Zabur 115:1-18
115 Bizning emas, ey Yahova, bizning emas*,O‘z ismingni ulug‘la+.Zero, Sen mehr-sadoqatli hamda vafodorsan+.
2 Nega endi xalqlar:
«Ularning Xudosi qani?»+ — deb aytishi kerak?
3 Bizning Allohimiz samolarda,U istaganini qiladi.
4 Ularning butlari kumush va oltindan yasalgan,Odam qo‘llarining mahsulidir+.
5 Butlarining og‘izlari bor-u, ammo gapira olmaydi+,Ko‘zlari bor-u, ammo ko‘ra olmaydi.
6 Quloqlari bor-u, lekin eshita olmaydi,Burunlari bor-u, lekin hidlay olmaydi.
7 Qo‘llari bor-u, biroq ushlay olmaydi,Oyoqlari bor-u, biroq yura olmaydi+,Bo‘g‘izlaridan hech qanday tovush chiqmaydi+.
8 Butlarni yasaganlar+,Ularga umid bog‘laganlar+ ularga o‘xshab qoladi.
9 Ey Isroil, Yahovaga tayan+,U ko‘makching va qalqoningdir!+
10 Ey, Horun xonadoni+, Yahovaga umid bog‘la,U ko‘makching va qalqoningdir!
11 Ey, Yahovadan qo‘rqadiganlar, Yahovaga ishoning+,U ko‘makchingiz va qalqoningizdir!+
12 Biz Yahovaning yodidamiz, U bizga baraka beradi,U Isroil xonadoniga baraka yog‘diradi+,U Horun xonadoniga baraka beradi.
13 Yahova O‘zidan qo‘rqqanlarga,Kichikdan tortib kattagacha baraka beradi.
14 Yahova sizlarni ko‘paytiradi,Ha, sizlarni va bolalaringizni ko‘paytiradi+.
15 Iloyo, osmon bilan yerning Yaratuvchisi+Yahova sizlarga baraka bersin!+
16 Samolar Yahovaga tegishli+,Yerni esa U inson o‘g‘illariga bergan+.
17 O‘liklar Yahga hamd-u sano aytmaydi+,Qabrda yotganlarning* hech biri bunday qila olmaydi+.
18 Ammo biz hozirdan boshlab toabadYahga madhlar aytamiz,
Yahga madhlar ayting!*
Izohlar
^ Yoki «biz hech narsaga munosib emasmiz, ey Yahova, hech narsaga munosib emasmiz».
^ So‘zma-so‘z «o‘lim sukunatiga botganlar».
^ Yoki «Halleluya!» «Yah» — bu Yahova degan ismning qisqacha shakli.