Intembauzyo 86:1-17
Mupailo wa Davida.
86 O Jehova, kocenjeka kutwi kwako,* undivwiile,Nkaambo ndapenga alimwi ndili mucete.+
2 Kolinda buumi bwangu, nkaambo ndilasyomeka.+
Komufwutula mubelesi wako uukusyoma,Nkaambo nduwe Leza wangu.+
3 Kondifwida luzyalo, O Jehova,+Nkaambo mebo ndilakwiita buzuba boonse.+
4 Kopa kuti mubelesi wako akondwe,Nkaambo mebo ndalipa kulinduwe, O Jehova.
5 Nkaambo yebo, O Jehova uli mubotu+ alimwi ulilibambilide kulekelela zibi;+Luyando lutamani ndojisi kulibaabo boonse bakukwiilila ndupati.+
6 O Jehova, komvwa mupailo wangu;Alimwi kobikkila maano nendikukombelezya kuti undigwasye.+
7 Mubuzuba bwamapenzi aangu ndilakwiita,+Nkaambo ulandivwiila.+
8 Akati kabaleza, taakwe uuli mbuli nduwe, O Jehova,+Taakwe milimo iili mbuli yako.+
9 Masi oonse ngookalengaAyooboola akukukotamina, O Jehova,+Alimwi ayoolemeka zina lyako.+
10 Nkaambo yebo uli mupati alimwi ulacita zintu zibotu izigambya;+Yebo olikke ndonduwe Leza.+
11 Kondiyiisya nzila yako, O Jehova.+
Mebo ndinakweenda mukasimpe kako.+
Kondipa kuba amoyo omwe* kutegwa kandiyoowa zina lyako.+
12 Ndilakutembaula amoyo wangu woonse, O Jehova Leza wangu,+Alimwi ndinoolemeka zina lyako lyoonse mane kukabe kutamani,
13 Nkaambo luyando lwako lutamani ndotondezya kulindime ndupati,Alimwi wafwutula buumi bwangu kuzwa kunsi kwini kwa Cuumbwe.*+
14 O Leza, basikulisumpula bandibukila;+Inkamu yabasilunya iyanda kundijaya,*Alimwi tabakubali kuti nduwe ni.*+
15 Pele yebo O Jehova, uli Leza siluse alimwi silweetelelo,*Tofwambaani kukalala alimwi uzwide luyando lutamani akusyomeka.*+
16 Kondicebuka akundifwida luzyalo.+
Komupa nguzu mubelesi wako,+Alimwi komufwutula mwana musankwa wamuzike wako musimbi.
17 Konditondezya citondezyo* cabubotu bwako,Kutegwa aabo batandiyandi babone akufwa nsoni.
Nkaambo yebo, O Jehova, uli mugwasyi wangu asikunduumbulizya.
Bupanduluzi buyungizyidwe
^ Naa “kosintama uswiilile.”
^ Naa “Kondigwasya kutegwa nditabi amyoyo yobilo.”
^ Naa “Cikkalilo Cabafwu.” Amubone Bupanduluzi Bwamabala.
^ Naa “tiibakubikka kumbele lyabo.”
^ Naa “iyandaula buumi bwangu.”
^ Naa “silubomba.”
^ Naa “akasimpe.”
^ Naa “bumboni.”
