Hikmatlar 19:1-29
19 Kambag‘al bo‘lib, benuqsonlik yo‘lida yurish+,Nodon va yolg‘onchi bo‘lishdan afzalroq+.
2 Bilimga intilmaslik yaxshi emas+,Qadamini o‘ylamay bosgan gunoh qiladi.
3 O‘z ahmoqligi tufayli odam yo‘ldan ozadi-yu,Qalbida esa Yahovadan g‘azablanadi.
4 Boylik ko‘paysa, do‘stlar ham ko‘payadi,Kambag‘alni esa hatto yolg‘iz do‘sti ham tashlab ketadi+.
5 Soxta guvoh jazoga tortiladi+,Har nafasda yolg‘on so‘zlagan omon qolmaydi+.
6 Ko‘plar saxiyning iltifoti payida bo‘ladi,Sovg‘a beruvchi bilan har kim do‘stlashadi.
7 Qashshoqning aka-ukalari undan nafratlanadi+,Do‘stlari o‘zini undan olib qochadi+,
Ularga yolvorsa ham, hech biri pisand qilmaydi.
8 Fahm-farosatga ega bo‘lgan o‘z jonini sevadi+,
Aql-idrokli muvaffaqiyat qozonadi+.
9 Soxta guvoh jazosiz qolmaydi,Har nafasda yolg‘on so‘zlagan halok bo‘ladi+.
10 Ahmoqga hashamatda umr kechirish yarashmaganiday,Xizmatkorga ham beklar ustidan boshqarish aslo yarashmaydi+.
11 Fahm-farosatli jahlini tiya oladi+,Xatolarni kechirish insonni bezaydi+.
12 Shohning g‘azabi sherning o‘kirishidaydir+,Marhamati esa o‘t-o‘lan ustidagi shudring kabidir.
13 Nodon o‘g‘il otasiga kulfat keltiradi+,Janjalkash* xotin esa tomdan o‘tayotgan chakkadaydir+.
14 Uy va mol-davlat — otadan meros,Aql-idrokli xotin esa Tangri Yahovadan+.
15 Yalqov qattiq uyquga ketadi,Imillagan kishi och yuradi+.
16 Xudoning amriga rioya etgan jonini* asraydi+,Beparvoning yo‘llari esa uni o‘limga olib boradi+.
17 Bechoraga mehr ko‘rsatgan Tangri Yahovaga qarz beradi+,U esa qilgan yaxshiligini qaytaradi+.
18 Umid borida o‘g‘lingga tarbiya ber+,Tag‘in o‘limida aybdor bo‘lib qolma+.
19 Jahldor jazoga tortiladi.Uni qutqarishga urinsang, buni qayta-qayta qilasan+.
20 Kelajakda dono bo‘lishing uchun+,Maslahatga quloq solib, tarbiyani qabul qil+.
21 Odam o‘z qalbida ko‘p reja tuzadi,Ammo Yahovaning aytgani amalga oshadi+.
22 Insonning chiroyi mehr-sadoqatidir+.Yolg‘onchi bo‘lishdan ko‘ra, kambag‘al bo‘lgan a’loroq.
23 Yahovadan qo‘rqish hayotga yetaklaydi+.Undan qo‘rqqan xavf-xatardan xoli orom oladi+.
24 Yalqov qo‘lini kosaga cho‘zadi-yu,Ammo og‘ziga olib kelishga erinadi+.
25 Mazaxchining adabini ber+, shunda tajribasiz zakovatli bo‘ladi+.Farosatliga o‘git ber, u bilimini oshiradi+.
26 Otasiga qo‘pol muomala qilgan, onasini haydagan o‘g‘il,Sharmandalig-u isnodga qoladi+.
27 O‘g‘lim, ta’lim-tarbiyaga quloq solmay qo‘ysang,Bilim so‘qmog‘idan uzoqlashasan.
28 Yaramas guvoh adolat ustidan kuladi+,Yovuzning og‘zi yomonlikni yamlamay yutib yuboradi+.
29 Mazaxchilar uchun hukm+,Nodonlarning orqasiga tayoq hozirdir+.
