Забур 86:1–17
Довуднинг ибодати.
86 Эй Яҳова, ибодатимга қулоқ тутиб жавоб бер,Зеро, мен мазлум ва фақирман+.
2 Жонимни* асра, чунки мен садоқатлиман+.
Сенга суянаётган хизматкорингни омон сақла,Ахир Сен менинг Худойимсан+.
3 Менга илтифот кўрсат, эй Яҳова+,Чунки кун бўйи Сенга мурожаат қиламан+.
4 Хизматкорингга қувонч бахш эт,Сабаби, ўзимни Сенга бағишладим, эй Яҳова.
5 Сен, эй Яҳова, меҳрибон+ ва кечиришга тайёрсан+.Сенга мурожаат қилганлардан меҳр-садоқатингни аямайсан+.
6 Ибодатимни тингла, эй Яҳова,Ёрдам сўраб қилган илтижоимни эшит+.
7 Мусибат кунимда Сенга юзланаман+,Боиси, Сен менга жавоб берасан+.
8 Эй Яҳова, Сенга тенг келадиган худо йўқ+,Сеникига ўхшаш ишлар ҳам йўқ+.
9 Сен яратган халқларнинг бариОлдингга келиб мук тушади, эй Яҳова+.Улар исмингни улуғлайди+.
10 Зеро, Сен буюксан, мўъжизавий ишлар яратасан+.Сен — ягона Худосан+.
11 Эй Яҳова, Ўз йўлинг ҳақида менга таълим бер+,
Токи ҳақиқат йўлингдан юрайин+.
Исмингдан қўрқишим учун, юрагимни бутун қил+.
12 Эй, Тангрим Яҳова, бутун қалбим билан Сенга ҳамду сано айтаман+.Исмингни тоабад шарафлайман,
13 Менга бўлган меҳр-садоқатинг ғоят буюкдир,Сен жонимни мозор* қаъридан сақлаб қолдинг+.
14 Эй Тангрим, ўзбилармон одамлар менга қарши чиқмоқда+,Шафқатсиз кишилар жонимни олиш пайида юрибди.Улар Сени назар-писанд қилмайди+.
15 Сен эса, эй Яҳова, шафқатли ва раҳмдил*,Сабр-тоқатли*, меҳр-садоқат ва ҳақиқатга* бой Худосан+.
16 Менга назар солиб, илтифот кўрсат+.
Хизматкорингга куч-қувват ато эт+,Чўринг ўғлини омон сақла.
17 Менга ҳимматинг аломатини кўрсат.Токи мендан нафратланадиганлар буни кўриб, уятга қолсин.
Чунки Сен, эй Яҳова, мададкорим ва юпатувчимсан.