun*.Osif sanosi+.
77 Ovozim boricha Xudoga yolvoraman,Allohga faryod qilaman, U meni eshitadi+.
2 Qayg‘u chekkanimda Yahovani izladim+.
Kechasi qo‘limni osmonga ko‘tarib ibodat qildim.
Ammo jonim tasalli topmadi.
3 Xudoni yodga olganimda oh tortaman+,Tinchimni yo‘qotdim, darmonim qolmadi+. (Sela)
4 Sen menga mijja qoqtirmading,Hayajon bosib gapirolmay qoldim.
5 O‘tgan kunlar,O‘tmishdagi yillar haqida o‘ylayman+.
6 Kechasi qo‘shig‘imni esga olaman+.Chuqur o‘yga cho‘mib+,Savollarimga javob izlayman.
7 Yahova bizni butunlay tashlab ketdimi?+
Endi bizga O‘z marhamatini ko‘rsatmaydimi?+
8 Mehr-sadoqati tamoman ado bo‘ldimi?
Uning va’dasi bajo bo‘lishini hech bir avlod ko‘rmaydimi?
9 Alloh marhamat ko‘rsatishni unutdimi?+Yoki g‘azabi rahm-shafqatini to‘sib qo‘ydimi? (Sela)
10 «Alloh Taolo bizni qo‘llamay qo‘ydi,
Meni ezayotgan narsa shudir»+,— deyaveramanmi?
11 Yahning* ishlarini yodga olaman,Azalda yaratgan mo‘jizalaringni eslayman.
12 Barcha amallaring haqida o‘ylayman,Ishlaring borasida fikr yuritaman+.
13 Ey Tangrim, Sening yo‘llaring muqaddasdir.
Sendek ulug‘ xudo bormi, ey Allohim?+
14 Sen mo‘jizalar yaratuvchi haq Xudosan+.
Kuchingni insonlarga namoyon etgansan+.
15 Qudrating ila xalqingni,Yoqub bilan Yusufning o‘g‘illarini qutqargansan+. (Sela)
16 Suvlar Seni ko‘rdi, ey Tangrim,Suvlar Seni ko‘rib, bezovtalanib ketdi+.
Hatto tubsiz ummonni ham hayajon bosdi.
17 Bulutlardan yomg‘ir quyildi.
Bulutli osmonda momaqaldiroq gumburlab,Chaqmoqlaring kamon o‘qlaridek har tomonga otildi+.
18 Momaqaldirog‘ing arava g‘ildiraklari shovqini kabidir+,Chaqmoqlaring yer yuzini yoritib yubordi+,Yer titrab, tebranib ketdi+.
19 Sening yo‘ling dengiz orqali+,Chuqur suvlar orqali o‘tdi,Ammo izlaring ko‘rinmay ketdi.
20 Muso va Horunning qo‘li bilan+Xalqingni suruv kabi boshlab yurding+.
