Hikmatlar 22:1-29
22 Yaxshi nom katta boylikdan afzalroq+,Hurmat qozonish kumush-u oltindan a’loroqdir.
2 Boy-u kambag‘alning bitta o‘xshashligi bor:
Ikkovini ham Yahova yaratgan+.
3 Zakovatli inson xavfni ko‘rib yashirinadi,Tajribasiz esa olg‘a qadam bosib jazosini tortadi.
4 Kamtarinlik va Yahovadan qo‘rqishBoylik, shon-sharaf va hayot demakdir+.
5 Egri odamning so‘qmog‘i tikan-u tuzoqlarga to‘la,Hayotini* qadrlaydigan esa ulardan uzoqroq yuradi+.
6 Bolani tarbiyalab, to‘g‘ri yo‘lga sol+,Hatto ulg‘ayganda ham undan og‘maydi+.
7 Boy odam kambag‘al ustidan hukm suradi,Qarzdor qarz beruvchiga qul bo‘ladi+.
8 Adolatsizlik ekkan, falokat o‘rib oladi+,Uning g‘azab tayog‘i sindiriladi+.
9 Saxiy inson baraka topadi,Chunki taomini kambag‘al bilan bo‘lishadi+.
10 Mazaxchini haydab yubor,Shunda janjal ham tugaydi,Bahs-munozara-yu haqoratga chek qo‘yiladi.
11 Sofdillikni sevganni, shirinso‘z odamniShoh ham o‘ziga do‘st deb biladi+.
12 Yahovaning ko‘zlari bilimni asraydi,Xoinlarning so‘zlarini esa yo‘qga chiqaradi+.
13 Yalqov: «Tashqarida sher yuribdi!
U yerga chiqsam, meni tilka-pora qiladi!»+ — deydi.
14 Buzuq ayolning og‘zi chuqur choh kabidir+.
Yahova hukm etgan odam unga qulaydi.
15 Ahmoqlik bolaning qalbiga o‘rnashgan+,Biroq tarbiya tayog‘i uni soqit qiladi+.
16 Boyish uchun kambag‘alni aldaydigan+,Badavlatga hadyalar beradiganOxiri nochorlikka uchraydi.
17 Quloq tutib, dononing so‘zlarini tingla+,Shunda bilimimni qalbingga jo qilasan+.
18 Ularni doim qalbingda saqlab+,Tilingdan aslo tushirmasang, naqadar yaxshi!+
19 Yahovaga tayanishing uchun,Bugun senga bilim beryapman.
20 Bundan oldin ham senga yozib,Maslahat-u yo‘l-yo‘riq bermaganmidim?!
21 Seni yuborganga aniq xabar yetkazishing uchun,Haq va ishonchli so‘zlarni o‘rgatmaganmidim?!
22 Kambag‘alni kambag‘al deb talama+,Shahar darvozasi oldida bechoraga zulm o‘tkazma+.
23 Chunki ularning masalasini Yahovaning O‘zi ko‘rib chiqadi+,Ularni aldaganlarni U hayotdan mahrum etadi.
24 Achchig‘i tez odamga sherik bo‘lma,Jizzaki kishiga qo‘shilib qolma.
25 Yo‘qsa, uning so‘qmoqlarini o‘rganib,Joningni tuzoqga tushirasan+.
26 Qo‘l siqishib garov o‘ynaydiganlar,O‘zganing qarzi uchun kafil bo‘ladiganlar orasida yurma+.
27 Agar to‘lashga hech vaqoing bo‘lmasa,Yotgan to‘shaging tortib olinadi.
28 Qadimda ota-bobolaring o‘rnatganChegara belgisini siljitma+.
29 O‘z ishiga mahoratli odamni ko‘rganmisan?U oddiy insonlar emas,
Shohlar huzurida turadi+.
Izohlar
^ Yoki «jonini».
