Zabur 103:1-22
Dovud sanosi.
103 Ey jonim, Yahovani madh et,Butun borlig‘im Uning muqaddas ismini madh etsin.
2 Ey jonim, Yahovani madh et,Qilgan barcha ishlarini aslo unutma+.
3 U hamma xatolaringni kechirib+,Barcha xastaliklaringga shifo beradi+.
4 U hayotingni o‘limdan* qutqarib+,Boshingga mehr-sadoqat va rahm-shafqat tojini kiydiradi+.
5 Butun umr U seni ne’matlar bilan qondiradi+.Shunda burgutday yosh va kuchli bo‘lasan+.
6 Barcha ezilganlar uchun+Yahova adolat+ va haqqoniyat ila yo‘l tutadi.
7 U O‘z yo‘llarini Musoga+,Ishlarini Isroil o‘g‘illariga namoyon etdi+.
8 Yahova shafqatli va rahmdil*+,Sabr-toqatli*, mehr-sadoqatga* boydir+.
9 U nuqson izlab yurmaydi+,Abadiy darg‘azab ham bo‘lmaydi+.
10 Gunohlarimizga qarab bizga muomala qilmaydi+,Xatolarimizga yarasha bizni jazolamaydi+.
11 Osmon yerdan qanchalik baland bo‘lsa,Mehr-sadoqati ham Undan qo‘rqadiganlarga shunchalik buyukdir+.
12 Sharq g‘arbdan qanchalik uzoq bo‘lsa,Qilmishlarimizni bizdan shu qadar uzoqlashtiradi+.
13 Ota o‘g‘illariga rahm qilganiday,Yahova ham Undan qo‘rqadiganlarga marhamatlidir+.
14 Chunki qanday yasalganimizni U yaxshi biladi+,Tuproq ekanimizni yodida tutadi+.
15 O‘tkinchi insonning hayoti maysaning umri kabidir+,U dasht guliday gullaydi+.
16 Ammo shamol essa, u yo‘q bo‘lib ketadi,Hech qachon u yerda o‘smaganday bo‘ladi.
17 Yahova esa mehr-sadoqatiniUndan qo‘rqadiganlarga toabad namoyon etadi+.Adolatini ularning nevaralariga+,
18 Uning ahdiga rioya etadiganlarga+,Farmonlariga astoydil amal qilganlarga ko‘rsatadi.
19 Yahova osmonda taxtini mustahkam o‘rnatgan+,U shoh bo‘lib barcha narsa ustidan boshqarmoqda+.
20 Yahovani madh eting, ey, jamiki qudratli farishtalar!+Uning amrlariga quloq solib, aytgan so‘zini ado eting+.
21 Yahovani madh eting, ey, Uning barcha qo‘shinlari+,Irodasini bajo keltirayotgan xizmatkorlari!+
22 U qayerda hukmronlik qilmasin,Yahovani madh eting, ey, Uning hamma yaratganlari!
Butun borlig‘im Yahovani madh etsin!
Izohlar
^ Yoki «chuqurdan».
^ Yoki «marhamatli».
^ Yoki «G‘azablanishga shoshmaydigan».
^ Yoki «mehr-inoyatga».
