Intembauzyo 115:1-18
115 Tutabi ndiswe pe, O Jehova, tutabi ndiswe,*Pele kolemeka zina lyako+Akaambo kaluyando lwako lutamani alimwi akusyomeka kwako.+
2 Ino nkaambo nzi bantu bamasi ncobeelede kwaamba kuti:
“Ino uli kuli Leza wabo?”+
3 Leza wesu uli kujulu;Ulacita kufwumbwa ncayanda.
4 Mituni yabo njansiliva angolida,Milimo yamaanza aabantu.+
5 Ilijisi mulomo, pele tiikonzyi kwaambaula;+Ilijisi meso, pele tiikonzyi kubona;
6 Ilijisi matwi, pele tiikonzyi kumvwa;Ilijisi mpemo, pele tiikonzyi kununkizya;
7 Ilijisi maanza, pele tiikonzyi kwaampaampa;Ilijisi maulu, pele tiikonzyi kweenda;+Kunyina noikuluma amagoyooyo aanjiyo.+
8 Bantu baipanga bayooba mbubonya mbuli njiyo,+Kubikkilizya abaabo boonse baisyoma.+
9 Nywebo nobana Israyeli, amusyome Jehova,+Ngomugwasyi wanu alimwi nintobo yanu.+
10 Nywebo nobamuŋanda ya Aroni,+ amusyome Jehova,Ngomugwasyi wanu alimwi nintobo yanu.
11 Nywebo nomuyoowa Jehova, amusyome Jehova,+Ngomugwasyi wanu alimwi nintobo yanu.+
12 Jehova watuyeeya alimwi ulatuleleka;Walo ulaleleka ŋanda ya Israyeli;+Ulaileleka ŋanda ya Aroni.
13 Jehova ulabaleleka aabo bamuyoowa,Ibaniini kubikkilizya abapati.
14 Jehova ulamuvwuzya nywebo,Inzya nywebo abana banu.+
15 Nywebo aamuleleke Jehova,+Mulengi wajulu anyika.+
16 Majulu nga Jehova,+Pele nyika wakaipa bana babantu.+
17 Bafwu tabamutembauli Ja;+Nobaba baabo baunka kulufwu kuumwine wi.+
18 Pele swebo tunoomutembaula JaKuzwa lino mane kukabe kutamani.
Amumutembaule Ja!*
Bupanduluzi buyungizyidwe
^ Naa “Swebo kunyina ncotujisi, O Jehova, swebo kunyina ncotujisi.”
^ Naa “Aleluya!” “Ja” nkufwiinsyigwa kwazina lyakuti Jehova.