Hikmatlar 14:1-35
14 Dono xotin o‘z oilasini* mustahkamlaydi+,Ahmoq xotin esa uni o‘z qo‘llari bilan buzadi.
2 To‘g‘ri yo‘ldan yurgan Yahovadan qo‘rqadi,Egri yo‘ldan yurgan esa Undan jirkanadi.
3 Ahmoqning takabbur tili tayoqday tegadi,Dononi esa tili himoyalaydi.
4 Qoramoli yo‘q uyning oxuri toza turadi,Ammo buqaning kuchi bilan mo‘l hosil olinadi.
5 Ishonchli guvoh yolg‘on so‘zlamaydi,Soxta guvohning nafasidan esa yolg‘on ufurib turadi+.
6 Mazaxchi donolik izlaydi-yu, ammo topa olmaydi,Fahm-farosatli esa bilimni tezda o‘zlashtiradi+.
7 Ahmoqdan uzoqroq yur,Zero, uning og‘zidan dono so‘z chiqmaydi+.
8 Zakovatlining donoligi o‘z yo‘lini tushunganidadir,Nodonlar esa ahmoqligi tufayli aldanadi*+.
9 Xato qilib, buni hazilga yo‘yadiganlar ahmoqdir+,To‘g‘rilar esa yarashishga tayyor bo‘ladi.
10 Yurak o‘z dardini o‘zi biladi,Sevinchini ham faqat o‘zi his qiladi.
11 Yovuzlarning uyi yo‘q qilinadi+,To‘g‘rilarning chodiri esa obod bo‘ladi.
12 Shunday yo‘l borki, u odamga to‘g‘ri bo‘lib ko‘rinadi+,Ammo oxiri o‘limga olib boradi+.
13 Hatto kulganda ham yurak og‘riydi,Ba’zan shodlik ham qayg‘u bilan tugaydi.
14 O‘zboshimcha qilmishining oqibatini totadi+,Yaxshi inson esa mehnatining mukofotini oladi+.
15 Sodda har bir so‘zga ishonadi,Zakovatli esa har bir qadamini o‘ylab bosadi+.
16 Dono ehtiyotkor bo‘lib, yovuzlikdan yuz o‘giradi,Nodon esa beparvo* va manmandir.
17 Jahli tez odam ahmoqlik qiladi+,Mulohazakor odam esa nafratga duchor bo‘ladi.
18 Sodda ahmoqlikni meros qilib oladi,Zakovatli insonga esa bilim toji kiydiriladi+.
19 Yomon odamlar yaxshi odamga ta’zim qiladi,Yovuzlar odilning darvozasi oldida bosh egadi.
20 Qashshoqdan hatto yaqini ham nafratlanadi+,Boyning do‘stlari esa ko‘p bo‘ladi+.
21 Yaqinidan jirkangan gunoh qiladi,Bechoraga rahm-shafqatli bo‘lgan esa baxtlidir+.
22 Yovuzlikni niyat qilganlar yo‘ldan adashadi.Yaxshilikni niyat qilganlar esa mehr-sadoqat-u vafoga erishadi+.
23 Har qanday mehnatning foydasi bor,Quruq gap esa yo‘qchilikka olib keladi+.
24 Dononing toji — uning boyligi,Ahmoqning ishlari esa ahmoqlikka yetaklaydi+.
25 Ishonchli guvoh jonlarni saqlab qoladi.Aldoqchining nafasidan esa yolg‘on ufurib turadi.
26 Yahovadan qo‘rqqanning ishonchi mustahkamdir+,U farzandlari uchun boshpana bo‘ladi+.
27 Yahovadan qo‘rqish hayot bulog‘idir,U insonni o‘lim tuzoqlaridan asraydi.
28 Xalqning ko‘pligi — shohning ulug‘vorligi+,Xalqning kamligi esa shohning halokatidir.
29 Jahlini tiygan aql-idroklidir+,Besabr esa ahmoqligini ko‘rsatadi+.
30 Xotirjam yurak tanaga hayot baxsh etadi,Hasadgo‘ylik esa suyaklarni chiritadi+.
31 Bechorani aldagan Yaratuvchini haqorat qiladi+,Kambag‘alga rahm-shafqat qilgan esa Parvardigorni ulug‘laydi+.
32 Yovuzni o‘z yovuzligi yiqitadi,Odilning benuqsonligi esa unga panoh bo‘ladi+.
33 Donolik farosatli odamning qalbidan joy egallaydi+,Nodonlar orasida esa o‘zini ko‘z-ko‘z qiladi.
34 Odillik xalqni yuksaltiradi+,Gunoh esa uni isnodga qoldiradi.
35 Fahm-farosatli xizmatkordan shoh mamnun bo‘ladi+,Oriyatsiz xizmatkorga esa g‘azabini sochadi+.
