Hikmatlar 8:1-36
8 Nahot donolik chaqirmayotgan bo‘lsa?!
Nahot aql-idrok baland ovozda chorlamayotgan bo‘lsa?!+
2 U yo‘l bo‘yidagi tepaliklarda+,Chorrahalarda turadi.
3 Shahar darvozalari yonida,Eshik kiraverishlaridaU shunday deya jar soladi+:
4 «Ey xaloyiq, sizlarni chorlayapman.Har biringizni da’vat etyapman.
5 Ey tajribasizlar, zakovatli bo‘ling+.Ey nodonlar, dono qalbga ega bo‘ling.
6 Tinglanglar, zero so‘zlarim muhimdir,Og‘zimdan to‘g‘ri gaplar chiqadi.
7 Tilim yumshoqlik ila haqiqatni so‘zlaydi,Og‘zim yovuzlikdan jirkanadi.
8 Og‘zimdan chiqqan so‘zlarning bari haq,
Orasida na egri, na yolg‘on so‘z bor.
9 Ularning barchasi aql-idrokli kishiga tushunarli,Ilm sohiblari uchun haqiqatdir.
10 Kumush o‘rniga ta’lim-tarbiyamni,Sof oltin o‘rniga bilimni tanlang+.
11 Boisi, donolik marjondan ham a’loroq,Ko‘ngling tusagan hech narsa unga teng kela olmaydi.
12 Men — donolikman, zakovat bilan birga yashayman,Men tafakkur va bilimga egaman+.
13 Yahovadan qo‘rqish yomonlikdan nafratlanish demakdir+.
Manmanlig-u mag‘rurlik+, yovuzligu buzuq tildan+ jirkanaman.
14 Pand-nasihat-u donolik mendadir+.Fahm-farosat+ va qudrat+ sohibi menman.
15 Men tufayli shohlar hukm suradi,Amaldorlar odil qarorlar chiqaradi+.
16 Men orqali beklar boshqaradi,Asilzodalar odillik ila hukm yuritadi.
17 Meni sevganlarni men ham sevaman,Izlaganlar meni topadi+.
18 Boyligu shon-shuhrat,Tuganmas davlat-u adolat men bilandir.
19 Hadyalarim oltindan, hatto sof oltindan ham a’loroq,Tuhfalarim toza kumushdan ham yaxshiroqdir+.
20 Men odillik yo‘lidan boraman,Haqqoniyat so‘qmoqlari o‘rtasida yuraman.
21 Meni sevganlarga katta meros beraman,Ularning omborlarini to‘ldiraman.
22 Men Yahovaning ilk mahsuliman+,Azaliy ijodlarining birinchisiman+.
23 Qadim zamonlarda bino bo‘lganman+,Boshidanoq, yer yaratilmasidan avval+ mavjud bo‘lganman.
24 Men chuqur suvlar+ paydo bo‘lmasidan,Qaynar buloqlar vujudga kelmasidan oldin bunyod bo‘lganman.
25 Tog‘lar yuzaga kelmasidan,Tepaliklar barpo bo‘lmasidan avval vujudga kelganman.
26 U yer va dalalarni,Yerning ilk tuprog‘ini yaratmasidan ilgari dunyoga kelganman.
27 U osmonni hozirlaganida+ men o‘sha yerda edim.Suv yuzasi bo‘ylab ufq chizig‘ini tortganda+,
28 Osmonga bulutlarni joylashtirganda,Chuqur suv manbalariga asos solganda,
29 Suvlar to‘lib-toshib ketmasin+ deya,U dengizga chegara qo‘yganda,Yerning poydevorini solganda,
30 Uning qoshida men mohir ishchi edim+.
Kun sayin ko‘nglini quvontirib+,Huzurida hamisha shod-xurram yurardim+.
31 Hayot uchun yaroqli yerga qarab sevinardim,Odamzodni nihoyatda yaxshi ko‘rardim.
32 Endi, o‘g‘illarim, menga quloq soling,Yo‘llarimdan yurganlar baxtlidir.
33 Ta’lim-tarbiyamga+ quloq tutib, dono bo‘ling,Uni aslo inkor etmang.
34 Har tongda eshigim oldiga kelgan,Ostonam yonida meni kutib,So‘zlarimni tinglagan odam baxtlidir.
35 Meni topgan kishi hayot topadi+,Yahovaning iltifotiga sazovor bo‘ladi.
36 Meni rad etgan o‘ziga ziyon keltiradi,Mendan nafratlangan o‘limni xush ko‘radi»+.
