Intembauzyo 23:1-6
Lwiimbo lwa Davida.
23 Jehova Mweembezi wangu.+
Kunyina ncondiyoobula pe.+
2 Ulandilazika mumacelelo aamweemvwe;Ulandisololela kumasena aakulyookezyela aajisi maanzi.*+
3 Ulandikatalusya.+
Ulandeenzya munzila* zyabululami akaambo kazina lyakwe.+
4 Nokuba kuti ndeenda mukkuti lisiya mbi,+Kunyina cintu cibi ncondiyoowa,+Nkaambo yebo ulaandime;+Inkoli yako amusako wako zilandikkazika moyo.*
5 Ulandibambila tebulu lyazyakulya kumbele lyabasinkondoma.+
Ulandinanika mafwuta kumutwe;+Inkapu yangu ilizwide pamu.+
6 Ncobeni bubotu aluyando lutamani zinoonditobela mazuba oonse aabuumi bwangu,+Alimwi ndinookkala muŋanda ya Jehova mazuba oonse.+
Bupanduluzi buyungizyidwe
^ Naa ambweni, “kumaanzi aabateme.”
^ Mu Chihebrayo, “mutuzila.”
^ Naa “zilanduumbulizya.”
