Hikmatlar 15:1-33
15 Muloyim javob g‘azabni qaytaradi+,Qattiq so‘z esa jahlni chiqaradi+.
2 Dononing tili bilimni yaxshilikka qo‘llaydi+,Nodonning og‘zidan esa ahmoqlik chiqadi.
3 Yahovaning ko‘zlari har yerga boqadi,U yomonni ham, yaxshini ham kuzatib turadi+.
4 Shifo beruvchi til — hayot daraxti+,Yolg‘onchi til esa qayg‘u keltiradi.
5 Nodon otasining ta’lim-tarbiyasini nazariga ilmaydi+,Zakovatli esa tanbehni qabul qiladi+.
6 Odilning uyi xazinaga to‘ladir,Yovuzning topgani esa boshiga balo keltiradi+.
7 Dononing tili bilim tarqatadi+,Nodonning yuragi esa ilmni yoqtirmaydi+.
8 Yovuzning qurbonligi Yahovaga jirkanch+,To‘g‘rining duosi esa Unga yoqimlidir+.
9 Yahova yovuzning yo‘lidan nafratlanadi+,Odillik payida bo‘lganni esa yaxshi ko‘radi+.
10 Yo‘ldan ozganga ta’lim-tarbiya yomon ko‘rinadi+,Tanbehdan nafratlangan halok bo‘ladi+.
11 Mozor* va qaro yer* Yahovaning ko‘zi oldida ochiqdir+.Nahot inson qalbi Undan yashirin bo‘lsa?!+
12 Mazaxchi unga tanbeh bergan kishini yoqtirmaydi+.U donodan maslahat ham so‘ramaydi+.
13 Shod yurak chehrani ochiq qiladi.Qayg‘uga botgan yurak esa ruhni tushiradi+.
14 Dono qalb egasi bilim qidiradi+,Nodonning og‘zi esa ahmoqlikni izlaydi+.
15 Ezilgan odamning kunlari qayg‘uli+,Qalbi shodning esa har kuni bayram+.
16 Boy-badavlat bo‘lib xavotirda yashagandan ko‘ra,Boriga qanoat qilib, Yahovadan qo‘rqib umr kechirgan yaxshiroqdir+.
17 Go‘sht yeb nafrat bilan yashagandan ko‘ra,Sabzavot yeb sevgi bilan kun kechirgan afzalroqdir+.
18 Achchig‘i tez janjal qo‘zg‘aydi+,Jahlini tiygan esa urishni to‘xtatadi+.
19 Yalqovning yo‘li tikanakli to‘siqga o‘xshaydi+,To‘g‘rining so‘qmog‘i esa ravondir+.
20 Dono o‘g‘il otasini xursand qiladi+,Nodon esa onasidan nafratlanadi+.
21 Farosatsiz ahmoqlikdan zavq oladi+,Aql-idrokli esa to‘g‘ri yo‘ldan yuradi+.
22 Maslahat bo‘lmagan joyda rejalar barbod bo‘ladi,Maslahatchi ko‘p bo‘lsa, ular amalga oshadi+.
23 Inson to‘g‘ri javobi tufayli quvonadi+.O‘z vaqtida aytilgan so‘z qanchalik yaxshi!+
24 Fahm-farosatli odam hayotga eltadigan so‘qmoqdan ko‘tariladi+,U go‘rga* tushiradigan yo‘ldan uzoqlashadi+.
25 Yahova takabburlar uyini vayron qiladi+,Bevaga tegishli yerning chegarasini esa qo‘riqlaydi+.
26 Yovuzning fitnasi Yahovaga jirkanch+,Yoqimli so‘zlar esa Uning nazarida pokdir+.
27 Harom yo‘l bilan foyda topgan xonadoniga tashvish keltiradi+,Pora olishdan hazar qilgan esa yashaydi+.
28 Odil o‘ylab javob beradi+,Yovuzning og‘zidan esa yomon gaplar chiqadi.
29 Yahova yovuzlardan yiroqda turadi,Odillarning ibodatiga esa quloq tutadi+.
30 Porloq ko‘zlar qalbni quvontiradi,Yaxshi xabar suyaklarni ilikka to‘ldiradi+.
31 Hayotbaxsh tanbehga quloq solganDonolar bilan bir uyda yashaydi+.
32 Ta’lim-tarbiyani rad etgan o‘z jonidan* nafratlanadi+,Tanbehga quloq solgan esa fahm-farosatga erishadi+.
33 Yahovadan qo‘rqish dono bo‘lishga o‘rgatadi+,Kamtarinlik sharaf keltiradi+.
Izohlar
^ Ibr. sheo‘l, ya’ni insoniyatning umumiy qabri. Lug‘atdagi «mozor» so‘ziga q.
^ Yoki «hayotidan».
