Intembauzyo 41:1-13
Kumweendelezi wanyimbo. Lwiimbo lwa Davida.
41 Ulikkomene ooyo uumubikkila maano muntu uupengede;+Jehova uyoomuvwuna mubuzuba bwamapenzi.
2 Jehova uyoomulinda akumubamba kuti kapona.
Munyika uyakwaambwa kuti ulikkomene;+Tokamwaabi kuli basinkondonyina kuti bamucite kufwumbwa ncobayanda.+
3 Jehova uyoomulanganya abulo mpacisilwa;+Ciindi naciswa yebo uyoomulanganya kabotu abulo bwakwe.
4 Mebo ndakati: “O Jehova, kondifwida luzyalo.+
Kondiponya,+ nkaambo ndakubisizya.”+
5 Pele basinkondoma bandaamba zintu zibi kabati:
“Ino uyoofwa lili kutegwa zina lyakwe lilobe?”
6 Ikuti umwi wabo waboola kuzoondibona, moyo wakwe waamba buyo zyakubeja.
Uyandaula cintu cibi cakuti akandaambe;Mpoonya ulaunka akuyoocimwaya.
7 Boonse aabo bandisulide balavwiya-vwiya mulicabo kujatikizya ndime;Bakanza kundicitila cibi ategwa:
8 “Cintu ciyoosya cilimujisi;Lino mbwaanga ulilede, takabuki kabili pe.”+
9 Naba mweenzuma mwini-mwini, ooyo ngondakali kusyoma,+Iwakali kulya cinkwa cangu, wandibukila.*+
10 Pele yebo, O Jehova, kondifwida luzyalo alimwi undibusye,Kutegwa ndibajolele cibi.
11 Oobu mbonditiizyibe kuti ulandikkomanina:
Kuti sinkondoma atoongololi akaambo kakuti wandizunda.+
12 Lino mebo, ulindijatilide yebo akaambo kakuti tandikwe kampenda;+Uyoondibamba kumbele lyako lyoonse mane kukabe kutamani.+
13 Aatembaulwe Jehova Leza wa IsrayeliLyoonse alyoonse mane kukabe kutamani.+
Ameni! Ameni!
Bupanduluzi buyungizyidwe
^ Mu Chihebrayo, “wanduuma akasindi kakwe.”
