Intembauzyo 103:1-22
Intembauzyo ya Davida.
103 Anditembaule Jehova;Zyoonse zili mukati kangu azitembaule zina lyakwe lisalala.
2 Anditembaule Jehova;Nditalubi milimo yoonse njaacita.+
3 Ngonguwe uukulekelela milandu yako yoonse+Akuponya malwazi aako oonse;+
4 Ngonguwe uuvwuna buumi bwako kucilindi,*+Akukusamika musini waluyando lutamani alimwi aluse.+
5 Ngonguwe uukukkutya zintu zibotu+ lyoonse nocipona,Kutegwa bukubusi bwako kabubukuluka mbubonya mbuli sikwaze.+
6 Jehova ulabacitila milimo iiluleme+ akubabeteka kabotuBantu boonse bapenzyegwa.+
7 Wakazyibya Musa nzila zyakwe,+Amilimo yakwe kubana ba Israyeli.+
8 Jehova ngusiluse alimwi ngusilweetelelo,*+Ulamuka kunyema alimwi uzwide luyando lutamani.*+
9 Tatuyandawidi tumpenda ciindi coonse,+Nokuba kutubikkilila lyoonse mane kukabe kutamani.+
10 Kunyina naatucitila kweelana azibi zyesu,+Naa kutupa cisubulo citweelede kweelana amilandu yesu.+
11 Nkaambo mbubonya julu mbolisumpukide kapati kwiinda nyika,Alwalo luyando lwakwe lutamani ndupati kapati kuli baabo bamuyoowa.+
12 Mbubonya kumapolelo aazuba mbokuli kulamfwu kapati kuzwa kumabbililo aazuba,Akwalo nkwabikkide zinyonyoono zyesu mbokubede kulampa kuzwa kulindiswe.+
13 Mbubonya usyi mbwabafwida luse bana bakwe,Awalo Jehova mbwabafwida luse aabo bamuyoowa.+
14 Nkaambo ulizyi kabotu mbotupangidwe,+Ulaibaluka kuti tuli bulongo buyo.+
15 Mazuba aabuumi bwamuntu ali mbuli mazuba aabwizu;+Ulafwulula mbubonya mbuli duba lyamusyokwe.+
16 Pele ciindi muwo nowuunga alindilyo, lilaloba,Mbuli kuti taakwe nilyakaliko.*
17 Pele luyando lwa Jehova lutamani nkoluli lyoonse alyoonse mane kukabe kutamaniKuli baabo bamuyoowa,+Abululami bwakwe kubana babana babo,+
18 Kuli baabo babamba cizuminano cakwe+Akuli baabo balomya kutobela malailile aakwe.
19 Jehova wakkazikizya cuuno cakwe cabwami kujulu;+Alimwi bwami bwakwe bweendelezya zintu zyoonse.+
20 Amutembaule Jehova, nywebo nyoonse nobangelo bakwe+ basinguzu,Nomucita ncaamba,+ nomuswiilila jwi lyakwe.*
21 Amutembaule Jehova, nomakamu aakwe oonse,+Nobabelesi bakwe ibacita kuyanda kwakwe.+
22 Amutembaule Jehova, nomilimo yakwe yoonse,Mumasena oonse ngayendelezya.*
Moyo wangu woonse autembaule Jehova.
Bupanduluzi buyungizyidwe
^ Naa “kucuumbwe.”
^ Naa “ngusilubomba.”
^ Naa “luzyalo.”
^ Mu Chihebrayo, “Alimwi busena bwandilyo bulaliluba.”
^ Mu Chihebrayo, “nomumvwa mbolilimvwisya ijwi lyakwe.”
^ Naa “aabweendelezi bwakwe.”