Intembauzyo 127:1-5
Lwiimbo lwa Basikutanta. Intembauzyo ya Solomoni.
127 Ccita kuti Jehova wayaka ŋanda,Bayaki inga baile kulipenzya buyo kubeleka canguzu kwiiyaka.+
Ccita kuti Jehova walinda munzi,+Mulindizi inga waile kulipenzya buyo kulinda.
2 Nywebo mulipenzya buyo kufwuma kubuka,Kumuka kukotoka,Akulijaya kubelekela cakulya canu,Nkaambo Leza ulabapa nzyobayandika bantu mbayanda alimwi ulabapa ŋonzi.+
3 Amubone! Bana ndukono luzwa kuli Jehova;+Imicelo iizwa mwida mbulumbu.+
4 Mbuli mivwi iili mujanza lyamwaalumi singuzu,Mbobabede bana mbazyala muntu kubukubusi bwakwe.+
5 Ulikkomene mwaalumi uuzuzya nkomo yakwe yamivwi ambabo.+
Tabakausyigwi nsoni pe,Nkaambo bayakwaambaula abasinkondonyina kumulyango wamunzi.
